.. علي حافة الماء

شيء جميل أنك تشوف فيلم كان جزء من طفولتك تاني، بس الغريبة شوية انك تشوف فيلم ابيض و اسود علي اللاب توب، خصوصا و انت فتكر كويس امتي اتفرجت عليه في تليفزيونكم القديم
سيمفونية لتبرير الخيانة. سيمفونية بديعة لتبرير الخيانة. 8 جوايز اوسكار و مارلون براندو و إيليا كازان اللي محش صقفله ساعة ما خد الاوسكار الشرفية
"خاين"
حقيقي و بيفضل خاين. بس كام خاين يقدر يبرر خيانته بحتة مزيكا زي دي؟
عمق المشهد و الحركة القطرية للمثلين عنده. روعة التصوير عند بوريس كوفمان، مزيكا ليونارد برنستاين...
و ابتسامة براندو و صوته الحزين. مرارته و هو بيقول

"You don't understand. I could've had class. I could've been a contender. I could've been somebody instead of a bum, which is what I am"

لما بيوطي و بياخد فردة جوانتي ايفا ماري ساينت و يلبسه بعفوية و هو بيكمل المشهد. لما يقولها "اشوفك تاني؟"، تسأله "ليه؟". براندو بيبص لها. يبص يمين. يرجع تاني بعينيه و يقول
"مش عارف"
هو كان عارف كويس، و انا عن نفسي عارف.. حتي إيليا كازان--جوه في قلبه--بيتهيألي عارف