designed by: M. Aladdin & H. Fathy

Friday, March 02, 2007

..قلبي الليلة دي حزين

ساعات كتير الواحد بيكون مجبر ياخد قرارات ما و يحس برضه كتير انها اكبر منه. ساعات كتير الواحد يطوي نفسه علي نفسه و ينام. يلحس في جسمه زي القط الموجوع و يتأسي علي حاجات هو السبب فيها بدماغه اللي مش مريحاه. كتير اوي بيبقي علاج الوجع هو وجع اكبر و احمى. وجع كبير ياكل الوجع الصغير و مش مهم حبه عرق علي حبة دموع. ربنا مديني شوية ناس بيقولولي ان قرارات الوجع—و مفيش قرار كبير من غير وجع كبير غالبا—بتاعتي صح.بتبان لكل الناس غريبة بس هي ديتها يوم او يومين، سنة او سنتين، بس بتطلع صح. مش عارف ايه النقمة بالظبط، اني باطلع صح و لا ان ربنا مديني ناس بتفهمني اني صح. مش عارف. بس اللي اعرفه كويس ان لما تقفل البيبان و تمشي، سيجارة في طرف بقك و كتاف مرفوعين بيداروا الوجع، اوع تجرب تبص تاني وراك. سلم الحياة الحقيقي ضيق و من غير درابزين. حقيقة شخصية يوم موتي ساعة ما اتناساها.

11 comments:

Anonymous said...

واه من الوجع ومن اللي يبص وراه عشان يشوفه


صوفيا

Anonymous said...

هذا البوست انا اسميه: من الوريد الى الوريد
دمت علائي
رات

محمد عز الدين said...

أولا
عود أحمد إلى اللغة المشتركة
تعبت من الانجليزية
ثانيا
اتفق معك تماما
وأفول
أن الحياة ممر ضيق
نمضي فوقه مثل لاعبي السيرك
ولهذا نسقط كثيرا

أمل ربيع said...

ربما نحن فى حاجة لأن نلمس صحة قرارتنا بأنفسنا لتعادل مدى الوجع الذى تخلفه ولنتأكد أننا لم نترك بابًا مفتوحًا بالخلف ...

Anonymous said...

قد ايه حاسة بوجعك كانه وجعي وفي اللحظة دي كل الي بتمناه اني اشيل عنك الوجع ده

Incomplete said...

اقتباس: كتير اوي بيبقي علاج الوجع هو وجع اكبر و احمى. وجع كبير ياكل الوجع الصغير و مش مهم حبه عرق علي حبة دموع.
صح فعلاً
وإن كان الوجع كبير ولا صغير.. فمافيش حاجة بتدوم
النسيان نعمة
بكرة تنسى الوجع وتسعد بنتايج قرارك
ـــــ
بره الموضوع معليش.. عاجبني قوي الديزاين بتاع التنين الأخضراني أبو شنب أرجواني..مبرووك
:)

Anonymous said...

قد اية بجد انا حاسة بكلامك ياعلاء
وقد ية حاسة بوجعك اوي
يمكن عشت كتير في حياتي الاحساس دا عشان كدا حساه اوي
بس صدقني يوم مابتكتشف انك غلط في الاخر بيكون وجعها وجع مابيتنسي طول العمر

Anonymous said...

ماتستسلمش لاحساسك

Muhammad Aladdin said...

صوفيا
حد تعرفيه ما بصش؟؟
:)

راتي راتي راتي
بوست واحد، بس بلوجك كله من الوريد للوريد
دمتي راتي
:)

عزو
الله لا يتعبلك بال يا شيخ.. و عندك حق في اللي بتقوله برضه.. بس التعليق الوحيد ان كل واحد فينا فاكر روحه متفرج
:)

أمل
يمكن يا امل..يمكن
:)

المجهولة
مين القلب الرحيم ده! سيبي نمرة تليفونك!
ههههههههههههههههههههههه
شكرا
:)

ورود
ربنا يخليكي يا جميل
:)
و كويس ان الديزاين عجبك

المجهولة 2
تخيلي اني باتكلم عن قرارات صح بقي؟؟؟ علي العموم فيه لعبة كبيرة في مسألة الصح و الغلط دي عامة:)

نبيذ
اشمعني
:)

Anonymous said...

aiwa fe3lan ahamm 7aga ba3d ma tentewy 3ala nafsak tela2y 7add ganbak ye2ollak "sa7 tamam w kammel fel sekka di" w yefdal warak , 3ashan amma to2a3 fel sekka, yesnedak...
:D el so7ab di 7aga mohemma awi awi

Muhammad Aladdin said...

ديزي
لا.. هما بيقولولي كده غالبا بعد ما بطلع صح
:P
ي