designed by: M. Aladdin & H. Fathy

Thursday, June 26, 2008

مبروك يا د. نبيل


د. نبيل فاروق يفوز بجائزة الدولة التشجيعية في أدب الخيال العلمي.
انا مبسوط جدًا بالخبر ده، ومش ح اكتفي بإهداء روايتي الاخرانية له، ولكن لازم اقول ده هنا كمان: د. نبيل كان أول ناشر احتضن العبد لله وساعده من 8 سنين كاملة، والقراء اللي عرفوني ( وبعضهم تابعني بعدين) عن طريق مجانين ادين بيهم لربنا اللي بيوفق الاسباب واللي كان اولها د. نبيل فاروق..
د. نبيل من الناس اللي ساندوني بكل شيء، وعاملني كأبن.. ومهما كانت مساحات الاختلاف ما بينا في مواضيع كتيرة تشمل الادب والثقافة احيانا، بس الواحد لازم يقول ده بنفس راضية، لأنها الحقيقة، ولأن اللي ينسى فضل الناس يبقى ابن حرام.
وكمان مش ممكن انسى أن قفل بيتي كان هدية منه...
:)
ألف مبروك يا دكتور، ومن نجاح لنجاح إن شاء الله

2 comments:

سالي محمد سالم said...

ايه ده؟انت مش قلت اخر روايه ليك الصنم؟
عودا حميدا للبلوج الجميل وحرجع للقديم امز فيه كالعاده :)

Dr.Amor said...

ألف ألف مبروك للدكتور / نبيل
كان منور انهاردة على دريم

وفي انتظار روايتك الجديدة يا أ/ محمد
تحياتي