designed by: M. Aladdin & H. Fathy

Tuesday, May 24, 2005

كويلهو و ازمة الذكر المعاصر

النهاردة كان السيد باولو كويلهو-كويليو /كويلو في منطوقات اخري--في ساقية الصاوي. كنت أنا و العايدي مخلصين معاد شغل كله رطن بالانجليزي، و كان العايدي و صديق تاني متحمسين جدا انهم يروحوا يشوفوا كويلهو وجها لوجه.. أنا مش غاوي مقابلات المشاهير، بس تحمس العايدي ، و عربية الصديق التاني كانوا مبرر ما
و لما وصلت هناك اتضح ان كان فيه مبرر تاني مهم جدا
جيوش من النساء الجميلات
اي و الله، "معقولة كل دول بيقروا" علي حد السؤال المندهش من حمدي ابو جليل، و احنا واقفين نستعرض الجيوش الحافلة الخارجة من القاعة. حضر ابو جليل اللقاء، بس احنا جينا متأخرين . "هي القاعة اللي جوا دي قد ايه بالظبط؟" سؤال تاني متعجب من العايدي، و الجيوش لسه بتخرج
مصري علي لبناني علي اجنبي، و اغلب الحاضرين شايلين كتاب كويلهو الجديد بافتنان. العايدي كان متصور شعبية كبيرة، بس كل الشعبية دي؟ ده كان شيء محير بالنسبة له، أو--بلفظ أدق--شيء مثير. أنا كان عندي وجهة نظر تقليدية: أن الناس المفتونين بكويلهو دول مفتونين بيه علشان هو "طريقة لعيش الحياة"، مش فكرة مجرد أدب. أنا فاكر أن ستاد الدار البيضا اتملي عن آخره في استقبال كلمة البابا يوحنا، مع إن المغرب--علي حد معلوماتي المتواضعة--مفيهاش غير مسلمين و يهود., يعني الكلام ف الروحانيات و "النفوس القلقة" بيجتذب اغلب الناس، و اغلب الستات الحلوة، إن لم يكونوا كلهم
ظهر حاتم و انضم إلي "الركب"، و طبعا كان فيه مليون افيه علي كل اللي احنا بنشوفه ده، لدرجة أن العبد لله قال لحاتم
"تصدق كان نفسي احضر الندوة دي"
"ليه يعني؟"
"علشان اسأل سؤال واحد"
"اللي هو؟"
"يا تري يا استاذ كويلهو، مع كل الحاضرات الجميلات المبهورين بيك بالدرجة دي، يا تري حضرتك بتمارس العادة السرية؟"

21 comments:

NYchick said...

يخرب بيتك على السؤال ده
انا كنت فرحانه في البوست بس كالعاده لازم تخربها بالاخير

انا قريت لكويلو و موش شايفه يعني انه معجزة كده
يعني الكيميائي كانوا اصحابي الاجانب مبهورون بيها اوي و انا كنت افكر اي ده؟ كل الي كتبه عن ثقافة الصحراء غلط في غلط
شويه بحث يا سي كويلو
لكن حبيت عند النهر بيدرا نحت او حاجه زي كده
بس كمان عادي مش معجزه يعني
فيرونيكا عاوزه تموت همممممم قريت يمكن اول 50 صفحة ثلاث مرات في اوقات متفرقة و ما كملتش
و شكلي مش حكمل قريب

طيب ما شفتش حد شبه شاديه هناك؟

ألِف said...

أنا كنت هناك أيضا اليوم، مع أن علاقتي المحدودة بأدبه تنحصر في استماعي إلى الخيميائي كتمثيلية إذاعية على البرنامج الثقافي منذ سنوات و قبل أن تجتاح هوجة رواياته مصر، و لكن من أجل اللمة الحلوة و مراقبة الوضع الثقافي الشبابي في مصر...طبعا :-)
مع أني شجعت أصدقائي على الحصول على توقيعه على كتبه التي يملكونها.
رواياته في رأيي قد تروق للمراهقين (عمريا أو أدبيا) أو لمتبعي موضات الكتب. الخيميائي تركت عندي انطباع كتب التنمية الذاتية. لكن بما أني لم أطلع على ما شيء يذكر من كتاباته، فلربما كنت مخطئا.

لكن لو جاء جارسيا ماركيز مثلا، سأنصب خيمة أمام مكان الندوة قبلها ببضعة أيام :-)

Eve said...

برأيي، يمكن للقارىء أن يكتفي بقراءة رواية واحدة من روايات كويلهو، لأنّها كلّها تتشابه في الرّوح والأجواء. الخيميائي رائعة طبعاً، لكن حين تقرأ كتبه الأخرى، لن تتفاجأ كثيراً.

بالمناسبة، لم أفهم سؤالك كثيراً: "معقولة كل دول بيقروا"؟ هل هذا يعني أنّ الجميلات غبيّات بالضّرورة؟

Muhammad Aladdin said...

إن
معاكي جدا في اللي انتي بتقوليه، لو انتي بتتكلمي عليها كروائي، لكن كـ"خبير في عيش الحياة"، دي ممكن يكون فيها اراء كتير، أنا عن نفسي ماحبيتلوش إلا الخيميائي، و اتخنقت--مثلا--من "علي ضفة نهر بيدرا، جلست و بكيت"--علي مثل المزمور المشهور في التوراة، اللي انا بحبه شخصيا: علي انهار بابل جلسنا و بكينا--فيه واحدة صاحبتي قالتلي انه لازم اقرا "11 دقيقة"، و ح اعملها إن شاء الله
و لأ.. مكنش فيه حاجة زي شادية هناك
:)

أليف
نفس الرأي الأخير قلته للعايدي و احنا واقفين ، دي عظمة ماركيز، انه اديب كبير جدا، و جماهيري جدا ف نفس اللحظة

إيف
ده مكنش سؤالي، ده كان سؤال حمدي ابو جليل، و ده تعبير عن نظرية الأنماط المسبقة، اللي احنا اتكلمنا عليها قبل كده
و، إيفو، انتي اكبر اثبات لفشل النظرية دي يا فندم
:P

worood said...

حــــــــرام..
كنت بتنسكح مع ولاد خالتي في الزمالك مش لاقيين حاجه نعملها..وعدينا على ساقية الصاوي يجي تلات مرات :s
ياقهري :(
ماقريتلوش قبل كده
بس في ناس قالت لي انه ابراهيم كوني الغرب..ده كفايه علشان يدخل دماغي..
وكمان في ناس تانية نصحتني ب11 دقيقة..هتكون أول رواية أقراها له.. ربنا يسهل ‍

NYchick said...

ايه ده؟ وحده صاحبتك؟ احنا حنشتغل خيانات من دلوقتي ولا ايه؟ هه؟
:)

Storm-petrel said...

عزيزي علاء
بقراءة خاتمة التدوينة الأخيرة وبالرجوع الى الوراء لقراءة تدوينات سابقة،يظهر لي أن المدوّنة تتخذ اتجاها شبه إيروسي
مجرد ملاحظة وسَلِمت لقارئك المخلص:D

worood said...

عفواً..ولكن
يعني إيه إيروسي !؟؟

Muhammad Aladdin said...

ورود
إيروسي يعني حسي

ستورم
ح تلاقي دايما إن الموضوع ما بيخلاش من فكاهة.. يعني مش إيروسية مجانية--علي ما انا اتخيل
:)
و دمت يا سيدي لكاتبك الأكثر إخلاصا

إن
هو برضه اقدر اخونك يا جميل؟ سمعينا كده "شباكنا ستايره حرير"
:P

نعناعة said...

قرأت له ساحر الصحراء (العنوان الذي أختارة بهاء طاهر ل السيميائى )وأنبهرت بها جدا .. صحيح هو ممكن مايكونش له فى حياه الصحراء كما قالت فاتنه نيويورك لكن هو من الاول بيرسم عالم اسطوري مش بالضرورة يورينا الصحراء الى نعرفها
قرأت له ايضا فيرونكا الى عايزه تموت ولم أقدر على المضى ابعد من صفحة 25 فى حاج كومبوستيلا

كما قالت إيف
"برأيي، يمكن للقارىء أن يكتفي بقراءة رواية واحدة من روايات كويلهو، لأنّها كلّها تتشابه في الرّوح والأجواء. الخيميائي رائعة طبعاً، لكن حين تقرأ كتبه الأخرى، لن تتفاجأ كثيراً"

ملاحظة أبو جليل أعتقد فى محلها البعض بدا كأنه خارج من عرض فيلم جماهيري مكسر الدنيا فى واحده كانت بتقول لجوزها وهم خارجين " مش كنا شفناه على الاوربت أحسن"

Muhammad Aladdin said...

"ملاحظة أبو جليل أعتقد فى محلها البعض بدا كأنه خارج من عرض فيلم جماهيري مكسر الدنيا فى واحده كانت بتقول لجوزها وهم خارجين " مش كنا شفناه على الاوربت أحسن" "
:P :P :P :P

Anonymous said...

well i m in love with his worrier of the light book very wise just beautiful, i hope you have it guys
emile, new jersey, usa

رحال said...

يا أبو علاء السان الزفر زفر بس يا أخي حاول تمسك نفسك شوية و لما تحس إنك مزنوق في كلمة مش ولا بد إبقي حط علامات إستفهام و إحنا حنعرف

Muhammad Aladdin said...

أميل
نورتي البلوج.. ياريت ما تكونش آخر زيارة

هندزة
هيه.. لساني بينقط سكر انا عارف
:P

Anonymous said...

thanks alddin by the way NORT not norty lol
emile

Muhammad Aladdin said...

هههههههههههههههههههههههههههه سوري اميل علي الغلطة اللي مش مقصودة دي.. نورت البلوج يا سيدي.. و متأسفين مرة تانية

أحمد said...

طيب افرض الراجل كان شاذ جنسياً

Muhammad Aladdin said...

و الله يبقي ادي الحلق للي بلا ودان
:P

Anonymous said...

i dont think he is gay ,you can tell from the sense of his writing (11 minutes)i will be so disappointed if he is one lol
emile, new jersey,usa

Muhammad Aladdin said...

منور البلوج تاني يا اميل.. سؤال ابليس--علي ما اظن--كان بغرض الدعابة، و علي العموم مسألة "شخص" الكاتب المفروض ما تأثرش علي اعجابنا و تقديرنا لشغله، ايا كان هذا المبدع

و نورت تاني يا اميل
:)

المشى بمحاذاة رجل يشبهنى said...

احدى عشرة دقيقة مهمة ايضا ولو اى حد مش عنده وعاوزها الكترونيا يقولى وانا ارفعهاله