designed by: M. Aladdin & H. Fathy

Tuesday, May 10, 2005

جوه القلب متاهات

وراء جزر العقل البعيدة، و جوه البحر الغويط اللي اسمه القلب، فيه حاجات كتير.. حاجات بتلمع و مالهاش قيمة، و حاجات مطفية و ليها قيمة.. حاجات بتوجع و حاجات بتفرح،و حاجات زي الورق القديم المطوي، اللي لما تفتحه و تقراه تبتسم.. من حنين أو من بلاهة كانت في عصور ما قبل التاريخ
جوه القلب متاهات، و مرايا، وبنات بتجري ساحبة وراها شعرها الطويل. جوه القلب نور و نار.. ضلام و احلام، شفق و فجر.. جوه القلب حاجات كتير.. و مع ذلك كل قلب فينا بيدور علي اللي ناقصه
جوه القلب ساعات، و دراويش ، و خيول، سلطان متجبر و شحات عاجز أعمي
الحب مرض القلب، و القلب مرض العقل، و العقل مرض الروح.. و الروح: بتروح ف ضحكة طفل

3 comments:

NYchick said...

وانا كنت مخدوعة كنت اظن اني الي جوا القلب

صحيح الي تامن للرجاله

هههه

Muhammad Aladdin said...

ههههههههههههههههههههه
انتي جوه يا فندم قاعدة و متربعة كمان! امال! هو انا خلفت غير أن؟
:P

علاء

Anonymous said...

Where did you find it? Interesting read here