designed by: M. Aladdin & H. Fathy

Wednesday, April 13, 2005

آله الكآبة و الموهبة الاسطوري

في مرة، كنت ماشي مع واحد صاحبي في معرض الكتاب.. سالني "أنت فطرت؟".. قلتله لأ.. راح واخدني من ايدي و جابلي ساندويتشات.. و بعدين قعد جنبي.. قلتله :الله! أنت مش ح تاكل و لا ايه؟.. قالي "لا.. فطرت ف البيت"..رحتت باصصله و أنا مش فاهم .."كل بس!".. كلت.. راح قايم و قايلي.."بيبسي بقي!".. راح جايبلي بيبسي.. بس المرة دي احنا الاتنين.. بصتله شوية و بعدين قلت : *** يا احمد! أنت بتعاملني كأنك والدي! ابتسم و قالي :
!" *****أخرس يا "
أنا عارف انه ح يقتلني لو شاف الويب بلوج ده، بس أنا برضه مصر علي اني اكتب عنه، عن صديق عزيز جدا و مبدع جدا اسمه احمد العايدي
اتقابلنا في سنة 99، لما كان المدير التنفيذي لدار المبدعون، أول ناشر ليا.. كان بيمتلكها الكاتب المشهور "نبيل فاروق"، و مش عارف ليه هو عرض عليا اكتب كوميدي و لا كنت اعرف ان الكائن الاسطوري بالغ الحذر و اللباقة و التوجس اللي اسمه "السيد/ أحمد" ح يبقي صديق عزيز بالشكل ده
بيتهيألي عمر ما ربنا حافظ لي علي علاقة زي ما عمل مع العايدي، ميت مرة كنت علي وشك اني اتخانق معاه خناقة لرب السما، بس دايما دايما كانت تحصل حاجة تشغلني تماماً.. طبيعتنا مختلفة بشكل ما.. هو يميل للتقليدية--رغم كل الشيطنة في روايته المهمة "أن تكون عباس العبد"-- و أنا بوهيمي معفن.. هو حد وقور و أنا منيل بستين نيلة موطني الاصلي هو السيرك القومي
كنا مختلفين.. بس فعلا بقينا اصحاب و اخوات.. ممكن تكون الصحوبية دي بمقاييس الزمن الجامدة قصيرة.. بس بمقاييس الاعزاز دي بعمق المحيط.. في سنة 2003 صدرت للعايدي أول رواية ليه.. أن تكون عباس العبد.. كتاب مجنون و صاحبه اجن منه.. كنت شايف انه كاتب موهوب جدا بس ظالم نفسه، لأنه مكنش بيكتب كتير فـ"مجانين" ، و رغم كده كتير من الشباب المصري و العربي حبوه جدا.. كان شيء سعيد جداً بالنسبة لي أن العايدي بيكتب فعلاً.. و بيكتب بالشكل المتفاني ده
في ليالي كتيرة كان العايدي يتصل بيا و بقول الجملة المأثورة: أسمع دي! فأسمع دي طبعا.. اقوله "ممتازة يا أحمد".. يقولي كلام متواضع جدا كعادته.. تاني يوم اتصل بيه و اقوله عملت ايه في آخر الفصل الـ".." يقولي بفتور: "عادي.. دلته".. ليه بس؟؟.. مكنش مريحه
هو ده العايدي.. زي ماكنت مسميه "جواهرجي كلام".. كتب روايته ما يزيد عن خمس مرات.. كل ده علشان يحس انه راضي "تماماً" عن اللي هو كاتبه
بعد ما قريت النص الكامل قلتله ان دي رواية كبيرة.. و انها ح تحرك كتير في المياه الراكدة.. مصدقنيش.. بس ربنا مخيبش ظني.. الرواية فرقعت لدرجة أن معرض القاهرة الدولي للكتاب استضافه بعد صدورها بشهرين بس.. العايدي بيجسد اجمل حاجة ف جيلنا.. و يمكن اجمل حاجة ف حياتنا.. انه يقدر يحول طاقته الاكتئابية الجبارة إلي ابداع عظيم و قوي.. و الأهم من كل ده: مختلف..-- في مرة كلمني و ضحك، قالي "كل الناس بيقولوا أنا عندي اكتئاب.. أنا بقي الاكتئاب بيمشي في الشارع يقول أنا عندي أحمد"..في دي انا معاه مليون المية
:)
بتمني أن احمد يكمل كتابة، لأنه مهم يكمل كتابة.. و لأنه مهم جداً يفضل بيوعدنا بحاجات كتيرة كويسة، حتي لو ما اتكلمش

9 comments:

بومريوم said...

و لو انى مقاطع بلوج فتاة نيويورك
لكن لا بد ان اشكرها لانها عرفتنى على مدونتك المبدعه

شوقتنا لقراءة الروايه..
رايح ابحث عنها اليوم

yasmin said...

تحس انك عايز تجرى الحياة بالريموت كنترول

Muhammad Aladdin said...

أن واي: متشكر جداً يا فندم.. هو فعلاً شخص عظيم و مبدع كبير، بس هو ممكن يتضاف علي قايمة حسناته تخليص العالم مني رمياً بالرصاص (128 طلقة/ربع ثانية) لو اكتشف اني كتبت عنه هنا
:)
بو مريوم: يا سيدي لا مبدعة و لا حاجة.. ده من ذوقك و كرم اخلاقك يا مولانا.. و أن شاء الله تستمتع بالرواية
(ملحوظة مهمة: أنت عارف طبعاً أن القراية ذائقة شخصية جداً يعني اللي يبهرني ممكن جداً يضايقك)

سمسم: مفهمتش قصدك جداً.. بس الحياة ممكن تكون اسخف بكتير لو بتجري بريموت كونترول.. ح تخلص الفيلم كله و بعدين تزهق.. فتقرر انك تشغله تاني و تالت و رابع.. بيتهيألي كلنا عايشين علي أمل أن الفيلم ما يكونش بيتكرر فعلاً
تحياتي

Muhammad Aladdin said...

يخرب بيتك! هو انتي يا سمسم؟!! بجد و انا بقول انا سمعت الكلام ده قبل كده فين؟!! متشكر يا ستي انك علقتي هنا

علاء ( و مش ح اقول اسم الدلع! هه!)

:)

Eve said...

كيفك علاء؟ أوّل شي، شكراً كتير على تعليقاتك يلي كتير انبسطت فيها. تاني شي، الله يخليكم لبعض إنت وأحمد. مش دايماً الواحد بيكون محظوظ بما فيه الكفاية بصديق متله. وحظ سعيد بمدونتك

Muhammad Aladdin said...

شكرا يا أيف كتير كتير.. و سلامي لبيروت و لأهل بيروت.. و علي فكرة فيه سيدتين جمال جداً ، في مقام والدتي تمام، مستقرين في بيروت
يا رب يحفظ بيروت لأهلها

علاء

Anonymous said...

Wonderful and informative web site. I used information from that site its great. vacuum cleaner concord cleaners Pump paintball marker Cpi for 2003 Women in bath tub using lipitor http://www.loli-hentai.info/Hot-latin-boy.html Fishing lake report texoma Processors cpus page 2 of 2 ms belleza latina Gay teens in wolfville nova scotia

Anonymous said...

Very cool design! Useful information. Go on! Stutent side affects cancer drug 20mg adderall digital photography printing liposuction cost Effexor side effects and drug interactions venlafaxine hcl cholesterol maladies Female impotence enhancer http://www.discount-computer-games.info chrysler neon Withdraw symptoms vicodin Developing application security requirements Apple 30 lcd American express members rewards

سالي محمد said...

سبحان الله لسه مخلصه قرايه(ان تكون عباس العبد)النهارده ودى للمرة التسعميه بعد الخمسميه التالته
العايدي انسان اوى ودى اكتر حاجه حلوه فى قصصه اتمنى انى اعرفه فى يوممن الايمان بلغه تحياتى الجامداااا ولو ليه بلوج ياريت تبعتهولى(يعنى لو مش حتعب جلالتك سعادتك...الى اخر التهجيس)