محمد علاء الدين--فيلم كلينك بروداكشنز
محمد علاء الدين و المدير الاداري و المالي اشرف المصري
قدس (محمد محمد عبد القدوس) و اللول (محمد علاء الدين) و فيزو (محمد حفظي)، الاتنين هما الملاك يا جماعة و الاتنين طوال بشكل مفزع.. للحق انا قصير بشكل مفزع برضه:)
محمد علاء الدين و هيثم فاضل مدير الانتاج
الصالة الرئيسية للمقر الجديد
مع الزميل الكاتب و المخرج الموهوب احمد فهمي
مع الاصدقاء الموهوبين جدا، من اليمين السيناريست محمد ناير، و السيناريست و الممثل اشرف حمدي
اشرف المصري و محمد فكري--فريق انتاج فيلم كلينكساعات البيوت تتشكل في صورة تانية غير الفرشة لكنها بتفضل غطا. دار الهلال بيتي، و ميريت بيتي، و المجلس العربي للطفولة و التنمية بيتي، و لو كانت دار المبدعون لسه شغالة كانت فضلت بيتي برضه. اقدر اقول، بعد حوالي سنتين عشرة مع محمد حفظي و اشرف المصري، و بعد حبة سيناريوهات و كتير من الضحك و الحكايات و النسكافيه و جيبلي معاك قميصين من لندن يا حفظي(!!) ، أن فيلم كلينك بقت هي كمان بيتي، بيتي و مطرحي كمان
النهاردة رحت للمقر الجديد لفيلم كلينك.. و زي ما اتغير وش فيلم كلينك من وكالة موزعة للأفلام لشركة انتاج ليها--و بكده بقت فيلم كلينك برودكشنز--اتغير المكان من جاردن سيتي للزمالك.. الفرق الكبير بالنسبة ليا هو ان مقر الزمالك هو نفسه المقر القديم، نفس العنوان يعني، للمجلس العربي للطفولة و التنمية.. طلعت نفس السلالم و دخلت من نفس المدخل اللي دخلته اول مرة من 14 سنة كاملة.. بيت قديم جديد و بكرة لسه جاي
ألف مبروك عليك يا فيزو المقر الجديد، و ربنا يديم المحبة و الصداقة
:)
.............................................................
للمهتمين: تتقبل فيلم كلينك برودكشنز السيناريوهات في مقرها الجديد
5 شارع بهاء الدين قراقوش
امام حديقة الاسماك
الزمالك--القاهرة
6 comments:
عقبال شركتك يا لول
عشان أقدر أخشها وأكتب عنها على أنها بيتى
بس الحق يتقال
إنت حقيقى بتحب الناس
الطقم تحفة زي ماتوقعت بالضبط وزوق عالي في اختيار الالوان
بس الكوفية اكتر حاجة عجباني عشان كان عندي واحدة اختها بس نبيتي وقلبها مني احد الاصدقاء علي سبيل الذكري
ماشي يا لول
ده انت محظوظ بقا كل دي بيوت
عقبالنا يا رب وعلى رأي كيمو عقبال شركتك يا ريس
ويجعله عامر
كيمو
ربنا يهليك يا اصيل
:)
جرين
ده من ذوقك و ربنا يكرم و تلاقي الكوفيه تاني
;p
عزوو
انا محظوظ بالناس اللي بحبهم زيك يا عزوو
:)
جميل قوى انك تحس بالانتماء لكل الاماكن دى
ربنا يديم المحبه ويجعله عامر
هو يعنى كده اى حد عنده سيناريو فيلم يجيبهولكوا ولا انا فهمت غلط ولا ايه؟؟
السلام عليكم ورحمة الله وبركاته
والله انا كنت عايز أسألك عن حاجة ضرورى بس مش لاقى ايميل أبعتلك عليه
أنا إيميلى
ahmedof700@hotmail.com
يا ريت ترد عليا برسالة عالايميل عشان أسألك السؤال المهم
تحياتى
Post a Comment