designed by: M. Aladdin & H. Fathy

Wednesday, July 06, 2005

الجحيم في عينيك انت

كنت واقف في اوضتي، بحاول افتكر حاجة انا ناسيها، و فجأة، ضربني الاحساس ده
انا هو انا.. مش حد تاني.. انا هو اللي يعرف عني كل اللي ما يعرفوش عني حد تاني.. انا اللي عشت كل اللي انا عشته لوحدي.. مش اي حد تاني.. انا اللي بيرفع الورق ده دلوقت حالا، مش اي حد تاني.. انا اللي حاسس بملمسه.. دلوقتي.. مش اي حد تاني
انا اللي كنت صغير، و بيكبر، و لسه ح يكبر اكتر
انا اللي ح اسيب العالم لوحدي، انا اللي رحلتي هي سري، انا اللي بيبص للوحة دي حالا
و انا برضه، اللي مش ممكن يفهم، أو يتفهم، للحظة ان كل انسان فوق الكوكب ده--غير الحيوانات--حاسس باللي انا حاسه.. أن كلنا علي بعضنا مجرد اكوان بسيطة معقدة، ضخمة و ضئيلة، بتلف حوالين نفسها بس
قد ايه التفرد بالشكل ده مرعب..قد ايه الجسور اللي بتربطنا ببعض:سلام.. ابتسامة.. كلمة.. ليلة حب، هي جسور تبان هشة و بسيطة، بس من غيرها كان يبقي وجودنا مستحيل
الشعور ده بيطاردني زي ما السرطان بيطارد اللحم. بيزورني بعنفوان زي الموت.. بس زيارة الموت واحدة، و هو زيارته ملايين
.
.
.
"و تحسب نفسك جرمًا صغيرًا.. و فيك انطوي العالم الأكبر"

9 comments:

SaSo said...

ولايهمك دى حاله وماشيه اليومين دول ,كل ماادخل بلوجر الاقى اللى بيقول "هو انا انا ولا انا مش انا" تيمه الشك هيه موضه ولا ايه ,بيتهيىءلى طريق مضمون للاصابه بالشيزوفرانيا
اللى اقدر اقولهولك متاكلش سمك ولا بيض وانت هتبقى كويس
ومنه لله اللى كان السبب

Muhammad Aladdin said...

:)
لا.. مش شيزوفرانيا.. انا عارف ان انا هو انا.. و ده اللي مجنني
:)
شكرا علي النصيحة يا سيدي

Hany Mihanny said...

لمؤخذه يا علاء:
هههههههههه
بس الواد ده دمه خفيف

Muhammad Aladdin said...

مجاهد
احم.. هي.. مش هو.. دي غلطتي انا

Shurouq said...

يا عيني على التجلي

Muhammad Aladdin said...

متشكر شروق هانم
:)

yasmin said...

law 2ret elkalam dah fi ay makan w m3rafsh en enta ely katbo kont ha2oul en enta ely katbo ..sa3at ba7es en enta ely ekhtra3t fikret eltafarod men kotr manta motafared...

Anonymous said...

Excellent, love it! car loan fort worth You'll bet your head off management training calgary birth defects and phentermine use How do i shut down parental control Douglass cosmetics fiat pics Eureka selfpropelled vacuum cleaner lexapro withdraw symptoms Travel insurance companies in canada accutane appropriate dosages Wheelchair access hotels las vegas http://www.saab-used-part.info/What-is-training-to-leadership-development.html robin eve bodybuilding

Anonymous said...

Best regards from NY! » »