في يوم من الأيام، كنت قاعد مع زميلي و اخويا الكبير بلال فضل، في اوضتنا في الأم بي سي-- الأوضة المخصصة لورشتي وليه و لاحقا شريف عامر الله يمسيه بالخير--و فجأة قالي بلال و هو بيهرش ف دقنه، كعادته كل ما يفكر في حاجة
"علاء.. عايز اخد رأيك ف حاجة"
و كلمني في موضوع شخصي.. سكت شوية و انا ببص لأرضية مكتبنا الباركيه--كانت لسه معمولة جديد، فعلشان كده كانت بتلمع-- و جاوبت
"الندم قيمة ثابتة"
ضيق عينيه و سألني
"يعني ايه؟"
"يعني ح تختار الطريق ده ح تندم.. ح تختار الطريق التاني ح تندم.. المهم تحسبها كويس: امتي ح يكون ندمك اقل؟"
طبعا مكنتش بعمل بوذا علي بلال. بلال حد انا بحترمه بشكل انساني، و قضينا مع بعض سنة حافلة بالضحك و التعب و العرق في مكتب القاهرة، كان--و هو عنده 28 سنة افتكر-- منسق البرامج في المكتب كله.. و طبعا مكتب القاهرة يعني اكتر من تلات ارباع شغل القناة، أو اي قناة عربية تانية. و بالصفة دي كان رئيسي المباشر، باعتباري عضو في ورشة السيناريو في القناة، و انا عندي 23 سنة
قصدي ان بلال ناضج لدرجة انه مش محتاج نصيحتي، لكن استشارته ليا كانت بتنم عن حيرة ما
و ده الشعور الأنساني اللي مهما قاومناه بالعقل ح يزورنا، زي الحزن.. زي الفرحة الشديدة.. زي الغضب
بس بجد، لازم اكون متأكد من حقيقة ان البني آدم طماع--و هو طمع برضه ممكن التعاطي معاه-- و لاوام. يعني الندم قيمة ثابتة في حياته، راح يمين يقول ياريتني كنت رحت شمال.. راح شمال يقول يا ريتني رحت يمين
الرضا الكامل عن مسيرتك ف الحياة دي فكرة وهمية، و مرتبطة اكتر بفكرة الخسارة
يعني مثلا: لو اتجوزت ح اخسر جزء كبير من استقلاليتي، ح اتحمل مسئولية عاطفية و مالية و جسدية، ح افقد جزء اكيد من صفاء بالي
بس دي ، لو انت اختارت صح، مش ح تكون خسارة
لأنك ح تكسب استقرار، ح تكسب حب، ح تكسب حد يهتم بيك، ح تكسب شعور الأبوة الحقيقية مع أولادك، و الأبوة الفعلية مع شريكة حياتك
ده انا بسميه: تخسر علشان تكسب
و دي مش خسارة
الخسارة الحقيقية انك تخسر من غير ما تكسب
و ليه دايما فيه خسارة؟ لأن هي دي الحياة.. انعدام الخسارة--كقيمة مطلقة بعيد عن حالاتها هنا--وضع مش طبيعي.. احنا مش ف الجنة
و الخسارة دي بتثير الندم.. ياريتني ما كنت اتجوزت.. ياريتني فضلت عازب.. ياريتني ما قبلت الشغل ده.. ياريتني قبلت الفرصة دي.. و ف ساعات كتير بتوصل لأبعاد اكتئابية ذات صبغة ميتافيزيقية: ياريتني ما كنت جيت اصلا.. و بعيد عن اصحاب الأحلام الوردية في سعادة تامة شاملة ساحقة ماحقة:
الندم قيمة ثابتة، بس انت بتختار--أو بتحاول تختار بمعني ادق--الوضع اللي ندمك فيه ح يكون اقل
4 comments:
اكيد فعلا الندم شىء ثابت فى حياتنا وبيورث الم شديد جدا خصوصا زى ما انت قلت لو كان ندم بدون ما تكسب شىء و ساعات بيكون شىء مرضى اللى هو الخوف من الندم يعنى فيه واحدة اعرفها خسرت علاقات كانت ممكن تنجح و كانت ممكن تلاقى فعلا الحب الحقيقى فيها لكن لما كانت بتتراجع كنت بسالها ليه فكانت دايما بتقولى:خايفا اندم. مش ده ضعف برده.
اكيد
دي مشلكة الخوف من الفشل اللي بيجيب الندم
ربنا يبعتلها اللي تحبه و يحبها من غير خوف و لا رعب
اممممممممم
كلام صح 100%
طول عمري بقول كده..
علشان تكسب لازم تخسر..وطول ماانت بتفكر في مكسبك عمرك ماهتندم.. الندم يظهر لو فكرت في خسارتك..
وعموماً اللي بتديهولك الحياة باليمين بتاخده منك بالشمال..فكل الحالات إذن مش فارقة !
Very cool design! Useful information. Go on! corvette car covers 1965 Land rover series iii for sale Citizen printer idp3550 Blonde anal whore Traditional driveways online pharmacy valium Quit smoking annual sales Cea apa mp3 players Grado sr-125 headphone Digital camera olympus c60 united states best numbers for video keno microsoft win xp training installation ginseng good impotence car cover covercraft Leg cellulite exercises Offshore fishing club louisiana car covers for your seats car seat cover and volve Topical treatment for impotence
Post a Comment