designed by: M. Aladdin & H. Fathy

Saturday, April 23, 2005

حسين الجسمي

و الله اول ما شفت بوستراته ف ميدان عبد المنعم رياض، استغربت شكله جداً.. قلت مين سي "حسين الجسمي" ده؟
و حصل اني كنت ف اسكندرية ف شغل لمدة تلات ايام ف مكتبة اسكندرية، كنت بفتح قناة روتانا فألاقي حفلة الاستاذ حسين الجسمي.. كليب الاستاذ حسين الجسمي.. مونتاج الاستاذذ حسين الجسمي.. مش عارف كانوا ممكن يتكلموا عن ايه ف حسين الجسمي بعد كده اساسا؟
:P
ده طبعا غير اني ما ببلعش اساسا مسألة "اغنية عن الحجاب ف فرنسا".."اغاني القضايا".. ممكن بعد كده نعمل اغنية عن "مشاكل الصرف الصحي بالدويقة" أو حاجة زي كده
طبعا أنا مندس و عميل و ماليش ف القضايا الجادة.. ماشي.. يدوم العز
بس ف الحقيقة عترت ليه علي اغنية "تافهة"--انتوا عارفين انا اموت ف التفاهة موت-- اسمها "أنا الشاكي".. و الله الرتم
مش بطال خالص.. التوزيع كويس جداً..حاجة لطيفة و راقصة و تحبها من اول نغمة.. هو صحيح فيه عبارة كوميدية هي "أنا الحساس".. و ده بيفكرني بجملة "أنا اكتر واحد بيحبك" بتاعة عمرو دياب من حيث البارانويا، بس برضه بتفضل اغنية حلوة بجد
شكرا يا عم حسين أنك رقصتني شوية في اوضتي الصغيرة.. و كمل شغلك الكويس يا سيدي
معلهش يا جماعة هو شكله مش عاطفي شوية.. بس مش عايزين نفسنة و قلة حيا بقي
:)

9 comments:

Shurouq said...

lol
Ala'
You crack me up

Eve said...

حدث أنّني أردت أن أتطرّق إلى هذا المغنّي قبل شهرين تقريباً، ولكنّني انشغلت ونسيت. فكلّما أرى أحد كليباته، أصاب بالتّوتّر والإنزعاج. الكليب يُفتتح على جملة: عواقب الزّيجات بالأجنبيّات، أو شيء من هذا القبيل. ويصوّر الأمّ الأجنبيّة على أنّها قاسية القلب، أشبه بأحد أفراد عصابات المافيا التي تختطف الأولاد الصّغار؛ فيما الأب هو الحنون الذي لا يستطيع أن يكفكف دمعه حزناً على فراق ابنته. بففففف!

Muhammad Aladdin said...

شروق:
أي خدمة يا فندم
:)

ستورم:
ربنا يخليك يا عمي..

أيف:
فاهم اللي انتي بتقوليه كويس
:P

ولاّدة سابقاً ... رانيا السعد ...رانية المنيفي حسب الأوراق الرسمية said...

نصيحة لجميع المطربين الذين لا يتمتعون بأدنى درجات الوسامة أن يكتفوا بالأشرطة والسي دي

مدونتك في منتهى خفة الظل
تحياتي

Muhammad Aladdin said...

شكرا يا ولادة.. و فعلا لو نفذوا نصيحتك دي كنا اترحمنا كتير من التلوث البصري اللي بيحصل لنا ف كل ثانية

اشكرك علي مجاملتك الرقيقة

علاء

aMRALi said...

هوه فنان كبير وله احترامه وصوته حلو والاغنيه بودعك حلوه
بس انت كتاباتك احلى وطريقة كتابك لارائك بتخلينى استمتع وانا بقراها حتى وانا مختاف فيها معك
انا وصلت للموقع ده بالصدفه وانا بعمل سيرش وفعلا مبسوط انى لقيت الموقع ده وكل ما بدخل نت بدخل اشوفك كتبت جديد ولا لا
وبقالى يومين مستنى
بحييك على اسلوبك فى الكتابه اللى فعلا بيشد
عمرو على

Muhammad Aladdin said...

شكرا يا عمور.. دي شهادة اعتز بيها
:)

علاء

أحمد said...

أنا مش عارف ايه اللى بينك و بين الجسمى ، أنا حتى فاكر ان المرة الوحيدة اللى شفتك فيها و اكلمنا - تقريبا كان بعد زيارتك للاسكندرية ايها - انك فضلت بتاع تلت ساعة تتكلم عن الجسيمى

Anonymous said...

Enjoyed a lot! Ford mustang convertible top replacement