عندى حبة هواجس لطيفة، فيه منها اللي قدرت اوقفه، و فيه اللي ما قدرتش اوقفه، و مش معني اني وقفته انه غلط، و برضه مش معني اني ما قفتوش انه صح، و اعكس انت الجمل براحتك خالص، ح تطلع صح برضه بقوانين التبادبل و التوافيق
..........................................
هواجس تم التغلب عليه.. بشكل ما
...................................
اني ما اقراش في الشارع.. مرة لزقت في عامود نور و انا بقرا كتاب
اني اكون ماشي في نفس السكة مع واحدة باشتهيها..لغاية دلوقتي باتوتر من فكرة انها تفتكرني ماشي وراها--مع انها مش لازم خالص تكون عارفة رأيي فيها--بس هو كده.. ساعات كنت افكر أأخر نفسي شوية و كنت انفي الفكرة و انا بقول انه كده بيتصرف اللي بيمشوا ورا الستات فعلا! افتكر ساعات مشيت من سكة تانية مخصوص.. بس دلوقتي بامشي عادي.. متوتر سنة بس عادي
اني اسيب النور مفتوح... الافيه اني ما بعملش حاجة غالبا.. بيفضل قدامي مفتوح و انا مكسل اروح اطفيه--مادام مش قاعد في الاوضة، بس الفكرة بتفضل مزعجة
............................................
هواجس لم يتم التغلب عليها.. بشكل ما
........................................
ان ست او بنت تاخد بالها اني ببص عليها.. معنديش مشكلة اني اقولها اني شايف انها مثيرة.. بقول ده ببساطة و خلاص.. بس أن هي تعرف ده لوحدها، و تبصلي بطريقة اخص عليك يا ميدو انا ممكن افقع نفسي رصاصتين
(انا مجنون انا عارف)
غسيل السنان.. بدأ معايا من فترة صغيرة
هاجس اني مطالب بالفعل دايما كراجل و كذكر من غير ما اقدر استريح و إلا ح اكون شاب اونطة
هاجس اني مطالب دايما اني اكون "الموهوب".. شيء مزعج
هاجس ان كل اللي بيقولوا عني كلام كويس ككاتب--مهما كنت بحترمهم--يطلعوا كاوركات في رأيهم فيا، أو هو رأي شخصي و استثنائي جدا
.........................................................
هواجس تم التغلب عليها و لم يتم التغلب عليها
.....................................
شعور بالخجل الشديد و الحرج لما اخش علي جماعة كبيرة.. و بيزيد جدا جدا جدا لو مكنتش اعرف غير واحد فيهم
شعور بالخجل الشديد و الحرج لما برضه اكون في جماعة زي دي و اجي امشي.. صعوبة شديدة في اني اقوم.. استحالة تقريبا اني ازعجهم و اخليهم يبطلوا كلام و كمان يبصولي و ضيف علي كده رد السلام! عادة باخلع من غير سلام و لا كلام في المواقف اللي زي دي
8 comments:
An obsession is something you can never conquer. It's something like being used to drinkin coffee or coffee extracts 24/7 or never bein able to sleep like normal people do or bein used to readin with da lights off.
The point is it doesn’t matter if it's hard or easy to get rid of . if you can get rid of it then it was never an obsession. Call it a problem or a bad habit .old habits die hard but obsessions never do .N.B. but I personally think that if you'll keep running into trees in da street then you really should quit reading while walking ;)
LOL
Isma7li ya M7amad inta insan .. mo 6abee3i!! LOL
I have ur "lots of ppl" hajis & once I also laza't b3amood noor but I wasn't reading lol I was looking backward & found my self hugging the light pole! And I always think ppl are watching me! KuKu no? ;)
So what did u used to do about the light? Sometimes I go to sleep with the light on cuz I'm being a laaazy bumbumz .. U sound like u've done that too!
لم أكن أتخيل أنك خجول إلى هذا الحد
وأن تدور معظم هواجسك حول الخوف من أنك تخيب ظن وتوقعات الناس فيك
ولا أخفي عليك كنت أتوقع هواجس بشأن الكتابة مثل أن يجف قلمك فجأة أو لا تجد ما يستأهل الكتابة فتبلع لسانك أو أن تستمر في الكتابة كعجوز خرف يثرثر بلا طائل
بعد قراءة هواجسك - وارجو ألا يخونني التعبير - شعرت بالتعاطف معك لدرجة أنني تخيلتني أربت على كتفك هامسة : ششششش.. معلهش
:)
هبة
تشاينج
ركزي في العناوين--إلي حد ما
مش كده؟ :)
بيشي بيشي
ههههههههههههههه
مين قالك اني طبيعي؟
فعلا كم مرة عملت كده
هبة
هيه.. حياتك الباقية يا ستي
:P
و بالنسبة لمسألة الكتابة، يعني... حاولت ما اكتبش عني ككاتب زيادة عن اللزوم... و طبعا عندي من الهواجس اللي قلتيها
لأ ركز إنت
بشكل ما مش.. إلى حد ما
على العموم يا سيدي كدة كدة مش موضوع :)
يعني هو فيه فرق؟
:)
yep.. there's a difference
see, بشكل ما means "one way or another" which practically means you've conquered the obsession.
But, إلى حد ما means "to an extent" which means that the you are not totally over your obsession.
which brings us back to the point where i said you can never overcome an obsession.so these aren't ones
بس خلاص بقى مش موضوع... :1
Nope dear, it's not "in a way or another"
"بطريقة أو بأخري"
التعبير "بشكل ما" مختلف تماما
:)
بس زي ما بتقولي.. مش موضوع اساسا
Post a Comment