designed by: M. Aladdin & H. Fathy

Thursday, October 05, 2006

..الأصدقاء

الاصحاب و الصور، الاتنين مهمين، لأن ربنا بينعم عليك بالاصحاب و لكنه برضه بينعم عليك بالنسيان. الصور الحلوة بتفكرك بالتفاصيل اللي ممكن تنساها: هو انا كنت اهبل كده ليه؟ التي شيرت ده اتحرق صحيح! مش عارف مين شكله كان غريب اوي بالدقن! ياااه.. ده كان في بينوس.. مش كده؟ أنا بقيت شاب بكرش!!... علشان كل التفاصيل دي، الصور بتبقي حلوة، و ساعات، ساعات، لما بتكون مما بين الحبايب بتألم.
:)
و ما دمنا في الخل الوفي، يعني الراحة و الضحك و ايام العبط و لحظات الافكار الكبيرة فعلا أو اللي بتبان كبيرة ساعتها، كانت الصور دي..




صورة 1: حفلة تكريم أمنا الأولي ماما لبني في المجلس الأعلى للتقافة، محسوبكم في آخر الصورة في الوسط، و جنبه ياسر حماية علي يمينكم، و محمد منصور (المختفي) علي شمالكم، الاستاذ محسن الزيات اخونا الكبير في اقصي الشمال، بينما عم محمد فتحي في اقصي اليمين-- مبني المجلس الأعلى للثقافة بالأوبرا—القاهرة.






صورة 2: صورة مجمعة لأغلب اعضاء أول ورشة كوميكس مصرية في المعرض اللي اتعمل لألبومهم في التاون هاوس جاليري. التاني في الصف الخلفي من علي ايدكم اليمين حاتم، و محسوبكم في الوسط ، بينما الراجل الشيك الاسمراني ابو بدلة ده هو اشرف عبد العظيم، اللي هو في رأيي الشخصي واحد من أهم الرسامين في مصر حاليا، بس مضيع كل حاجة علي شغل الاعلان. اأما الجدع اللي علي ايدكم اليمين خالص ده، ايوة، اللي قافل عينيه ده، أبو شنب اشاوسي مغواري هو مجدي .. مظبوط.. مجدي الشافعي! هيهيهي! معلهش يا ابو المجد: خيانة.. خياااااااانة-- وسط البلد—القاهرة.
:P


صورة 3: عيد ميلاد مجدي، من اليمين للشمال: حاتم لما كان كلبوظ، محمد فتحي، محمد علاء الدين، باسم شرف، مجدي الشافعي و حرمه، من تحت فيه وائل سعد و تامر عبد الحميد، و علي الشمال محمد حماد و أحمد خالد-- مدينة نصر—القاهرة.




صورة 4: من عيد ميلاد مجدي برضه، محسوبكم مستكيف اوي من حاجة هو و تيمو (يمكن اغنية) و وائل شكله كويس و الله هنا، و تامر عينه علي التورتة.. يا دني--مدينة نصر—القاهرة.
:)



صورة 5: طارق إمام و وائل سعد و العبد لله-- باب اللوق.



صورة 6: محمد عبد العزيز متغاظ اوي من الحب الصافي بيني انا و فتحي--مشيخة الازهر.


صورة 7: من فرح صديقي و زميلي بلال فضل، بعض من العاملين بمكتب إم بي سي سابقا (ما عدا مطاوع بركات علي اليمين خالص)، مع نشوي الرويني مدير فرع القاهرة ساعتها، و ممكن تاخدوا بالكم من العايدي ورا خالص و الاخ المعجباني اللي بيبص للجنب. فيه طبعا حبايبنا علي عبد المنعم (موقع عشرينات دلوقت) و محمد مصطفي (الأخبار دلوقت) و القلب الطيب هشام توفيق مسئول الجمع و الصف في اقصي الشمال-- كونراد--كورنيش النيل.


صورة8: في قعدة صفا من اليمين : إبراهيم البطوط، طارق إمام، عمر خُضير، احمد العايدي، العبد لله، دارجانا-- كافيه ديلز—الزمالك.


صورة 9: محمد علاء الدين و حاتم فتحي و عادل سلامة--أطلال شالي—سيوة.


صورة 10: من حفلة خاصة للعايدي بمناسبة ترجمة عباس العبد، من اليمين للشمال: برضه إبراهيم البطوط، وائل و هو برضه جدو، برضه العايدي، برضه محمد فتحي، برضه محمد حماد، و برضه مجدي و حرمه، و برضه العبد لله -- روستري كافيه—الزمالك.


صورة 11: قبل ساعة من توجهنا لفرح الزميل عمرو سمير عاطف: برضه محسوبكم اللي هو برضه العبد لله و انتم عارفين الباقي-- كوداك بروفيشنال--وسط البلد.



صورة 12: فرقة الجميزة و عمر اللي يتحط ع الجرح يطيب قاعد تحت و اللي ما يتسماش—الأوبرا.


صورة 13: طبعا مش محتاجة تعليق غير اني اللي بقيت كلبوظ و حاتم خس و وائل لسه جدو--بجوار قلة قايتباي—اسكندرية.



صورة 14: طبعا تاني مش محتاجة تعليق غير اني اللي بقيت كلبوظ و حاتم خس و وائل لسه جدو--أتينيوس—اسكندرية



صورة 15: التريانون-- محطة الرمل – اسكندرية.

15 comments:

doha said...

it's nice to review the memories..
nostalgia awiyi :):)

btw, 7abet soura 9 and 11, and you look very nice bel 13

Anonymous said...

والله يا محمد انت حكايه بس حكايه جميلة وكل الصور حلوه بس في وحده انت عارفها انا حبيتها :)ربنا يخليكو لبعض وانشاء الله كل حياتك اوقات جميلة ومميزة مع اصدقاء اوفياء

تحياتي

Anonymous said...

ايه دا في صور ما شفتهاش الصبح:)حلوه رقم 4 و 14 فيهم عفويه وما تزعلش انت دايما زي القمر حلوه زي القمر ولا اغيرها:) سلام

Muhammad Aladdin said...

ضحي
فعلا.. بس مش نوستالجيا اوي اوي يعني
:)
و هما كمان بيحبوكي يا فندم.. كوني علي ثقة
:P

رشا
بتحايلني و تقولي انت دايما زي القمر؟ ماشي يا عم! اضحك عليا اضحك
:p
شكرا علي التعليقين، و كل التمنيات الطيبة ليكي و لأصدقائك انتي كمان
..و لأ.. حلوة.. ما تغياريهاش
:P
سلامين

Rivendell** said...

تعليق خارجي ....... انا حطيت لينك البلوج بتاعك عندي لاني بجد شايفة انه بلوج ررائع


الصور جميلة

Anonymous said...

كل سنة وانت طيب يا لولو، وكل لحظة واحنا صحابك
بنحبك
وبوجودك طيبين

يودا

susan said...

happy birth day

abdallah ahmed , عبدالله احمد said...

دي يا جماعة صور الناس اللي انا بتشرف بصداقتهم
نجوم النهارده و عباقرة بكرة
قشطة عليك يا لولو اديها نرجسيه

Anonymous said...

قشظة عليك يا لول ..

aMRALi said...

الصداقه قيمة كبيره ومعنى كبير بس للى بيفهم معناها الحقيقى
والصور اسهل طريقه لتوثيق الذكريات

حبيت بس افكرك بان التخن هيبه:):)

Muhammad Aladdin said...

غواص
اشكرك كثيرا..شرف لي
:)

يودا
يخليك ليا يا يو

سوزان
شكرا

عـُبد
قشطة عليك انت يا عبده.. احنا اللي نتشرف بيك
:)

طروق
قشطتين عليك
:)

عمور
اعترف يا عمور.. أنت تخين
:P :P :P

Anonymous said...

ليه يا لول ليه
ليه بتعمل كده ليه
مش لاقي غير الصورة دي توريني بيها للناس
متشكر يا لول

Omar Mostafa said...

:-)

Anonymous said...

e7na etsharafnt ya alaa begad en lena akter men zekra fe 7ayatak especially magdy tab3n rbna yedem elsadaka

Anonymous said...

alaa el comment elsabek da beta3y
ana randa )حرمه)