designed by: M. Aladdin & H. Fathy

Sunday, March 04, 2007

..خدعة النهايات

واحد صاحبي قالي النهاردة انه خايف يكون اللي بعد الموت عبارة عن شاشة بتوش..حاجة كده بعد نهاية الارسال.. نغمشة سودا في نغمشة بيضا و شكرا. وش..وش..وش..

انا عن نفسي كان خوفي انه بعد الموت، يمكن تتعاد عليك كل المشاهد المؤلمة، واحد ورا التاني، واحد ورا التاني، من غير نهاية.. في كل مرة تقول ما انزلش.. في كل مرة تقول ما اقولش.. في كل مرة تقول ما ازعلش.. في المرة الجاية ح اعمل كده.. في المرة اللي بعدها اكيد كده.. في المرة اللي بعد كل المرات اكيد.. و اكيد.. و اكيد.

بس بيحصل، و بيفضل يحصل، و ح يحصل مش لنهاية العمر.. لأن العمر انتهي خلاص، و ما بقاش غيري انا و كل الكوابيس اللي كانت خنقاها جري حياة ما بتقفش.. و دلوقتي وقفت.. و ماتت.

يمكن خدعة الموت انه مش بينهي حاجة.. ده بيبتديها...

8 comments:

ياسر خاطر said...

كنت دايما بفكر ان العذاب اللي بعد الموت بيختلف من واحد لواحد لان مش كل الناس زي بعد وبيختلف على حسب كل واحد بيخاف من ايه وايهاكتر شئ بيألمه
بس الفكرة اللي انت الخوف اللي انت بتحكي عنه كنت شفته زمان في فيلم what dreams may come
كان عقاب المنتحرين بعد الموت انهم يعيشو في اسوأ كوابيس حياتهم كل غلطة كل هفوة كل الم كل اسود وكل نقطة ميا مالحة نازلة مدمعة
بس ياترى دة للمنتحرين بس ولا خوفي انا كمان هايطلع لي

Muhammad Aladdin said...

كويس انك قلتلي عليه.. ح احاول اشوفه فعلا

محمد عز الدين said...

لول
الموت هو المنتظر
الذي قدر ما نحتاجه
قدر ما نتحاشاه
فلا أحد منا يوقن
بمصيره خلف بوابة
هذا الموت

Anonymous said...

سؤال غبي جدا وملوش علاقة بأي حاجة ...
انت لما بترد علي ياسر بتقولة ح احاول اشوفة ..صح كدا
هي اسمها بقي ح احاول .. وللا هاحاول
بجد اصل الموضوع دا غايظني جدا .. الناس كلها تقريبا بتقولها زيك كدا وانا الوحيدة اللي بقولها هحاول
اية بقي الصح ..ولو ح احاول صح
اشمعني...

ياسر خاطر said...

محمد علاء باشا
لينك الفيلم: اهو
http://imdb.com/title/tt0120889/

الفيلم بطولة روبن ويليامز

لو عرفت الاقي له تورنتاية هابعتهالك ان شاء الله

Anonymous said...

بعد الموت في حساب علي إللي عملناه في الدنيا دي ..
إجابه منطقيه طبعا

Anonymous said...

لو كل واحد فكر فى الموضوع من الناحيه دى هيبقى الموت ده مجرد موقف من المواقف الصعبة الكتير الى بنمر بيها و ممكن نستحملها و ممكن لأ , بس المواقف دى كلها ما هى الا تيمبيرورى لكن الموت الحقيقة "الوحيدة" فى الحياة , وانا بتفق تماما مع اخر انونى ماوس انه ما بيحصلش غير حساب بعد كده ..
لكن بجد يا استاذ محمد حضرتك اكتر من كاتب جميل , واقل ما تتوصف بيه انك استاذ

نرمين

Muhammad Aladdin said...

عزو
صحيح..صحيح
:)

المجهولة
هــ أو ح.. الاتنين شغالين

:)

ياسر
شفته فعلا علي الاي ام دي بي اول ما انت سبت الكومنت يا جميل.. كنت سمعت عليه قبل كده بس كام حوالين مؤثرات و خدع الجنة ايامها
:)

المجهول 2
طبعا!
:) :)

نرمين
انا مش قد الكلام ده يا ستي
:)