...عين

الرسمة دي اتنشرت النهاردة في جريدة الدستور، و رغم اني مختلف في تشبيه رمسيس بحسونة الفطاطري ابتداءً، بس انا احب اقول أن عين مجدي الشافعي الرهيفة الحقيقية قدرت تخلق --مش ح اقول لأول مرة علشان انا مش متأكد، و مش اكيد أني مطلع كفاية--استلهام فني متقن جدا للتراث الفرعوني و لنظرية التشكيل للفن المصري القديم، علشان تأكد الرابط القديم ما بين فن الكوميكس و فن الجداريات المصري القديم في تزواج بديع و يعتبر بداية خلاقة فعلا لتأصيل ده مستقبلا سواء عن طريق مجدي او غيره. انا مش بجامل، بس البحث عن الموتيف المصري القديم عاصر تجابر صعبة و تصل لحد الامتعاض، و اكبر دليل عليها الخيبة القوية في ايقونات حورس بتاع الدورة الافريقية و كاس العالم للشباب و مليون حاجة تانية انا و انتم عارفينها كويس.. تاني انا مش بجامل، و تاني انا متأكد أن مجدي نفسه ح يرفع سماعة التليفون علشان يشتمني علي اللي انا كاتبه، و ح يطلب اشيل الكلام.. لأ يا ابو الجود.. مش ح اشيل الكلام!