designed by: M. Aladdin & H. Fathy

Wednesday, January 17, 2007

...يا نهار كوبيا

مشكلتي مع راتي اني بعزها، و لولا كده مكنتش رديت علي تاج زي ده ابدا... ربنا يستر
طيب
نبتدي....

نكهة العطر التي تفضلها على جسد المرأة: سكر، بهار، ازهار؟
ريحتها هي نفسها..
:)

الجزء الذي تفضّله في جسم المرأة؟
كلها.. كل حتة فيها

في حال جاء يوم مُنع فيه استعمال كلمة :أحبك"، ما هو التعبير الذي تستخدمه لتعبّر لها عن مشاعرك و تقول إنك تحبها؟
غالبا مش بعرف اقول احبك.. اظن اهبل و بيبان عليا


ما يكون شعورك إذا أخذت هي زمام المبادرة؟
مندهش و مرتبك و سعيد

لا تستطيع الاستمرار في علاقتك معها، بأي وسيلة تخلّص عليها؟ (العلاقة طبعا).
صراحة مطلقة يمكن ان يسميها البعض قسوة..

سمِّ عنوان فيلم يصف علاقتك بالمرأة.
مثل العزيز ياسر: جسور مقاطعة ماديسون (فاكر يا ياسر لما اتكلمنا عنه؟؟)
:)

سمِّ عنوان فيلم تصف به نفسك.
عطر امرأة

إنّه أول لقاء وجها لوجه معها، في أي مكان يكون؟
في أي مكان.. و لكن ياريت ما نكونش لوحدنا اوي علشان ما تاخدش بالها من اهتمامي
:)

إلى أي مدى تذهب للحصول على المرأة التي تتمناها؟(نخن نعتقد أن الرجل بطبيعته لا يملك الجرأة الكافية)..
علشانك انتي اتكوي و ابهدل جتتي.. اي: لأبعد حد ممكن

ما الذي تخافه في و من المرأة؟
كونها مرأة.

اذا خذلك... مرة او اكثر و اكدت لك ان الحب يغني عن كل شيء ,هل تحقد عليها ام تقبل بحبها الجارف ( سؤال من نارنجة)
حقد؟؟ لا.. بس ح يكون عندي تشكك عميق.. الستات عندهم اتصال بالجانب الجسدي في البني آدم اكتر من الرجل.. يمكن ح اكون متضايق اني ما اسعدتهاش.. ده اللي ح يشغل تفكيري.

ما الوجه الذي تحرص على عدم اظهاره امامها ؟
علاء الذي لا يوقفه شيء

هل تخاطر بحياتك و تخبرها اذا لاحظت زيادة في وزنها؟
جدا!
:)

هل تحبّها لدرجة ان تتذوق طبخها لأول مرة؟
اكيد طبعا.. احب اكل من ايدها اساسا
:)

لقد نسيَت عيد ميلادك، ما تكون ردة فعلك؟؟
ح اتضايق طبعا!!!

تكذب عليها عندما: ؟؟
لما تسألني انا جميلة علي طول؟ بتحبني علي طول؟ ح تفضل تحبني؟
:)

هل تصرّ على تسمية اولادك على اسم اهلك، خصوصاُ اذا اسمهم "برعي، حنفي، زليخة، درويشة، خزاعي..."؟
علي اسم اهلي ايوة بس اكيد مش الاسامي اللي فاتت.. الواحد مش بيجيب العيال علشان يذلهم!

هل الرجال أيضاً يغرهم الثناء؟
هو هو هوووووووووووووو! طبعا!!!!!

إنها بداية العلاقة، كم سيستغرقك الأمر لجرّها الى منطقة المحظور؟؟
هممممممم... علي حسب الست نفسها
:)

هل هشاشة الرجل اشد من هشاشة المراة؟
اظن ده جدا.. لو بنتكلم عن الهشاشة بمعني الكلمة اللي تسيل دم.. اظن ايوة.. الراجل كلمة بتجرحه بسهولة جدا.. اظن أن الست بتركيبها شهل عليها امتصاص الصدمات.. احنا بنخبط في الصدمات زي ما بتخبط فينا ، و ده مش دليل علي الصلابة خالص هلي فكرة

متى اخر مرة بكيت و لماذا؟
و انا لا اقشر البصل منذ فترة
:)

17 comments:

Anonymous said...

علاء
شكرا كتير، اقدر لك هذا الجهد.. عن جدّ
و ستجبرانني الان على مشاهدة جسر مقاطعة ماديسون
الان ربما تعتقد انها لعبة، هي لعبة، لكن الصدق و العفوية جعلاني اتعرف على حقيقة اخرى من وجوهك الطيبة
يللا، جاءت باقل اضرار ممكنة
دمت علائي

Muhammad Aladdin said...

* وش خجول*
دمت علائك يا ابو الرييييييييت
:P

Eve said...

hilarious :) so ur not going to be the next abu bor3i?

Muhammad Aladdin said...

اتجوزني انت بس و انا ابقي ابو ضب مش ابو برعي بس
:P :P :P

Anonymous said...

"لأبعد حد ممكن"
اسفة، لكن لااعتقد ان اى رجل قد يصل الى هذا الحد من التفاني لمجرد تمنيه لها حبًا لكنه يصل الي هذة المرحلة تحديًا او رغبةً

Anonymous said...

ميش راضيه تطلع يااخىت
انخ انخ انخ
يااخى احااااا

Muhammad Aladdin said...

المجهولة
ده بيثير تساؤلات ما عن ماهية الحب نفسه
:)

المجهول
مع اني مش عارف ايه اللي مش راضية تطلع بس علي العموم ربنا يسلكهالك
:)

Anonymous said...

انت في الحب لا تذهب بعيدا ابدا لانك عندما تحب تخرج في الاساس من حسابات العقل والمنطق
فلايذهب بعيدا من يقف على ارض من الحب فكل المسافات اما منها او اليها

Anonymous said...

kont bas2el el2s2ela di lama a7eb arsem 3la wa7ed :) 3shan ab2a shabah eli hwa momken y7ebaha aw 3shan alfet nazaro enni mohtama heeeeeeeeeeeh ayam ba2a ..layt elshabab

Muhammad Aladdin said...

المجهولة
برضه مرة تانية ده برجعنا لمسألة ايه هو الحب اساسا
:)

سمسم
اتلمي يا بنت
:)

Anonymous said...

إجابات جميلة على تلك الأسئلة الجريئة

طبعاً أتذكر حديثنا حول فيلم "جسور مقاطعة ماديسون"..ترى هل كنا نعرف أنه سيأتي في الامتحان؟:))

Anonymous said...

شكرا كتير،

Muhammad Aladdin said...

باسر
شكرا يا سيد الناس
:)
و لا.. بجد بجد مكنتش اعرف
:)

المجهول
مع اني مش فاهم علي ايه.. بس العفو اكتر

Anonymous said...

muhamed ur realy one of the too little forward men ive ever seen , i like all your blogs"i mean it all" and i wish i could buy one of your books specialy angel .. but its just too far to reach cairo .
by the way El7ankosh Elmo7'if is the greatest in here :) The BEST of luck

Muhammad Aladdin said...

المجهولة
و الله بجد كسفتيني و مش عارف ارد اقولك ايه.. مش عارف لو كفاية اني اقولك ان كلامك حلاني ابتسم بجد.. هو اكيد مش كفاية بس مش لاقي كلام تاني اقوله فعلا
متشكر ليكي و لشعورك الجميل
:)

ملحوظة: انا معنديش غير بلوج واحد بس.. اظن انتي تقصدي التدوينات؟ البوستس يعني؟؟
ملحوظة اتنين: ممكن تسيبيلي الميل بتاعك هنا و بكده نتواصل و ابعتلك الكتاب علي عنوانك يا ستي.. من عينيا
إلا يعني ولو خاطرتي و كتبتي العنوان نفسه هنا
:)

Anonymous said...

this is so sweety of you .. a real gentilman you are , fyr.nona@gmail.com this is the address
and if you dont mind .. there are some poor posts in my own blog if you have time maybe i could send you its tittle if you dont mind.
and so many thanks again

Muhammad Aladdin said...

ح ابعتلك ميل حالا ان شاء الله، و شكرا علي التواصل
:)