designed by: M. Aladdin & H. Fathy

Saturday, September 27, 2008

..بول


بول نيومان

(26 يناير 1925- 26 سبتمبر 2008)

اليهودي الذي أصر على يهوديته رغم قوانين اليهود الارثوذكس، ربما كان هو التزاوج الحقيقي بين قوقازية داوود الشقراء اللازوردية في تمثال مايكل آنجلو وسامية بني إسرائيل السمراء سوداء الشعر في الانثروبايلوجي. عاش مخلصًا لليهود وإسرائيل في تبرعاته الخيرية وفي أدائه لفيلم "الخروج"، وعاش مخلصًا للسينما الذي قدم لها the Butch Cassidy and the Sundance Kid, The Hustler, The Long, hot Summer، وبالطبع Cat on a Hot Tin Roofوغيرها كثير..

عاش مخلصا لليسار وللحزب الديمقراطي حتى انه خسر صديقًا مثل شارلستون هيوستن عندما اتجه الأخير لليمين. عاش مخلصًا للفقراء حيث قدم لهم ما يربو على المائتي مليون دولار كتبرعات خيرية منذ العام 1980، وللأطفال شديدو المرض الذي اقام لهم معسكرًا صيفيًا يستقبل 13 ألف منهم في كل عام بلا مقابل. عاش مخلصًا لرفيقة العمر، جوان ودوارد، التي ظلت زوجته لخمسين عامًا بلا انقطاع.

بول الذي هدد به إيليا كازان مارلون براندو عندما تقاعس قليلًا في قبول دور ستانلي كوالسكي في "عربة اسمها الرغبة"، والذي قال مرة انه وقع اكثر من خمسمائة اوتوجراف بجملة "مع حبي، مارلون براندو". وهو ذات الممثل الذي قرروا تصوير Cat on a Hot Tin Roof بالألوان من أجل زرقة عينيه.

بول الذي لن انسى مشهد كسر يده كلاعب بلياردو اسطوري في The Hustler، ولا مشهد سرقة البنك في أمريكا اللاتينية في Butch Cassidy، ولا مشهد موته في Road To Perdition، ولا تجوله العابث بجوار اورسون ويلز، كشاب نزق يضع يديه في جيبي الجينز الخلفيتين في The Long, Hot Summer..

بول يمضي تاركا ورائه شباب يقتربون من سن الثلاثين، يمضي مضيفًا إليهم مزيدًا من التفكر، في تلك الفترة من العمر، التي يستوعبون فيها أن كل أبطال طفولتهم إما شاخوا أو ماتوا.

ربما يدنيهم موته، أكثر فأكثر، إلى قلق النضج وسأمه..


Friday, September 19, 2008

.. قالك ما تسيبي انتي بقى؟؟؟


فُكِكك ليفني
مرشحة لترؤس وزرا اسرائيل وبتخربش على رأي عادل أدهم

Monday, August 04, 2008

.. النظرية الأدهمية




"المزة: انتوا عندكم عقول زينا؟

عادل ادهم: (يضحك)طبعا!.. أمال يعني.. مهلبية؟!.ايه؟؟.. عندك شك في كده؟!

المزة: بيقولوا الانسان اصله قرد..

عادل أدهم: وبعدين بقى؟!!

المزة: دي نظرية علمية..

عادل أدهم: وفيه كمان انسان اصله حمار..

المزة: حمار؟؟!! دي نظرية علمية؟!!!

عادل أدهم: (يهز رأسه نافيًا) دي نظرية أدهمية..

المزة: (تضحك).. يعني قصدي أن القرد شعره جسمه اختفى مع السنين لازم شعر راسه كمان يختفي..

عادل أدهم: احنا عندنا قرع وصلع والحمد لله.. لكن مش كلنا.. أهو أنا.. شعري طبيعي.. اهو.. تعالي شوفي.."

Sunday, August 03, 2008

.. النهايات


في نهاية الحياة..

أي جلال يتبقى؟ أي خلود؟

أي صدى، في نفخ مجهد داخل الأبواق؟

وفي نهاية الحياة..

أي سماء، مصطنعة، بلغناها؟

أو أي غصن ذهبي، ملسنا به فوق وجوهنا؟

في نهاية الحياة.. أو قرب نهاية الحياة..

تكون عالقة، ربما، فوق إفريز الذاكرة

ابتسامة طفل..

مرج، أخصر، وسيع..

حرير نهد امرأة..

عذوبة سائل،

ملس على الحلق ثم راح..

عصارة مضغ..

احتواء البحر لأسمال الجسد..

في نهاية الحياة.. أو قرب نهاية الحياة..

تُقدس الموسيقى عن حق..

وتكون الحسرة، ربما، طيبة..

ولكنها، وغالبًا، ستكون وحيدة..

في نهاية الحياة.. أو قرب نهاية الحياة..

ربما ندرك أن أعظم الأحلام هي راحة جفن..

وأن أعذب الألحان هو الهمس..

وأن بعض من الرضا، بعض وحسب..

هو مُلك سليمان،

والكثير من جرأة داود..

عندما، يأتي المَلك..

أو يأتي ما تُحب، مثلما تُحب..

ربما، تبتسم ابتسامة ما..

وتقول هيئت لك..

في نهاية الحياة.. أو قرب نهاية الحياة..

ربما، تتمنى القبر زهرة حمراء، لا غير،

تبتسم في وجه العابرين..

لأن السماوات لم تهبط أرضًا

ولأن الغصن لم ينبت

داخل قلوبنا المشغولة بالخلود، والعظمة، والروعة..

زهرة حمراء.. زهرة حمراء فحسب..

تبتسم في وجه المشغولين، بحمق أزلي،

في الحكمة الأزلية..

Saturday, August 02, 2008

.. والحب موصول يا ميرو




يالا سلام.. سلام..

يبقى مفيش كلام...

احسن لي أنا ابعد عنه..

انسى اللي كان زمان.. انسى اللي كان عشان

.. الحب ده ميئوس منه..





Friday, August 01, 2008

عم ذكري المخيف..


في ثمانينات القرن الماضي وقف أحمد وجه القتيل في العاشرة صباحاً أمام بيته مهيباً مُكرَّشاً بعد أن حكَّت أذنيه صدفةً من غرفة ابنه هشام أغنية بوني تايلور الخسوف الكلي للقلب، فقطف على أثرها شعرتين قاسيتين تنبتان دائماً بشذوذ في سقف بطن شكْمَان أنفه الأيسر، وتخرجان ملتويتين عنيدتين إلى أعلى قمة الشكْمَان، ونظر سريعاً لجذر الشعرتين الأبيض بين إصبعيه. وأقسمتْ رحاب لأخيها ليلاً بأن والدها ما كان له أن ينتش شعْرَتي أنفه بتلك الحِدَّة لو لا صوت بوني تايلور المشروخ شَرْخَة صوت مغنيات الفيلامينكو، وأرجع أخوها صدفة سماع والده لمغنية الروك وصدفة يقظة رحاب في التاسعة صباحاً إلى مبدأ إمّا أو، إمّا صدفة احتكاك الأذن بملكة الروك، أو صدفة الوجود في ركن الصالة، لكنّ الصدفتين معاً تلغي الواحدة منهما الأخرى، الأمر أشبه بميكانيكا الكم عندما تتداخل مجموعتان من الموجات، أي أن ذروات مجموعة من الموجات قد تتطابق مع قرارات مجموعة أخرى، وهكذا فإن مجموعتي الموجات ستلغي إحداها الأخرى، بدلاً من أن تتضايف إلى موجة أقوى. وضع أحمد وجه القتيل يده اليسرى في جيب السيَّالة الزائف، وبَاعَدَ يده إلى الخارج، فانتفخ جانب الجلابية الحرير بهواء أشاع السرور في صدره، ثم أخرج بيده اليمنى من الجيب الآخر الحقيقي علبة سجائر روثمان، وهي العلبة الرابعة من الخرطوشة الثانية من مجموع خراطيش ست مجلوبة من ليبيا وطن عمله الثاني على شاحنة فولفو يفتخرُ بدفعها الرباعي، وأشعل واحدة وهو يرمي عبر ملعب كرة القدم الترابي اتنين نِنِّي ناحية حنفي الخارج من مذبح حلوان الرئيسي حاملاً داخل عب الجلابية مصراين ثلاثة عجول، طول المصران الواحد حوالي ستة أمتار، وعلى خصره حزام جلدي تتدلى منه سلسلتان، واحدة تنتهي بالمُسْتَحدْ، والأخرى بالكزْلَكْ القصير ذي الشفرة الماضية. فجأةً وجد حنفي كلبين مُلتصقين يُكافحان عند قدميه للفرار، كل منهما في اتجاه، وللحظات بدا عزم الفرار متساو عند الكلبين، فكانت الأرجل الثمانية تنزلق على بلاط مدخل المذبح الإسمنتي اللزج بدماء ثخينة، وكان قَدَر الكلبين المشؤوم في التفافهما حول ساق حنفي الذي مال قليلاً إلى الأمام، وهو يسند بيده اليسرى كرش سَقَطْ العجول، وباليد اليمنى رفع الكزْلَكْ بسلسلته، وفصل بضربة واحدة نظيفة الكلبين عن بعضهما، فجرتْ الكلبة في اتجاه وكأنّ شيئاً لم يكن بينما ارتفع عواء الكلب، وأخذ في الدوران حول نفسه. اشتاق أحمد وجه القتيل إلى كبدة طازجة في الإفطار، وممبار في الغداء، فأيقظ ابنته رحاب، وبعثها لشراء الكبدة والممبار من حنفي الجزار العارف بأن زبونه أحمد وجه القتيل يحب نصف كيلو الكبدة قطعة واحدة سميكة مستطيلة. تاهتْ آثار دماء الكلب في دماء الكبدة الغنية. وضعتْ فوزية زوجة أحمد وجه القتيل صاجةً مُربَّعة كانت في الأصل لعلبة سَمْن هولندي على عين البوتاجاز الحامية، وانتظرتْ حتى تصاعد الدخان من جوانب الصاجة، ثم رمتْ دفعة واحدة قطعة الكبدة على الصاجة الحامية بعد أن دهنتها بورقة زبد، ورشتْ عليها حلقتين، واحدة من الملح، والثانية من الفلفل الأسود، وفي الحال أحدثتْ الكبدة صوت طشطشة ونشنشة من صدمة اللقاء الساخن، وتغيَّر لونها سريعاً، فقلبتها فوزية بسن الشوكة على الجانب الآخر، فانكمشتْ الدماء داخل سُمْك الكبدة، واندفع من تحتها صاروخ البخار الغاضب. سَطَحَتْ الزوجة مستطيل الكبدة على أحد أطباق طقم روميو وجولييت الصيني. وقرب صباح اليوم التالي دخل هشام غرفة شقيقته رحاب بمثال آخر عن الصدفة، إذ بدا على رحاب أن مثال ميكانيكا الكم لم تهضمه جيداً. قال هشام: سنفرض أن واحدة أراحتْ عينيها، ومالتْ برأسها، فسقطتْ خصلة شعر أمام وجهها، على كتاب لها في يده، وسنفرض أن جلوسها على طرف مقعد خشبي محدوف في حضن بحر هائج، حلم رومانسي قرأ عنه وشاهده في أفلام وحدس به وهو جالس على الطرف الآخر من المقعد، ومع هذا، ومع أنه حلم، ومع أنه رومانسي، حرَّكَ لها الكتاب مع حركة رأسها، لتقرأ اسمها على غلافه، وقال: كاتبتي المفضلة، دون الإيحاء بأنه يعرف أنها هي صاحبة الكتاب، وبعمى الصدفة عندما تتضاعف، فتجهض المعنى الوليد، وتكبت انطلاقه، أخرجتْ من بطن حقيبتها، وهي ترفع بيدها سقوط الملاك عن وجهها، كتاباً له، وقالتْ وهي تبتسم: كاتبي المفضل. بصرة الكوتشينة، الفرقعة الخفيفة بظهر ورقة الآس على جبين الخصم، الاحتفال بلقاء آسين، بلقاء صدفتين، وها هو البحر يحتفل بهضبة موجة عالية تلطم ذقن الصخرة الكبيرة، فيصل إلينا ماؤها ضعيفاً بعد أن كُتِم هوله في سقف الذقن.

...................................................

يوميات مصطفى ذكري: روزاليوسف

كل سنة وانت طيب يا عم


الست نور بطلت تكتب في بلوجها الجميل صحيح، بس انا مش ح ابطل عادتي السنوية في المباركة لها هنا وحالا وفورا بصرف النظر عن الفايس بوك والام اس ان وخلافه
كل سنة وانتي طيب يا نورنور، والسنة الجاية تكوني اجمل واحلى، بكتب منشور بقى يشفي غليلي
:)
................................................
الصورة: محمد علاء الدين، نور الاسعد، جمال غصن- القاهرة 2008

Sunday, July 27, 2008

.. جو مات يا خلف


يوسف شاهين

(25 يناير 1926- 27 يوليو 2008)

مشي اللي قلب كل الممثلين تهتوته وقلب كل المتفرجين عبط قدام سلسلة الاسكندريات.

مشي الجدع اللي ماكانش بيتكسف يقول انه له ف الخشن، ومكنش برضه يتكسف يشتم أي حد، بما في ذلك النظام، مع انه المفروض يهاود شويتين.

مشي اللي خد كل حاجة من اسكندرية من اول ريحة الكورنيش للشخرة الموسيقية، والوحيد اللي طلع فريد الاطرش بطبيعته غتت فنجح الفيلم، مشي اللي حب هند رستم فطلعها من غير برا في نفس الفيلم وخلاها بطلة احلامه الخيالية في باب الحديد..

مشي إله الدراويش ابو ليفة بيضا فوق دماغه، بتاع الأرض واسكندرية ليه وباب الحديد والاختيار. اللي

نيازي مصطفي بجلاله قدره قال عليه استاذه، وسامي السلاموني- بجلالة قدره برضه- كان من مريديه.

مشي الجدع اللي الواحد ممكن يشتمه اوي زي ما بيحبه اوي.. يشتمه بانفتاح يعني زي ما بيقدره.. وربنا يسامحه بقى.. طلق خالد يوسف علينا.. بس معلهش..

ربنا يرحمك يا جو.. ويرحم الملايكه من لسانك.

......................................

البلوج محجوب تلات ايام.

براءة: ممدوح وإسماعيل كمان

الموضوع فيه دروس مستفادة كتير:

1- زكريا عزمي راجل ذوق.

2- النقل البحري ده حاجة عظيمة.

3- لازم تشتغل في جريدة اليوم السابع.

4- لندن الطف مكان في الدنيا.

5- حق مين يا ابو حق؟!!

6- دوحه وهانو دول زي العسل ومش غلطانين في حاجة.. أي والله.. اللي يلاقي الدلع وما يتدلعش يبقى ** أمه.. م الاخر يعني..

7- ومش ترتيبا على النقطتين اللي فاتوا: عدم التعليق على قرارات القضاء المصري الزاهرة.

8- ويمكن ترتيبا على كل النقط اللي فاتت: الحشيش بقى مخلوط بزيادة وده شيء خرا صراحة.

Friday, July 25, 2008

..نور على نور


"الله نور السموات والأرض مثل نوره كمشكاة فيها مصباح المصباح في زجاجة الزجاجة كأنها كوكب دري يوقد من شجرة مباركة زيتونة لا شرقية ولا غربية يكاد زيتها يضيء ولو لم تمسسه نار نور على نور يهدي الله لنوره من يشاء ويضرب الله الأمثال للناس والله بكل شيء عليم"

Wednesday, July 16, 2008

Forever

1, 2, 3, 4..
Hey (eh)
Forever
Hey (eh)
Forever

Its you, and me
Movin at the speed of light into eternity (yeah)
Tonight, is the night
To join me in the middle of ectacy
Feel the melody and the rhythm of the music around you (around you)

Ima take you there, Ima take you there
So dont be scared, Im right here, ya ready?
We can go anywhere
Go anywhere
But first, its your chance
Take my hand
Come with me


Monday, July 14, 2008

... اتاري قلبي حبك موت


"حاولت".. عمرو دياب لما كان بيعمل حاجة ليها معنى، مش مهم عظيمة ولا ساذجة، بس حاجة، حاجة تعرف تسمعها، وتتكلم معاها كمان.

"حاولت" فيها حاجة مش عارف هي ايه، حاجة مهما بعدت عنها بتلعب في قلبي، يمكن آخر مزيكات عمرو الشيك اوي والصادقة اوي في وقت واحد، يمكن تكون فيها ريحة القديم، الستينات، منطقة الزمن اللي قفشت منطقة مزيكا في مصر ليها طعم تاني..

"حاولت كتير.. لكن قلبي بكى مني.. وجنني".. كل ما بسمع الجملة دي، جملة الكلمات وجملة اللحن، بحس بشئ أجمل من أني احطه في جملين تانيين..

الاغنية من ألبوم راجعين، سنة 95، الالبوم اللي طحنه فيه فؤاد بأغنية ح اودعك لو الذاكرة لسه بخير. حد فينا كان بيتهيأله وهو بيتريق على "راجعين إن شاء الله" أن ده يمكن يكون اخر البوم لعمرو فيه الحاجات اللي بجد؟!

يمكن المسألة، أو اكيد فيه في المسألة، نوستالجيا.. أكيد، نوستالجيا لعمرو دياب بتاع بتقولي نرجع للمكتوب، وحبك ده شيء اتولد جوايا من صغري (عرفتي مين حبك)، ويا عمرنا، ومالهاش حل تاني، وعن حبك مش ح نتوب، وشوقنا، وماتخافيش، وما بلاش نتكلم ف الماضي، وبلاش تكلمها، واحلف بالليالي، وصدقتني، وراحل، وحكايتنا، ولا الليالي تهون، ولما كان، وح اتمرد، ورصيف نمرة خمسة، وذكريات، وحبيبي، وويلوموني، وكان عندك حق، وضحكة عيون حبيبي، وغلاوتك، ونفس المكان.. وطبعا: وايه يعني؟!...

عمرو، الشاب الرفيع، ابو شعر طويل من ورا. عمرو، الشاب اللي تتبضن منه زي ما بتتبضن من نفسك، الشاب اللي بيحاول وبيبرم وبيلعب ميلودراما فتقوله ليه كده يا عم؟! عمرو بتاع البنات العسل فوق كوبري ابو العلا، بتاع كوز الجيلاتي في مناخيره..

عمرو الشاب اللي بيحاول يستروش، مش عمرو الروش بتاع الليلة ديه..

يمكن ورا "حاولت"، ورا "حاولت" بالظبط، عمري اللي فات، النواصي وكورنيش اسكندرية والجينزات الـ"لي" و "الريفل" والقصة الانجليزي، البنات اللي اتهيألي اني بحبها والبنات اللي اتهيألهم انهم بيحبوني، الهبل والعباطة والقناة التالتة لما كانت بتفتح الساعة خمسة. عمري، عمري انا، عمري اللي يمكن يكون ضاع مني ويمكن لأ، والشيء اللي يلفت اني مش عارف.

غالبا انتوا عندكوا ألبوم "راجعين"، بس من باب الحرص، ممكن تضغط هنا.

......

وبعيد عن وجع القلب ده، وبما أني كائن سو، ممكن اوريكوا اللي اتكتب عن عمرو في الويكي العربي:

"تعاون الهضبة مع مجموعة من الشعراء والملحنين منهم:

الكابو حميد الشاعري أكثر موزع تعامل معه الهضبة منذ البوم خالصين حتى نور العين ونتمنى رجوع التعاون من جديد بين العملاقين."

واللي مش مصدق يبص هنا.

:)

..حسن زعبله



كنت مرة باقول أن حاجة ملفتة اوي، ودمها خفيف طبعا، ان يوسف معاطي سمى فيلمه الجديد "حسن ومرقص"، على اساس أن العنوان بيعمل افيه مع عنوان مسرحية عادل خيري "حسن ومرقص وكوهين".. عم تامر عبد الحميد طبعا ما فوتش الفرصة وفقعني افيه محوج: بعد شوية ح يبقى حسن بس...

.. شاط الكورة ازاي؟



كلمة واحدة: تحفة
:)

Sunday, July 13, 2008

Francis tells how ninety-five percent of people are absolute fools..



Ninety-five percent of people are absolute fools, and they're bigger fools about painting than anything else... Hardly anyone really feels about painting: they read things into it - even the most intelligent people - they think they understand it, but very, very few people are aesthetically touched by painting.

-Francis Bacon

"Looking Back at Francis Bacon" by David Sylvester
Thames and Hudson, 2000.

For a BBC interview with Bacon, you can press HERE

.....................................

Self portrait, by Francis Bacon.

Picture by John Minihan.

Saturday, July 12, 2008

Paul tells why fiction is 'magnificently useless'..


"A book has never put food in the stomach of a hungry child. A book has never stopped a bullet from entering a murder victim's body. A book has never prevented a bomb from falling on innocent civilians in the midst of war.

Some like to think that a keen appreciation of art can actually make us better people - more just, more moral, more sensitive, more understanding. Perhaps that is true - in certain rare, isolated cases. But let us not forget that Hitler started out in life as an artist. Tyrants and dictators read novels. Killers in prison read novels. And who is to say they don't derive the same enjoyment from books as everyone else?"

- PAUL AUSTER, in his acceptance speech for the Prince of Asturias Prize for Letters, Spain's premier literary honor. For the whole speech, published by The Observer, CLICK HERE

Thursday, July 10, 2008

باتشان الزمان






مكنتش من محبي لا الأفلام الهندية ولا افلام فان دام وتشارلز برونسون. ولسه مصر اني مكنتش اهبل.

بس لسه فاكر الافلام الهندية، واذاعتها في العيد، وكل القهاوي اللي بتعرضها. فاكر كويس اميتاب وهو شايل التمساح ودبابة بتمشي في ساحة مصارعة رومانية وحد مشدود بالحبال. فاكر انا حتى لما سمير صبري- أي والله سمير صبري- كان بيديله جايزة التكريم في مهرجان اسكندرية السينمائي الدولي وبيقوله فاكر يا راجل افلامك وتشيل التمساح وتشد الطيارة.. الجدع قاله ببساطة وبأدب شديد: أنا اسف..

فاكر ساعة زيارة اميتاب الاولانية للقاهرة الحمى اللي جت للناس وللستات خاصة، الصحفي اللي مش فاكر اسمه اللي كتب في مجلة صباح الخير اياميها ان مراته سابته وصارحت بالحقيقة المرة، انها اتجوزته علشان شبه اميتاب وادي اميتاب الحقيقي وصل اهه..

لسه برضه فاكر سلمان رشدي اللي قال مرة أن اميتاب هو كان ملهمه لشخصية جبريل فاريشتا في الرواية سيئة الذكر ايات شيطانية...

فاكر اميتاب باتشان وطبعا فاكر حمدي باتشان...

وهي دي ايام تتنسي يا راجل؟!