designed by: M. Aladdin & H. Fathy

Saturday, July 09, 2005

المتاهة

كنت بتصفح من شوية تعليقات القراء علي اختطاف--اختطاف ايامها--القائم بالاعمال المصرية في العراق(علي موقع البي البي سي). مش جديد اني اقول اننا كلنا عندنا حالة سيولة فكرية رهيبة. مين ماشي يمين و مين شمال و مين بالورب. مش بقول ان المسائل لازم تكون ديكتاتورية و حزب الرأي الواحد.. بس التشرذم الرهيب ده شيء مقلق.. علي العموم إن كان الغرب نفسه عنده الحالة دي.. فما بالنا بالعرب
و شفت التعليق ده لأخ باين انه عراقي
كما أننا مللنا من المقولة التي تتردد على لسان المصريين ومفادها "إحنا جايين علشانكم". ابقوا في بلدكم ودعوا إعمار العراق للعراقيين أنفسهم، نحن لسنا الآن في سنوات الثمانينيات، والحليم تكفيه الإشارة.
الأخ اسمه ارا اوهانيس، و كاتب انه في هولندا. طبعا من حقه يكتب اللي هو عايزه، و من حقه يسكن في المكان اللي يحبه. و طبعا هو كلامه صح، بس ياريت نزود جملة تانية: حفظ الأمن و النظام مسئولية العراقيين. يعني لو فيه م الاخوة العراقيين زعلان حبتين من المصريين--و ده بجد ممكن يكون مبرر: امريكا و الذي منه--ياريت بقي يعمل حاجة علشان بلده و علشان حفنة الارهابيين الللي طايحة في البلد.. مش من حق العراقيين انهم يتباكوا علي شيء بأيدهم وقفه. فيه من العراقيين ناس كتير شكرت امريكا انها شالت صدام--مع ان رأيي اني دي حركة كانت كارثية و غير مدروسة: و ادينا شايفين الزرقاوي و الحمراوي--طيب يا ريت نفس الناس برضه تشد حيلها شوية كده و تقاوم الارهاب في بلدها و تبطل خوف و تشرذم و طائفية.. الامريكان مش ح يعملولكوا اكتر من كده، و اللي عملوه ليه طبعا فاتورة، الرهان دلوقتي عليكم انتم مش علي حد تاني.. يعني ياريت اللي في منتجعات هولندا و نازل جعجعة يجي بلده يبنيها، مش يلوم الشرير--بفرض ان مصر شريرة--علي شره، بينما هو قاعد بعيد بيتشمس
و ربنا يحفظ العراق و اهل العراق

19 comments:

ihath said...

إحكيلنا من تجاربك الشخصية, كيف شديت حيلك وعملت على تخليص بلدك مصر من الإرهاب؟ لعل مثلك يلهمنا
وشكراً على نصائحك القيمة والمفيدة للشعب العراقي

Muhammad Aladdin said...

و الله يا اخت ايهاث مش مسألة تجارب، المسألة مسألة منطق بسيط، يعني مين ح يصلح حال اي بلد؟ مش اهلها؟ و لا زوار كوكب المريخ مثلا؟
فيه درس مهم يا اخت ايهاث،، خديه من محمد علي: اللي عايز يعمل حاجة بيعملها.. صحيح محمد علي اتعمل عليه تحالف دولي في الاخر، بس هزيمته كانت مكسب كبير بالنسبة لحسابات زمنه.. يعني يا اخ ايهاث لو عايزين عراق مستقر، يبقي اهله هم اللي لازم يلاقوا الحل
اظن دي لا حصة تاريخ و لا محاضرة، و الكلام كان موجه لأخ فاضل قاعد في هولندا، و اكدت علي حق سعادته في الاقامة في اي مكان، و أن يقول الكلام اللي سموه عايزه، بس ياريت يقرن القول بالفعل
بالنسبة للشعب العراقي، انا اكدت علي احترامه و تمني كل خير ليه، مش من العقل أو المنطق--زي ما انت اكيد عارفة--انتقاد شعب بأكمله
و دوري هو الكتابة و محاولة المشاركة باللي انا اقدر عليه، و اظن--و ده مجرد ظن--أن الواحد علي الاقل بيحاول
شكرا يا سيدتي الفاضلة علي تعليقك المنمق

Tara said...

Alla
it's not easy to get reid of these terrorists.Iraqi people are hating them & not eccepting them .They'd stolen our dream.
I wish I can write more but I'll comment on this later.
Just love Iraqi people & understand them.

The Bionic 1 said...

Don't forget Bin Ladins right hand man was from Egypt. We are all in this together. A taliban style goverment is what these animals want for the whole world.
Wake Up!

littilemo said...

معاك حق
جحا احق بلحم طوره
بس نقول ايه
الدنيا ماشيه بقفاها

SPRING said...

بعيد عن العراق و اهل العراق ، كتبت قبل كده عن موسيقى صوفية بعتهالك واحد صاحبك ، يا رييت تقوللي نزلها من في على النت ، او حتى تنسخلي سي دي و نشوف ممكن نتبادل افلام او مزيكا بعد كده
و شكرا

Muhammad Aladdin said...

تارا
انا بحب شعب العراق جدا، ده بجد مش مجاملة.. و كلامي ما يعنيش ان الموضوع سهل.. خالص.. بس بفضل عند رأيي برضه.. و تاني و تالت: الموضوع ده مش ضد الشعب العراقي

بايونك
موافقك جدا..بصرف النظر عن انك معتبرني نايم.. اقرا الكلام كويس

ليتل
جدا

سبيرنج
صديقي هو عمر.. مدونته ليها لينك في البلوج.. ممكن جدا انك تطالبه بكوبي--هو عنده رايتر--و اظن انه مش ح يمانع ابدا

أحمد said...

بص
يا علاء
أت لما بتتكلم في السياسية و لا مؤخذة بتبقي عامل زى مدرس الجغرافيا اللى بيقرأ الجمهورية و يتفرج على نشرة تسعه و يروح ينام
-----

حضرتك جاى تتكلم عن العراق و ان العراقيين لازم يخلوا البلاد تستقر و يكافحوا الارهاب و الامريكان
يا قلبك يا اخى .. الارهاب و الامريكان؟؟
مع بعض ... ليه هم العراقيين سوبر بندق مثلاً؟؟

انا مش عايز اتكلم في تفاصيل و اخش في موضوع كبير و ازحم لك المكان ، لكن الخلاصة يجب ألا ينسي أحد أن كل الافكار الارهابية و كل الخميرة اللى قامت عليها كل التنظيمات الارهابية بدأت في مصر
مانجيش بعض كدا بقي ونقول للناس التانية تلم الارهاب الكخة بتاعها

Muhammad Aladdin said...

بصرف النظر عن الافيهات اللطيفة يا اخ ابليس
لو عندك حل تاني اتفضل قوله، و اظن انك من انصار نظرية سكان كوكب المريخ
بالنسبة لمصر: كلامك خطأ تاريخي--مادمت انا بقي مدرس تاريخ و لا جغرافيا--مصر كانت بيئة مساعدة لوقت طويل، بس ما كنتش هي المكان اللي بدأ الارهاب الكخة.. و ملحوظة تانية يا ابليس لو سمحت: ارجوك بطل ديماجوجية شوية

أحمد said...

أنا مش عايزك تاخد على خاطرك
افتح صدرك دا كل كلام في الهواء
مش فاهم يعنى ايه عامل مساعد
امال افكار سيد قطب .. و الحاكمية و تكفير الحاكم
ثم بعد ذلك الجهاز العسكرى للإخوان المسلمين
ثم بعض ذلك الاخوان المسلمين و بيع الافيون للبشر من اجل تحقيق اهداف سياسية ، و بعد ذلك الحكومة المصرية اللى فتحت الباب للناس علشان تسافر افغناستان و يرجعوا ارهابيين

كل دا أيه عوامل مساعدة ؟؟؟؟
أمال الأصول فين ؟؟؟

Muhammad Aladdin said...

يعني ابو الأعلي المودودي، و ابن تيمية، و محمد بن عبد الوهاب، و من قبل ده--في سكة الارهاب بقي و لو بشكل مختلف--الحسن ابن الصباح
كل دول مش عاجبينك كأصول؟
و بعدين في العصر الحديث يا استاذ ابليس مين كان وراهم--الاخوان؟ مش الحكم السعودي و تمويله؟
العدالة بتقول أن مصر كانت بيئة مواتية بامتياز، لكن التجني عليها بأنها وهابية ارهابية--مع التأثير الشيعي الحاسم في مصر--يعتبر مقولة مش دقيقة

أحمد said...

برده وجهة نظر
انا مش عايزك تتضايق
انا بزعل لما الاقيك بترد علي من غير ما تقول لى يا بيسو
:-)

Muhammad Aladdin said...

يا عم ما تضايقش خالص
بيسو بيسو بيسو بيسو بيسو بيسو
:)

Anonymous said...

I have been looking for sites like this for a long time. Thank you! code for dvd player Retro 60s mini dress Scholarships for mortuary schooling pic of hot woman body builder rosacea Venlafaxine and solubility Want to purchase tenuate antidepressant suicide Radar detectors sale australia

Anonymous said...

That's a great story. Waiting for more. patanol va loan mortgage refinancing Fioricet s

Anonymous said...

This site definitely has all of the information I wanted about this subject and didn't know who to ask.

Feel free to surf to my web blog; Is Actually Prilosec Effective With Regard To Moobs Treatment?

Anonymous said...

Hello there! I simply wish to offer you a huge thumbs up for your excellent information you have here on this post.

I will be returning to your website for more soon.


Feel free to surf to my webpage Making use of anesthesia for treatment of gynecomastia

Anonymous said...

I'm gone to convey my little brother, that he should also pay a visit this webpage on regular basis to take updated from most up-to-date gossip.

Here is my web site: chestfatburner.com

Anonymous said...

hey there and thank you for your info – I have definitely picked up something new from
right here. I did however expertise several technical points using this web site,
since I experienced to reload the website many times previous
to I could get it to load correctly. I had been wondering if your web host is OK?
Not that I'm complaining, but sluggish loading instances times will very frequently affect your placement in google and could damage your high-quality score if advertising and marketing with Adwords. Well I'm adding this
RSS to my e-mail and could look out for a lot more of your respective exciting content.
Ensure that you update this again soon.

Also visit my web page :: The particular drawbacks associated with HGH remedy - Man boobs