designed by: M. Aladdin & H. Fathy

Thursday, March 15, 2007

..سالم


سالم الشهباني مش شاعر و بس، سالم الشهباني انسان حقيقي قبل كل شيء
فاكر اول مرة قابلته فيها، عينيه الضيقة شوية اللي ليها نظرات مدققة و ثابتة، ابتسامته الخفيفة الهادية.. الملامح دي اللي تديك احساس بالمكر البدوي، ان الراجل ده مش سهل
بس لما قال سالم الشعر لاقيت ان قلبه قلب انسان طيب بجد. و من شعره عرفته، لأن صدق شعره بيطلع من صدقه هو كبنى آدم. سنين اعرف سالم، و لا عمري سمعته بيقول كلام وحش علي حد و لا سمعت حد بيقول كلام وحش عليه. كائن هادي و متفرغ انه يكتب شعره و يصاحب الناس بلطافة، و حاليا: انه يربي ابنه مازم، ربنا يخليهوله
علي العموم كل اللي قلته ما يثبتش قد ايه هو شاعر مهم، بس اتمني من كل المهتمين او الراغبين انهم يجيبوا ديوان سالم الاخير: السنة 13 شهر، و يحكموا بنفسهم.. الديوان بـ4 جنيه بس و تقدر تسأل عليه في مكتبة سندباد--مكتبة مدبولي، و قريبا جدا بديوان و كتب خان
سالم انسان حقيقي، و شاعر حقيقي، اتمني ان كل اللي بيهتم بالشعر انه يقرا تجربة اصيلة و جميلة زي دي
و في انتظار دواوينك الجاية يا بو مازن
:)
............................................................................
الصورة: من حفل توقيع سالم الشهباني
من اليمين: محمد علاء الدين و ايمن مسعود و سالم الشهباني

5 comments:

بنت الحياه said...

سالم فنان جميل وسعيدة جدا باصداره لديوان جديد، شكرا علاء علي البوست :)

Anonymous said...

good luck to you Salem !

nuh ibn zbigniew gondek said...

As salaam alaikum.

I surfed in to remind you about jumah prayer today. If you can't make it to your local masjid come by my blog for my 2 pence in a khutbah series:

http://nuhgondek.blogspot.com/

Be well.

Wa salaama,

nuh ibn

Ezzo said...

جميل منك انك حضرت يا لول
وفعلا سالم يستاهل
إننا نروحلو
بس اعذرني في السؤال
إلا مقدم الحفل كان أسمه ايه؟؟
ولا مش لازم المهم صاحب الفرح
سالم

Muhammad Aladdin said...

بنت الحياة
فعلا.. و العفو
:)

المجهول
يا رب
:)

نوح
(فيما اظن)
شكرا جزيلا يا سيدي
:)

عزو
جل من لا يسهو يا غتيت!!
:P
علي العموم صلحنهالك يا عم