لما تحاصرك المرايات و تخنقك، ابتسم لأن فيه حاجة شايفاك.. و لو وقعت الأحجار علي صدرك صلي لربنا لأنك قادر تحس بالألم لسه
لما تطاردك الصحرا فكر انك تعرف الأشجار، و لولا المقارنة ماكانت المشكلة. لما تلمسك اشباح الليل ابتسم.. لأنك إن فضلت حي فنور الصبح ح يغسلك زي عادته
لو خانك صديق فكر في كل الناس اللي بيحبوك... لو ماتلك أب فكر ف الأبن اللي حيبكيك.... لو ضاعت الشمس في متاهات العيون فكر في نجوم حياتك... لو انكرهت حب.. و لو حبيت اغفر
لو بكيت في لحظة امسح دموعك... لأنك لو قدرت تمسحها، اكيد ح تضحك بعدين
17 comments:
آه، محتاج الكلام ده قوي.. جميل يا لول
So nice & touching ...
thanks for these encouraging words ala'
ولو مات الأب ومالكش ابن يبكيك؟
مجازا
شكرا يا أن و يا عمر و يا تارا..
اما انتي يا شروق:
انا قصدي لو مالكش ابن.. خلف واحد
:)
علاء
طب لو الخلف مقطوع ولا مؤاخذة؟
برضو مجازا
قالوها
( ما أضيق الحياة لولا فسحة الأمل )
جميل ما سطرته
=)
fist time here
nice post
شروق
الابوة مش بس للأبن البيولوجي.. الأبوة ممكن تكون لحد بيبصلك علي انك والده
و متشكر يا مها، و نورت البلوج يا كويت بلوجر
علاء
طب لو ماحدش راضي يبصلك على إنك
والده (والدته)؟
يبقي تتبني يا شروق
:)
كل دى حاجات بتعدى واهو كله بيطلع فى الغسيل
المشكله فى ضرب الجزم ده اللى لا بيعدى ولا بيتنسى عشان ببساطه ربنا ماخلقناش عشان نتضرب بالجزم
ربنا خلقلنا الدموع والفرح والحزن والمرض والالم والسعد وكل شىء لكن احنا اللى اخترعنا الجزم واحنا اللى بنضرب بعض بيها
الشرع لا يسمح يا علاء
الشرع لا يسمح بأنك "تعطي" اسمك للولد، لكن بالطبع يمكنك أن تربيه.. علي حسب معلوماتي المتواضعة
آز
فعلا
علاء
ممكن تكفلى طفل فى بيتك ده شرعا
وانا رايى ان فعلا الانسان لو حتى تخيل لو كان ليه ابن هيعمل معاه ايه ده ممكن يسبب له راحه نفسيه ومش شرط ابن بيولوجى او بالتبنى ممكن ابن اخ او اخت
انشالله ابن حد من الجيران اعتقد هيبقى احساس قريب المهم انو يكون حقيقى مش نفاق
تمام يا عمور
:)
eh dh fi eh :D ebto albtha gam3eyet aytam walal eh :D
ليه؟انت بتعمل كده؟
Post a Comment