designed by: M. Aladdin & H. Fathy

Sunday, July 17, 2005

طب تعرف تفهم دي؟

مش عارف.. الواحد يمشي يمين و لا شمال يلاقي جودزيلات ف وشه.. يعني حاجات كده كان ايام العبط فاكرها لا انسانية بس في الحقيقة و في الواقع بتطلع انسانية خالص، و في غاية اللطف المعنوي كمان.. يعني كل ما البني آدم يبطل استغراب الحياة تديلة شلوت كراكترات يتلهي فيها شوية، و لو مفيش كراكترات ح تبقي حاجات غريبة و عجيبة زي مثلا اعلان بسكوت و غريبة بسكو مصر، أو مثلا كلب عمال يهوهو في صفا نفس، و زي ما فسر حاتم الموقف بهدوء: ده كلب شارب و بيقولنا ملعون ابوكو
تلاقي عمارات شكلها غريب و تصميمات شوارع افتكاسية و خرايط طريق لماكياج مذيعات التلفزيون و عربيات بتجري هنا و هناك في حرب كلاكسات مقدسة و ولية لابسة اسود بتعدي الشارع جري و قطط بتناكف في عرس، و لا انت فاهم حاجة خالص
تقتنع انك مش ح تفهم و انك كده رضا و الف حمد و الف شكر ليك يا ربونا و بعدين تلاقي مانشيتات جرانين تقريبا اللي كاتبها عيل متخلف امه كانت بتعبطه كل يوم تلات.. و الافيه ان كل الناس برضه زيك بس عايشين في دور الفهيمة و بيطالبوك كل يوم انك ما تكونش كاورك، مش عارف ليه الواحد بيتبطر ع النعمة يا خوانا.. ممكن فعلا يجي يوم تفتح باب بيتك تلاقي واحد لازق في الاكرة و دايب من حواليها زي الجيلي كمان و بيبتسم ابتسامة لزجة.. طب لو جه اليوم ده.. ح تفهم ده ازاي؟
تيجي تقول عادي بقي و مش عارف ايه و الحريم الحمد لله و كله زي العسل تلاقي الحريم كائنات فضائية هربانة من مصحة نفسانية و بيقدسوا الحياة الزوجية و التورلي و شايفين ان اللي بيكتبوا دول عبط و ان الريس مفيش بعد كده و ان الماكياج مهم زي ما اي ست حلوة تبقي منفسنة و ان كل الفضائيات دي فراخ بلاستيك و هما الاصل زي الرشيدي الميزان كده. طب ليه الواحد يزعل من الحريم ما دام هو زعلان من نفسه اساسا، طب هما زنبهم ايه في اننا عايشين في خلاط بيحضرنا لدور مهم احنا مش عارفين هو ايه، بس عارفين انه اكيد مهم.. معلهش يا بنات.. هي مش غلطتكم.. يمكن غلطتنا بس ما اظنش.. طيب هي غلطة مين؟ انا عن نفسي مش متأكد من موضوع الغلطة دي، بس بحاول اتأقلم

9 comments:

Mother Courage said...

LOOL

هونها وتهون...هذا حال الدنيا .. وكلنا لها

Peach said...

lool boy your crazy, you know that? ;) well anyway.. I think life makes more sence than you think it does. there are plenty of lost souls out there but there are also those who are AWARE like you mathalan! you are aware of somthing not right .. something restless and so are other ppl like you .. and as the numbers of "aware" ppl grow .. there will be a change .. a shift in human thinking .. a global awareness.. and I think it's already happening .. you want proof.. just look around you and notice the growth of the number of ppl who are asking "Do u get it?" just like you. ;)

Great Post though .. I love your wacky style ;p

aMRALi said...

هوه صحيح تهييييييييس
بس فعلا فهمت كل كلمة فيه
اكتر تهييس معبر عن الواقع

Muhammad Aladdin said...

Mother Courage
Yep! life! :P

Peach
so lovely to see ya again, wise girl, and thank ya alot for yr sweet words. Considering the matter of yr opinion, I have a moving passion to see teh world as a meaningless maze, and I beleive--yea: here I beleive--that each one of us must do something to lay a meaning to that wacko life. My writing is a way me to overwhelm, or trying to, the chaos I think it eats the world.
Thank ya again, and love ya so much, btw: where's yr new posts? I really missed it.

Amr:
:)

aMRALi said...

ابتسامه واحده لاتكفى

Zeryab said...

مش غلطة حد كله سايح على كله ولما تشوفه قوله هو مين؟اللى الغلط راكبه من ساسه لراسه وعلى رأى ناديةالجندى فى فيلمها الفتاك البا طنية لما كانت ماشية بشرفها :سلملى على البدنجان

littilemo said...

هيه عامله زى الساقيه القلابه
اللى فوق تحت واللى تحت فوق
وما حدش عارف حاجه

Muhammad Aladdin said...

عمرو
:) :) :) :) :) :) :) :)

زرياب و ليتل
حقًا!!

Anonymous said...

What a great site » » »