designed by: M. Aladdin & H. Fathy

Sunday, December 14, 2008

إبراهيم سعفان


مرة حد راجل سأل حاتم والاصدقاء في قهوة عن الجدع المغني اللي شبه إبراهيم سعفان. طبعا كان فيه حالة عدم فهم، ابراهيم سعفان مين يا حاج؟! قالهم الجدع ده! قالوله مين طيب؟ قالهم بتاع اغنية ديدي...

هنا فيه اغنية بحبها اوي، الشابة بنت بلادي، ايقاع جميل وصاخب، وما بوظهاش غير الكليب، وطقم خالد، خصوصا القميص والحزام ماركة العتبة..

وسلام لشارع عبعزيز، اللي مشيت فيه يوم في اول التسعينيات، علشان اشوف كل التلفزيونات في الفتارين بتعرض اغنية ديدي..



4 comments:

abderrahman said...

الراجل ده مكانش هو لوحده بس اللي كده
أنا كنت كل ما أرى ابراهيم سعفان في فيلم اونكل زيزو حبيبي اللي كان مقرر علينا في المرحلة الاعدادية، كنت بحس انه هو نسخة من الصورة المستقبلية للشاب خالد، حين يتحول الى الشيخ خالد

nour said...

وانا كمان
انا وانا صغيرة كنت بقول عليه شبهه
بس انا بحبه جدا
شب خالد نموت عليه
و رشيد طه كمان
اغنية دايما ملهاش حل فعلا
وطبعا ديدى اللى كانت مقررة عليا وانا فى ابتدائى كنت بسمعها كل يوم وانا راكبه التاكسى اللى بيودينى المدرسه وبعدها اغنيه سواح وانا ماشى ليالى و متسألنيش ايه العلاقه بين الاتنين
:)))))))))

Unknown said...

hahaha.. enta lessa faker?!
el title momayaz we mabssot awy enny la2eet esmy fi el blog..
ana asef 3ala ta2seery bass fe3lan ana mat7oon :D
mal7ooza : soso we lolo we toto we 3am batoot.. ana moch fahem ezzay kano beyel3bo fi el talg bel enbesaat dah!!.. brainwaching :P

egypt-panorama.com said...

شكرا مواضيع ممتازة فعلا