designed by: M. Aladdin & H. Fathy

Thursday, January 11, 2007

..كل رواية و انا طيب :)




نفاد الطبعة الأولى من إنجيل آدم
يناير 2006- يناير 2007


أود أن اشكر اصدقائي و لا اود أن اذكر منهم احدًا و استثني آز التي اعدت الحفل الذي ترون صورة منه بالاعلى. اشكر صنع الله إبراهيم و بهاء طاهر و عبد الوهاب الاسواني و ناشري السابق محمد هاشم علي دعمهم لهذه الرواية التي لم تعجب البعض، و اعجبت البعض الآخر. صدرت إنجيل آدم في معرض القاهرة الدولي للكتاب في العام 2006، و ها انا سعيد بنفادها قبل ايام قليلة من معرض العام 2007. و قبل أن أنسى، اشكر السيد اسامة عرابي علي اريحيته و اصراره علي الاحتفاء بالرواية في اتيليه القاهرة. بالطبع اشكر كل القراء الذين وضعوها في قائمة طلباتهم في كتب خان و ديوان. اشكركم جميعًا و علي وعد بطبعة أخرى قريبة من الرواية إن شاء الله

:)

من ندوة إنجيل آدم


................................................
علاء مع الرواية تصوير : احمد العايدي

21 comments:

Yasser said...

الف الف مبروك يا علاء باشا
وعقبال الرواية الجديدة ان شاء الله يارب
والمرة الجاية ان شاء الله التورتة هاتبقى عليا

Anonymous said...

اسوأ رواية قريتها السنة الماضية
لو كل الكتاب الشباب رديئين زيك يبقى علية العوض على الادب يا جدعان
أتمنى ان تكون كبوة وان نرى شىء افضل فى الفترة القادمة
حازم محمد

rihamabdulghaffar said...

مبروووووووووووك طبعا .. بس على فكرة انا ماقريتش الواية ومااعرفكش .. بس بحب اهني اي بني ادم عمل حاجة بيحبها وعايز يكبر فيها وربنا معاك وهحاول اجيبها واقراها

Muhammad Aladdin said...

ياسر
متشكر اوي و ربنا يخليك يا سيدنا
:)

حازم
رغم اني مش فاهم انت ليه مكلف نفسك تكتب عن حاجة كلفت نفسك تقراها إلا لو كنت غاوي تضييع وقت، بس علي العموم احترم انم مضيت باسمك (لو كان حقيقي) ، و لن ترى شئ افضل طبعا مادمت تري "آدم" كبوة، و انا مش بهزر علي فكرة.. يعني توفر وقتك اللي انت غاوي تضييعه احسن

Muhammad Aladdin said...

شكرا يا ريهام
:)

Anonymous said...

علاء عزيزي
دعني اشاركك فرحتك و لو عن بعد، مبروك و عقبال اللي جاي في الطريق
الله يحميك من الكلام الحاقد المجاني الذي يبدو عندك مناعة كافية ضده

iDip said...

مبروك
:)

وعقبال الطبعة الثانية و الرواية الجديدة

Anonymous said...

ألف مبروك ،
ربما لم تبهرني الرواية و لكن لا شك لدي في موهبتك كقاص أحب سرده .

ألف ألف مبروك و عقبال " اليوم الثاني و العشرين " مستنيها من زمان .

إبراهيم السيد

Muhammad Aladdin said...

راتي
و الله يحميكي صديقة عزيزة قوي علي قلبي يا ستي و ربنا اعلم.. متشكر يا راتي
:)

آي ديب
الله يبارك فيك يا راجل يا جميل.. ادعيلي بس علشان اخد عنوانك في خلال اسبوعين كده و الباقي علي مستر ارامكس

سيد العارفين
متشكر علي تمنياتك الطيبة.. بس صدقني اي شيء تستناه من زمن اكيد ح يطلع اقل من التصورات اللي بيحفزها الزمن.. اللي اقدر اقوله انها مختلفة تماما عن "آدم"، لكن ده طبعا مش بيضمن انك تصاحبها، سيبك من جزئية الانبهار دي
تصاحبها شيء مرضي جدا بالنسبة لي
شكرا علي التعليق و الاهتمام و الذوق
:)

Anonymous said...

علاء الف مبرووووك وعقبال الطبعات الجاية
والرواية الجديدة
واتمنى ان ينشر الديوان ايضا

اتمنى ان احصل عليها المرة القادمة

تحياتي وتستحق التهنئة
على تميزك عن غيرك

Anonymous said...

عندما يجلس المرء إليك يكتشف أن لديك الكثير من الأفكار والرؤى المبدعة التي تنتظر لحظة خروجها إلى النور..بل إن أجمل ما فيك هو أنك مستعد لسماع وجهات نظر مغايرة بصدر رحب.. وهو ما يعني أنك لست من هواة سماع المجاملات.. بل ترغب في مناقشة الآخرين وشرح تصوراتك بأسلوبك الودود
الكتابة عن "إنجيل آدم" سيكون لها مكانها ومقامها اللذين لا تتسع لهما هذه المساحة.. لكن هذه السطور تود فقط أن تقول لك ببساطة: بالتوفيق يا علاء

mohamed kamal hassan said...

مبروك يا لولو
كنت ناوى افتتح البلوج بتاعى بالخبر الحلو ده
بس انت سبقتنى كالعادة
عارف يا لولو
انت بتدينى أمل فى الحياة
لأن الإنسان لما بيصمم على حاجة ويخلصلها
بينجح فيها
جميل لما التلميذ بينجح قدام أستاذه
بس الأجمل إن الأستاذ ينجح قدام تلميذه
اسمح لى أقول على نفسى تلميذك يا لولو
مبروووووووووووك
وعقبال الجاى

semsem said...

mabroukkkkkkkkkkkkkkkkkkk ya loloooooooooo kan nefsy a7dar ele7tefal dah :) fein swarak wenta mabsout belnaga7 dah? wala enta sadart eltorta instead?:)

Eve said...

مبروك، وعقبال ما تجيب دستة روايات غيرها :)

Muhammad Aladdin said...

رشا
الف شكر ليكي يا ستي، و متشكر علي ذوقك
:)

ياسر
الله يخليك يا راجل يا جميل.. و تشرفني نيتك في الكتابة عنها
:)

محمد يا كمال يا حسن
ح تفضل طول عمرك *** علي فكرة
:P
استاذك مين يا راجل يا ***؟
:)
متشكر يا كيمو و ربنا يديم المحبة

سمسم
الحفلة دي كانت بصدور الرواية من اقل من سنة (في فبراير اللي فات اظن؟) مش احتفالا بانها خلصت
:)

إيفو
ربنا يدينا القدرة يا ستي!!
:P :P
عقبال كتابك المبهر
:)

شيماء زاهر said...

مبروك يا محمد!

وكل رواية وأنت طيب وبخير دايما

doha said...

alf alf mabrook

nshalla nshof esmak lame3 b kol el 3alam

:):)u made it!

رانده الشافعى said...

علاء الموهوب المتميز الف مبروووووووووووك و ان شاء الله فى 2007 يكون انجازك الادبى على اعلى مستوى ولكن احنا كنا فين من االاحتفال ده ولا از مش معتبرانا صحابك على العموم يا عم لك عندنا احتفال تانى و ربنا يكتر الاحتفالات

Muhammad Aladdin said...

ضحى
الله يخليكي ليا يا اجمل ضحى في العالم، و الله يبارك فيكي
:) :)

د.رندة
الله يبارك فيكي يا دكتور، بس هو الاحتفال ده زي ما قلت كان اول السنة اللي فاتت، مش اليومين دول طبعا
:)
و بعدين يعني انتم مش اصحاب، انتم اهل و ربنا يعلم

Muhammad Aladdin said...

شيماء
يا خبر يا شيماء.. انا اسف اسف اسف اني ما خدتش بالي.. ربنا يبارك فيكي يا رب و يحفظك انسانة طيبة و جميلة دايما
:)

Anonymous said...

waaaaa2 owaaaaaaaaaa2 ehe2 ehe2 ehe2 nfsy a2raha begad malish da3wa