designed by: M. Aladdin & H. Fathy

Saturday, October 29, 2005

معذرة.. انه العايدي

بطلبات من القراء و الاصدقاء--بجد مش بهزر--قررت اني اغيظ العايدي اكتر و انشر ليه شعره اللي نشره في الدستور، و حصل اني جالي جواب بيطالبني بكده، و بيقولي: اعرف انه ليس من حقي الترشيح، و لكنه العايدي
:)
و علشان هو العايدي، و العايدي بس، الاشعار اهي
.
.
.
ما كرهتش حد في الدنيا
قد اللي حبيته
ومن ساعتها
أنا كل ما أحب حد
أسيبه
عشان ما خسروش

منشور في الدستور بتاريخ 19 / 10
************************

سامح
كل حد إديت
ما خدش
حد لما بتحضنه
بيسيب في قلبك
دمه
ويسيب في دمك
خدش

منشور بتاريخ 12 / 10

****************

يارب يا اللي خلقت الوجع
اغفر لي أحزاني
أنا بين عبيدك
أخر حد يستاهل
بس إنت ما أعظمك
واحد
مفيش تاني

منشور بتاريخ 5 / 10

7 comments:

Anonymous said...

شكرا على الاستجابة السريعة يا علاء وللعايدي أقول
سامح
حزنك
وجعك
كل اللي حبيته
فكرهته
بس
ما تفارقش اللي بتحبه
وما تخافش
مش هتخسر
:)
هبة

Muhammad Aladdin said...

:)

Peach said...

Allah! how beautiful! Such intense writing .. very direct & touching ;)

I especially loved the one in the middle.

Muhammad Aladdin said...

دي اقل حاجة عندنا لعلمك
:P
العايدي فعلا موهوب
:)

Anonymous said...

لا أفهم كيف تقولون على ما هو مكتوب شعر ؟!! ، بأي معنى .. لا توجد تفعيلة ولا هو زجل ولا حتى محصل شعر عامية ،ولا يزيد في رأيي عن كونه خواطر نثرية أعرف أن العايدي روائي واتمنى له التوفيق في مشروعه الروائي ، لكن شعر انسااااااا
مروة

AZ said...

مع تحيزى الشديد ضد الشعر بصوره عامه وكل ماهو ليس بشعر جاهلى بصوره خاصه اسمحيلى اعرف مين نصب منك ناقد ادبى عشان تحكمى على كلام بانه شعر او لا؟؟؟؟؟؟
مش معنى انه لا يوافق ذوقك انه ليس شعرا
واحب اعرفك على انواع من الشعر من الواضح انك ماتعرفيش انها موجوده من الاساس... فى حضرتك القصيده الحره والقصيده النثريه.. معلومه اخرى.. الشعر لم يعد مرتبط بالتفعيله من سنين طويله فاتت. واذا كنت مش فاهمه ليه ده بيتسمى شعر من الاساس يبقى الاوقع ان اللى مش فاهم يستفسر.

Anonymous said...

Best regards from NY! » » »