designed by: M. Aladdin & H. Fathy

Thursday, January 19, 2006

... انا لما بكون بغيض

طيب.. الست إيف حدفتني بتاج جديد، و ماله، مش عيب
السؤال المرة دي عن اسوأ عاداتي
همممممممممممممممممممممممم
اسوأ عادتي
يعني بصرف النظر عن اني انا ده في حد ذاته اسوأ عادة في الوجود بس مش مشكل.. يالا
بيتهيألي مفيش "عادة" انا بعملها سيئة، لأن راجل ربنا قطعله كل عوايده الحقيقة، و اساسا ما اتولدش بأوبسيشن العادة و تكرارها.. يمكن التدخين و القراية و الكتابة و قهوة منه فيه العامرة ، اللي حتي ما بقتش اروحها كتير اليومين دول
غير كده؟
متعود انسي الحاجات الصغيرة: مفاتيح.. ولاعات
متعود اكود كسلان لدرجة مخيفة
متعود اني اتنرفز و ابقي عنيد جدا زي البغل (في دماغه طبعا) الاسترالي
متعود اكون مستهتر و مهمل
... بس ...ببساطة
:)

10 comments:

Anonymous said...

كل ده وببساطة؟
يا عم حرام عليك...
:-)

Lasto-adri *Blue* said...

هىهى
أهم حاجة تبطل التدخين يا عم علاء...
أنا عارفة إن معظم الفنانين لازم تلاقيهم بيدخنوا (أولهم خالى وجدى فى العائلة) وبشراهة عجيبة.. بس برضو.. معلش

عموما.. ألف ألف مبروك ع الكتاب... مع إنها متأخرة.. العتب ع الإمتحانات
بس تقدر تقولى ألاقيه فين ف المعرض؟ أنا وأصحابى عيزين نشتريه بعون الله


سلاماتى

Eve said...

أوبسيشن" العادة وتكرارها"
يا أخي، قول هاجس، استحواذ، هوس...
إيه عادة كتابة الكلمات الأجنبية بالحروف العربيّة دي؟ عادة سيّئة؟ :PP

Muhammad Aladdin said...

سناء
و الله علي حسب تعريفك للبساطة
:p
نورتي البلوج و شكرا جزيلا علي مرورك

لستو
لا مش ح ابطل!!!111 و الف مبروك يا ستي
و لحظة: انتي وجدي العربي خالك؟؟؟1 بجد؟

إيفو
يو نو مي.. آي جاست كانت هيلب إت..إتس جاست مي
:p :p :p :p

Anonymous said...

أخبار روايتك إيه يا عم علاء ؟ طمنا

Lasto-adri *Blue* said...

وجدى العربى مين!!

بقول: خالى و جدى

my uncle and my grandpa...
هم رسامين مش ممثلين .. أهو كله فن برضو.. ولا إيه رأيك؟

Muhammad Aladdin said...

ههههههههههههههههه
معلهش العتب علي النظر! بس برضه مكنش فيه مسافة بين الواو و الجيم، فافتكرتها وجدي
و مالهم الرسامين؟ اجدع ناس
:)

Selwa said...

Hello...I can't write in arabic on my bord, but just here to say have a nice blog...It becomes more nice whet it is written in egyptian...I LIKE your language and your people...Egyptian's men know talking to women.

AZ said...

u can borrow some :D

Muhammad Aladdin said...

شكرا يا ست سلوي.. ربنا يخليكي لينا
:)

آز
أيوة! انا!
:p

احمد
اسف جدا بجد نسيت اجاوبك.. الرواية ح تكون موجودة في خلال الكام يوم الجايين إن شاء الله