designed by: M. Aladdin & H. Fathy

Wednesday, September 13, 2006

الاتيليه و إنجيل آدم






امبارح كانت الندوة، شيء جميل أنك تلاقي اصحابك جنبك و ناس كمان ما تعرفهمش. جميل أن عم بهاء يجي و هو تعبان علشان يقولك كلمة حلوة. جميل أن عم عبد الوهاب الاسواني--اللي لا تعرفه و لا يعرفك-- يقول كلام ما تستاهلوش لا انت و لا الرواية. عايز اشكر كل الناس و الاصحاب اللي كانوا معايا في الليلة دي بس خايق انسي حد. متشكر بجد يا جماعة
.....................................................
صورة 1: الاستاذ إسامة عرابي يقدم محمد علاء الدين المُنصت بجواره
صورة2: من اليمين للشمال: الاستاذ يسري عبد الله متحدثًا عن الرواية، الاستاذ إسامة عرابي، القاص و الروائي طارق إمام، محمد علاء الدين
صورة3: الكاتب الكبير الاستاذ بهاء طاهر و الحضور
صورة 4: الكاتب الكبير الاستاذ عبد الوهاب الاسواني (بالحل البيضاء و العكاز) و بجواره الاستاذ حسن بدّار و الاستاذ سمير الفيل، في الخلفية محمد حماد (بالتي شيرت الاسود) و تامر عبد الحميد
.................................
تصوير : احمد العايدي

12 comments:

AZ said...

مقدرتش استنى للآخر فمخبراش حٌصٌل ايه عاد

Muhammad Aladdin said...

حصل كل خير يا ستي

أبوعمر said...

مبروك المناقشة الجميلة يا لولو
آسف طبعاً لعدم الحضور لأسباب هقولهالك في التليفون لكن انا شايف اني لازم اعتذرلك قدام الناس لأني ما كنتش معاك في يوم زي ده رغم انك ما بتفوتش مناسبة لاصحابك الا وانت جنبهم بروحك الجميلة
الرواية جميلة والشخصيات غاية في العمق على فكرة وعجبني فيها انك كتبتها بمنتهى البساطة رغم تكنيكها الصعب على كتاب كتير أوي
كمان عجبتني عنيك في رصد التفاصيل و الدعبسة ف جوانيات الناس
مرة تانية ألف مبروك وعقبال الترجمة
وبجد بجد آااااسففففف إلى أن تمل

She said...

لا بس انا مضايقه برده كان نفسي حد يطلع يقول اي راي ضد الروايه ويبقي في كده شد وجذب ودم وخناقات وحاجات كده

انما كله كده اعجاب والروايه عبقريه والروايه جميله معجبنيش قوي
كنت عاوزه مناقشات بدل كلام الانشاء اللي اتقال كتير دا
:)

Anonymous said...

Sorry Lool, would have loved to make it, bas had a bad cold :( glad all went fine...u deserve all the best my friend.

Unknown said...

مبرووك يا علاء
أنا لما قريت رأى الدكتور ميشيل حنا فى الروايه اخدت موقف سلبى

لكن لما شفت رأى ناس الكل بيقدرهم زى بهاء طاهر و عبدالوهاب الاسوانى مع احترام الالقاب فرحت جدا
لانى بحس ان صعب واحد زيك يكتب روايه ومتكونش مهمه

طبعا مع خالص الاحترام لرأى الدكتور ميشيل حنا

الروايه دخلت فى موازنتى الخاصه بالروايات

الا قولى هى بكام؟؟
:)

Mother Courage said...

إيه الحركات الجامدة دي ... مبروك يا استاذ وعقبال مانشوفك شايل جائزة نوبل

abdallah ahmed , عبدالله احمد said...

الف مبروك يا محمد وانا اسف اني ماكنتش موجود و لكن انا عندي دور برد شديد والله

Anonymous said...

الرواية رائعة لدرجة انى بدأت أحقد عليك هاهاهاهاهادعابة طبعا ألف مبروك وعقبال الترجمة ل 40 لغة

doha said...

mabrook mabrook
it's too bad we were not there to support you.
but i give all my wishes for u ala2

waitin the novel*

Mirage said...

الف مبروك الرواية
لم اعرف بامر الندوة الا متأخرا كالعادة .. لكنى ساحرص على اقتناء الرواية وقرائتها باذن الله

مبروك مرة تانية

Muhammad Aladdin said...

ابو عمر
مقدر انه اكيد كانت عندك ظروف قهرية يا توحه و مفيش اي داعي للأسف
:)

شيماء
يا ساتر علي الناس اللي عايزين جنازة و يشبعوا فيها لطم
:)

نيرو
ربنا يخليكي ليا يا رب.. الندوة كانت نقصاكي بس
و الف سلامة عليكي
:)

متكاظي
و لميشيل حنا كل الاحترام برضه يا سيدي.. يشرفني وجود الرواية في فايمتك.. و هي بـ7 جنيه يا سيدي
:)

ماذر
يخليكي ليا و خطوة عزيزة بعد غيبة يا ست مازذ.. اوحشتمونا
:)

عبد الله
ربنا يخليك يا عُبد.. و يارب تكون كويس دلوقتي
(ح اكلمك و اشوف بنفسي)
:)

مستر اكس
شكرا شكرا شكرا شكرا

ضحى
الله يبارك فيكي الله يبارك فيكي!
:P
فعلا خسارة.. و ح ابعت الرواية اكيد
:)

فيولا
شكرا جزيلا، و اتمني أن تعجبك الرواية