designed by: M. Aladdin & H. Fathy

Thursday, November 23, 2006

..الحنكوش المخيف


تتقدم محافظة المنوفية و مركز محلي منوف و السادة اعضاء المجالس المحلية و البلدية و كبار رجال هيئة الصرف الصحي و التأمين الصحي و علي و محمود صحي و جميع ابناء المنوفية في عموم الجمهورية بالتهنئة الحارة و الدعاء المستجاب لخفي الألطاف و لبيب الألباب كبير كبراء المنوفية و مهندس محو الأمية إمبراطور الضربة الجوية و معالج النزلة المعوية نصر عبده و جل حمده و هزم الاحزاب وحده سيد الحناكش و عم الشباب و عميد عمداء الجمهورية حسونة الفطاطري الشهير بالحنكوش المخيف ذو الفتوة و المنعة ذو الثمانين ربيعا و الخمسة و العشرون بديعًا علي خطبة جلالته التاريخية التي فيها وعد و اوفى، و قدر و عفى، و اخذ و اعطى، و قدر و لطف، و صال و جال، و اعتدل و سدد، فكانت في تمانيات الوطن هدفًا غاليًا و أملًا مبتغى و مرحلة جديدة من مراحل العمل الوطني علي هدى خطة تلاتة خمسة اتنين و افتح ع الونجين يا حلبسه، مواصلًا مسيرة المستقبل بمسئولية و أمانة وسيادة و استقلال و ارادة و صمود بروح العبور و ايطاليا تسعين، مادام في الصدر حليب و مادام الخال والد، بلا اهتزاز أو زعزعة أو معمعة أو شخلعة، بلا ابطاء و لا إنحناء و لا لين و لا هوادة و لا ضغوط و لا تحاليل و لا حجوزات. نسأل لكم المولى مصر بلا سكان و أمن بلا احزان و بحر بلا شطآن و ايكش تولع، ادامكم الله حنكوشًا مخيفًا تهابه كتاكيت الظلام و عششه إلى ابد الآبدين و إلي أن تحترق النجوم و حسادك يموتوا بغيظهم، وفقكم إلي ما فيه خير المنوفية، و عشت يا غالي جبينك عالي.

إمضاء

جمعية زهور المنوفية الاهلية بالاشتراك مع كوافير الأموّر (سعيد بوستيج) و فرن بحبك يا ريس للحاج ابو سماعين و ابنه مخلوف الشهير بالاهبل

9 comments:

Anonymous said...

عزيزي "لو" ..انت "شـ...." كبير
مع الاعتذار للريس
:)

كراكيب نـهـى مـحمود said...

حلو اوي موضوع الحنكوش المخيف بس غريبه جدا انا شفت حاجة شبيها بالموضوع ده في التليفزيون من كام يوم بس مكنش حنكوش
مممممممم
توارد خواطر بقى
تحياتي

Muhammad Aladdin said...

يودا
عزيزي انت عسل
مع الاعتذار ليا
;p

كراكيب
ده كان ايه ده اللي في التليفزيون؟!

Anonymous said...

أزيك يا أيها المحمد العلاء الدين :)

أنت يظهر كده و الله أعلم رايح ورا الشمس قريب

يخرب عقلك أنا ما كنتش عارفة امسك نفسي من الضحك و أنا بقرأها و في نفس الوقت كنت من جوايا بتقطع على حالنا

ربنا يستر عليك بجد

zordeak said...

عزيزى مرحبا بك فى عالم الحنكوش المخيف
قد يبدو للوهلة الاولى عالم من المعاتيه مقبلى المؤخرات الغير فاهمين لما يحدث والغير فاهمين لما يزدادون فقرا ..مع انهم ما زالو يقبلون المؤخرات
لقد تعلمو من فطرتهم كيف يستطيعون المشى داخل الحوائط وليس بجوارها
تعلمو كيف يعيشون مطأطئين (حلوة الكلمة دى )
تعلمو بحكمة الجوع ما لم نتعلمه انا وانت .., تعلمو ان يصمتو ليعيشو بل تعلمو ان يقبلو المؤخرات
يعيشون حياة اقل من الكلاب
اما نحن فلا نعيش اطلاقا
مرحى للاوغاد فى هذا الزمن ..زمن الحنكوش المخيف
سيبك انت .., على النعمة انت عسل
ودينى وما اعبد يا راجل انت عمهم
:)

Anonymous said...

eh om el ma2sah ele3'reqyya elle enta katebha deh?! :D
msh mmken..7'aly balk mn se7tna w enta btekteb :)

Muhammad Aladdin said...

الداليا
انا وراها من زمان و الله اساسا
:)
و يستر علينا جميعا.. آمين

زوردياك
و ديني و ما اعبد انت اللي عمهم يا عم..هه!
:P

وئام
ح احاول
:)

Anonymous said...

لوووووول
و الله سلام
عارف يا لول و انا باسمع اخبار الأطفال المشدين اللى الحمد لله انتجهم النظام الحالى
وترعروا فى ظل النظام الحالى
و أصبحوا ما شاء الله عصابات منظمة بتغتصب اطفال مشردين صغيرين بس من انتاج الفكىر الجديد
افتكرته و هو دايما يكلمنا عن البعد الاجتماعى
مجدى الشافعى
سلام دلوقت

Unknown said...

والله كلامك عجبني جدا يا محمد واللي بيحصل في الحفيفة ان مفيش واحد مسؤل فاهم هو بيعمل ايه اصلا لما البلد بقت خرابة كبيرة