مش عارف كل ما شوف حد بيهاجم الفضائيات الجديدة، و الأغاني الفيديو كليب، سواء عن طريق الكتابة أو عن طريق التنظير في فضائيات تانية--كل ما اشوف ده بيجيلي كرشة نفس
عالم غريبة كل واحد نافشلي ريشه و عيب و حرام و غلط و اخص عليك يا مدحت.. و كل واحد قاعدلي عاملي فيها حارس الفضيلة و الفارس المغوار. مش ح اتكلم هنا عن الأزدواجية--مع انها مهمة--بس عن حاجة تانية ابسط
هو كل واحد من الأساتذة دول ليه ما بيسألش نفسه، و يسألنا، هي فين الصناعة؟ هي فين التجارة؟ هي فين الديموقراطية أو الحرية؟
يعني لما ح نلبس نجلا خلاص ح ناخد القدس؟
انا فاكر مرة ايام الأم بي سي، جالي زميل عزيز اخوانجي بنصر من الله و فتح قريب: لقد تم وقف اذاعة الاعلان الفاسق الأيزي موزو
مرحي يا ابن العاص!
هو يعني فيه قلع و قلة حيا و "تهتك و تبذل" اكتر من اوروبا و امريكا؟
و ياريتنا نبقي نص اوروبا او حتي ربع امريكا.. لو كان تمن الشغل قلع.. لو.. فأهلا و يا ميت أهلا بالقلع
طبعا في امكاننا شتيمة الغرب الداعر و التفسخ الأسري و المخدرات و يا عيني يا مه.. براحتنا خالص
ما تخلي اللي يقلع يقلع و اللي يلبس يلبس.. المهم مين بيعمل ايه.. مين بينجز ايه.. مين بيشتغل ف ايه
بقيت بحس ان المسألة كلها مجموعة مطبلتية عمالين يغنوا علي بعض، و كأن الدولة نفسها طالقاهم علينا علشان يقوموا بالتعليق و الوصف التفصيلي لكليب إليسا الجديد.. بلا انتخابات بلا نيلة
زي كده اعلان الأيدز اللي بيجيب لنا شباب بيتنطط زي القرود البابوني و يقول كلام عن شبابنا و العفة و مش عارف ايه.. هي دي مصر يا عبلة
السؤال الحقيقي مش "عندنا هيفا و لا معندناش هيفا؟" السؤال الحقيقي--في رأيي--هو : فيه مصنع و لا مفيش مصنع؟
20 comments:
Kalam gameel.
Bala hals - al ya3ni moget el tadayon eli wakhda el balad, wel mo7agabat wel de2oon gabet natega. Al ya3ni el balad 7al7a et3adal wala akhla2 el nas etghayaret. Bala fessa we kalam faregh.
لو كان فيه فعلا مصنع ما كانش حد فضى يبص على الحاجات دى على الاقل كانت هيفا راحت اشتغلت فيه بدل ما مش لاقية حاجة تعملها و كانت الناس لما تعوز تستريح تصلى ركعتين و لا تقرا شوية قران و اهو دين و دنيا بس فى الاخر لو ........... لو .
ليه بنحشر الدين فى كل حاجة00لا طبعا الدين شىء جميل بس الدعاء و التجارة بيه هو الخطر الحقيقى00
لكن ارجع و اقولك ان بطريقتك ديه هنسكت على حاجات كتير 00لأ لازم نفول للكليبات لأ و للاستهزاء بعقولنا و ادميتنا لا00بس تكون ل بجد مش بنركب موجة
مظبوط يا علاء، يا ريت النّاس هنا تهتمّ بتطوير نفسها وبلدها بقدر ما تهتمّ بشكليّات الدّين، وتعريفها الخاص للأخلاق. صار مفهومهم الغريب للدين طاغياً على حياتهم، بشكلٍ يمنعهم حتّى من تقدير نعمة الحياة.
مش معنى اننا نهتم بالحياه وبالتنميه والتعليم والوضع الاجتماعى اننا ننسى الدين
عمر ما التطور يبعدنا عن الدين بالعكس
وموجة التدين مش حاجه تتهاجم ومش هيه السبب فى تاخرنا او انشغالنا عن التنميه
والدين مش شكليات للحياه
الكليبات والتفاهات هيه اللى واكله عقول الشباب وشاغلاه عن مطالبته بحقوقه او حتى معرفة ايه هيه حقوقه دى
مش معنى انك قابلت فى حياتك مجموعه فاهمه الدين غلط وبطبقه غلط يبقى العيب فى الدين
وبالنسبه للاعلان بتاع ابتسامه مصر لو اتشال مش هتنصلح الدنيا طبعا
والموضوع خد اكبر من حجمع بس فعلا الاعلان بيسىء لمصر
الناس دى بتيجى عشان تشوف حاجات اهم كتير من دينا واميره فتحى والهطل ده
وبرضوا بكرر اننا نهاجم الخطا والانحراف الاخلاقى مش هوه اللى شاغلنا عن التطوير ابدا ابدا ابدا
ويا اخت Eve
الناس اللى بتحكى عنهم موجودين وفعلا دول بيطبوقوا الدين غلط
الدين مش بيمنعنا من الاستمتاع بالحياه ابدا
ممكن نقدر نعمة الحياه ونستمتع بيها لكن فى حدود الاخلاق
لو فكرتى فى اى متعه خارج اطار الاخلاق هتلاقى فعلا انها متعه وقتيه
بتخلص فى وقت قصير جدا بمجرد ما الانسان يفوق غالبا بيحس بندم
ده لو فاق اساسا لان فى ناس مبتفوقش للاسف عشان كده مش هيحسوا بالفرق
لكن لو المتعه فى اطار اخلاقى هتدوم وقت اطول ومش هنحس بندم بعدها
وزى ما المفروض نحس بنعمة الحياة ونقدرها لازم منديهاش اكبر من حجمها ومنتعلقش بيعا قوى عشان نقدر نتحمل التغييرات اللى بتحصل فيها ومنتعقدش
ومن قال إنّني أنادي بالمتعة خارج الإطار الأخلاقي؟؟ ولكنّني أرفض الأخلاق التي يفصّلها لي أشخاص لا أثق بطريقة تفكيرهم ولا بسعة آفاقهم. أخلاقي، أنا التي أفصّلها وأنا التي أتحمّل مسؤوليّتها. وديني ليس الشّعائر الظّاهريّة، بل إحساس داخليّ بيني وبين ربّي.
وبصراحة، شو يعني "لا نعطي الحياة أكبر من حجمها"؟ ما هو حجم الحياة، وإلى أيّ مدى يعتبر أنّنا تجاوزنا هذا الحجم؟ هل من مقياس؟ ومن وضع هذا المقياس؟ أحياناً، العبض يعقّد هذه الأمور بلا طائل. وأحياناً، كلّ هذه الحروب التي تقوم باسم الدّين تضحكني، لأنّ لا أحد من المتنازعين يعرف ما هو الدّين أصلاً!
الاخلاق محدش بيفصلها لحد
ولا حتى لنفسه الاخلاق واضحه والفرق بين الاخلاق والا اخلاق واضح جدا ومش محتاج ان حد يفصله طبعا ده بعيدا عن التزمت والتشدد.
الدين زى ماهو احساس بين الانسان والله هوه كمان شعائر لازم نقوم بيها واولها واساسها الصلاه اللى هيه فرض وهيه زى ما وصفها الرسول عليه الصلاة والسلام عماد الدين يعنى اساسه يبقى الشعائر مهمه مش مجرد بس احساس.
لا نعطى الحياه اكبر من حجمها اننا مش عايشن فى الدنيا وبس لأ
فى اخره لازم نعملها زى ما بنعمل للدنيا
لو خلينا كل همنا فى الدنيا ازاى نعيش الحياه ونتمتع بيها نبقى ضيعنا عمرى سدى
يعنى منديش الحياه اكبر من حجمها اننا مننساش الاخره ونقضيها فى الدنيا وبس
والموضوع مش معقد ولا حاجه بالعكس فى منتهى البساطه وملخص فى الاتى:
اعمل لدنياك كانك تعيش ابدا
واعمل لاخرتك كانك تموت غدا
السيد بيبو
يا سيدي الفاضل استهجن كما تريد، و لكن افعل شيئاً حقيقياً بينما نحن كعرب و مسلمين نضرب بالجزم! هل تريد أن تعرف لماذا؟ لأن هناك من يهاجم كليب روبي و لا يجرؤ علي مهاجمة حاكم ظالم.. لأن هناك من يهاجم هيفاء بينما هو عاطل و عالة.. لأن هناك أمة بكاملها تكتفي بتشدق الكلمات دون العمل الحقيقي
و شاكر جدا علي كلماتك
عمرو و أيف
لا اريد التعليق علي موضوع النقاش بينكما، و لكنني ارجو--و هذا مجرد رجاء--ألا تجعلنا اختلافاتنا نتشاجر.. لا اقول ان هذه مشاجرة، ابدا، و لكنني ارجو ألا تتحول لكذلك بسبب الحمية
و اهلا بالاختلاف
:)
لا تقلق دى مناقشه متحضره
Eve عرضت وجهة نظرها وانا عرضت وجهة نظرى
وما فيهاش هجوم على اى حد
و اتمنى انها متكونش فاهمه انى بهاجمها
وبس :)
طيب خير
:)
لأ ما في أي هجوم. عم ناخد ونعطي بالحكي يا علاء :)
يا سلام عليكي انتي يا عاقلة!
:P :P :P
مش عارف ليه حاسس انك شريييييييييييييييييير
:)
تحيا الخلافة الاسلامية
انا معاك ان المصيبة الكبيرة هى ان احنا بنتهاون فى حقوقنا مع حكامنا لكن صدقنى بداية المشكلة هو غسيل المخ اللى حاصل لشعوبنا
اللخبطة اللى الشاب بيواجهها لما يحاول يفهم هويته دى نتيجه غسيل المخ الى بتمارسه علينا حكوماتنا و عشان كده بما اننا جميعا اتفقنا ان المرحلة اللى جايه لازم تكون مرحلة تغيير لازم نبدأ نقول لا لحاجات كتير مش بس حكامنا لكن كمان لازم نختار ثقافتنا و الفن اللى نستقبله
و لازم يكون فيه خلفية و ارض قوية نستند اليها و هى دينا و اخلاقنا
ان اكيد ضد التشدد و التطرف لكن اكيد انا ضد انى اتحاصر بثقافة مش ثقافتى و تتفرض عليا اختيارات ماليش يد فيها
انا ضد غسيل المخ اللى جاى من الحاكم او من التطرف لكن مع اصلى و ثقافتى اللى اقدر ادخل بيهم مرحلة جديدة من حياتى و انا مطمئن انى صح
عموما انا معجب بالبلوج بتاعك و اتمنى اشوف تعليقاتك على البلوج بتاعى
قشطة!!!!!!!!
ايه الجمال ده
ده جمال عبد الناصر ولا أيه
معلش اية حكاية الايزي موزو ده بقي والله؟
بيبو
متشكر يا سيدي الفاضل
بيسو
و ماله
ليتل
لا ده جمال الشاعر
سونو
دي حاجة بسيطة خالص يا سيدي.. ده كان مجرد اعلان برئ عن سلعة اكثر براءة و احنا كذكور مكناش علي قد المسئولية
Excellent, love it! Richard a. ragsdale lawyers hoarse xxx videos isuzu trooper Automobile proof of insurance colorado Greetings card affiliates programs teens do it for cash xxx 2006 lexus is350 via web conferencing Bwtywiz computers benefit of web conferencing Free group sex parties tethering blackberry 7130 to pocket pc Waterbed sheets cheap skimpy bikinis videpicture phone conferencing Klonopin 1986-1994 Look for comparing phone plans since 1997 star69 http://www.just-the-fax.info/Sales_data_conferencing.html removal how to get rid of cybersitter
Post a Comment