حوا كان اسمها إيف

مهدي لـ إيف

النهاردة كنت علي معاد مع صدفة سعيدة جداً جداً.. كنت ببعت شغل كوميكس (ستريبس) ليا ف معاد انا مش بدخل فيه اساساً، و فجأة لاقيتها قدامي علي الأم اس إن
قولتلها: معقولة؟
مكنتش شايفها، بس كنت حاسس بيها بتبتسم و بترد
"كل شيء معقول"
أول مرة أكلم حد من قراء البلوج، اصدقاء النت الجداد، علي المازينجر.. كانت دقايق جميلة جداً، استمعت فيها بردودها المنمقة و جرأتها اللذيذة، و اكيد هي عانت من الأخ الرغاي علي الناحية التانية من الساحل المتوسطي
استاذة في فن الكلام.. عندها موهبة خاصة أنها ترص الالفاظ جنب بعضها بشكل يغيظ من كتر احكامه. كتابتها بالخط الكوريير اللي انا بحبه و بستعمله في ميلاتي، و التشكيل الرهيف الدقيق فوق حروفها، و اسلوبها المنساب الجميل، كل ده خلاني مستمتع و انا بمارس انانية بغيضة لطيفة لذيذة و بشدها لدقايق بره شغلها
رغم انها قالتلي في الآخر " مفيش بين الأصدقاء شكر"، لكن أنا فعلاً يهمني أني اشكرها علي وقتها، و الأهم من كده، اشكرها علي كونها هي، مش حد غيرها
و مدد يا نسوة فينيقيا مدد
:)