designed by: M. Aladdin & H. Fathy

Monday, June 25, 2007

..حفناوي



أحمد حفناوي مش مجرد فنان عينه حلوة و بس، هو فنان عنده موهبة مختلفة أوي في رأيي الشخصي، و لو حد من متابعي البلوج القدام أكيد ح يفتكر دي و دي طبعا.
:)
أحمد عمل معرض دلوقتي، هو الأولاني ليه في مصر، بعد اشتراكه في ترينالي لطلبة البحر المتوسط في تركيا سنة 1997، الحدوتة بدأت لما الفنانة التشكيلية الروسية يلينا يريومتشفا كلمته قبل يومين من افتتاح معرض "سيمفونية صيفية" اللي بتنظمه في الجاليري و الاستوديو بتاعها، و قالتله "هه يا أحمد! يالا!!".. طبعا السبب في المكالمة المتأخرة أن أحمد كان مكسل يعمل معرض مش من قيمة شهر أو شهرين..لأ..سنين
..و الحمد لله أنه عملها أخيرا
:)
تقدروا تزوروا معرض أحمد حفناوي و تسعة تانيين من الشباب المصري و الأجنبي اللي بيعرضوا لأول مرة في
فاين آرتس جاليري و ستوديو
11 شارع الجزيرة الوسطي--الزمالك
ت: 27351307
يوميا من الساعة 11 صباحًا إلى 3 مساءً و من 5 مساءً حتى 10 مساءً ما عدا الجمعة
حتى 12 يوليو 2007

2 comments:

simsim said...

حرام الناس تتحرم من الجمال ده ... عشان حفناوي مكسل .... يا حفناوي أعمالك اجمل اعتذار للعين المصرية عن القبح اللي بتشوفه كل يوم مضطرة ...
...

سمسم

رانده said...

كتر خيرك والله يا علاءان بتعرفنابمواعيد واماكن المعراض الفنيه الجميله دى نروح النهارده يا فندم نمتع عينينا باللوح الجميله دى