designed by: M. Aladdin & H. Fathy

Tuesday, August 23, 2005

اكسير البهجة

من غير تحذلق، محمد سعد بيسعدني
رحت مخصوص لصديق علشان اسمع تاني اغنية عوكالو، و علشان اشوف رقصه. بعيد عن طواغيت التنظير و الفن الهادف، اقدر اقول أن محمد سعد هو اكبر مُصدر للبهجة من ايام عادل امام، و بطعم متميز جدًا، و بتمكن حقيقي و بذكاء عظيم.. ده مش مدح مجاني لأن العبد لله شغلته الكوميديا (أو جزء من اشغاله بمعني ادق) و اقدر اقول أن الذكاء اللي بيبان في جاج كوميدي صغير بيقوله سعد مش حاجة تافهة و ببلاش كده، لأ.. فيه فهم و تمكن، و فيه فكرة، و فيه--مع كل ده--فطرة عفوية مهمة جدًا لأي شغل ناجح
مثال واحد علي ده، لما بيدخل فجأة في عوكالو مقطع من اعلان بسكوت و غريبة بسكو مصر، الحاسة المرهفة اللي بتقول قد ايه كانت سنين التمانينيات، و أول التسعينات، ملينة بالأفيهات و الحاجات اللي تخنق.. كل اللي عايزينه هي عين ذكية زي دي.. و افلام اجمل و اجمل كل يوم

7 comments:

Anonymous said...

أنا معاك في حب محمد سعد بس عوكل معجبنيش خالص

لكن فعلا هي افيهاته الصغيرة اللي ممكن تفوت الواحد اللي بجد عبقرية.

من أول مشهد في اللمبي لما الظابط بيقوله ماشوفكش في الشارع تاني يالا فيرد عليه اللمبي ليه هما لغوه حبيته

و بعدين ازاي محدش خد باله من نكته مصدر بدلته الحمرا أو في اللي بالي بالك لما بيعوز يكافئ المساجين و ميلاقيش عنده حاجة يعملها غير أنه يصرفلهم سنين زيادة

Muhammad Aladdin said...

علاء
انا كنت بتكلم بس علي الاغنية.. عوكل بالنسبة لي فيلم مش مرضي، لكن الاثر اللي سعد بيسيبه في الاغنية شيء مرعب
و فعلا رده المفاجئ الغريب في اللمبي علي الضابط ساب عندي نفس الاثر
:)

littilemo said...

تمام

Anonymous said...

انا نياط المنفالوطى بسلم عليكي يا خالتي ست عوكل

Peach said...

sa7 el limbi kan a7la min 3okal. But I love mohd sa3d too ;)

AZ said...

والله الراجل ده يعتبر من افضل الممثلين في مصر ( الحته الفوشيق اللي علي الخريطه) اليومين دول كفايه الشخصيتين اللي عملهم في فيلم اللي بالي بالك بجد راجل كفائه ( علي رأي اللمبي)

Anonymous said...

What a great site Fluoxetine and dogs Business life insurance wisconsin Explaination of main points in dance Donnelly kia kanata Pee bath ambien withdrawl 2006 Digital television printing Antispam day invitation norton technology pfizer bextra 1989 oldsmobile ciera sl Automatic gate opener solar Exersize for cellulite merchant services accounts Aziz el yasmin abd private voyeur free Motorized awnings new york Does e mail have free stationery .com apni isp