designed by: M. Aladdin & H. Fathy

Thursday, January 12, 2006

...يا سلام علي الشهرة و حلاوتها.. ياسلام.. يا سلام

في البوست اللي فات ده دخلت شاعرة اسمها سحر عبد المعطي و قالت كلام لطيف في حق العبد لله و بتقول انها عمرها ما قرت اي حاجة ليا بره المدونة و ده حقها طبعا.. قلت واضح من اللهجة دي أن المدام--أو الانسة--مشهورة يعني و العبد لله اكيد نكرة بالنسبة لها.. قلت يعني ما اتغرش و اقول اني اعرف اغلب المشهورين في الوسط الثقافي المصري لأن السهو وارد و الغرور حاجة بيحاسب عليها ربنا، قلت ادور علي اسم الاستاذة عبد المعطي في جوجل و ياهوو و الأم اس ان و جنبها شاعرة. في الحقيقة التلانة كبسوني و قالولي ان النمرة غلط. قلت يا واد يمكن الاستاذة عبد المعطي ما بتحبش الشهرة و ما بتتباهاش بكونها شاعرة فدورت علي اسمها بس من غير شاعرة
و آدي النتايج
الجوجل
الياهوو
الأم اس ان
......
معلهش.. ارجو من الاستاذة عبد المعطي انها تسامح الجهلة المتخلفين في محركات البحث دي لأنهم تجاهلوا ذكر حد مهم زيها و خاصة محرك الام اس ان اللي لا جاب سيرة الحضرة الشعرية و لا سيرة الاستاذة عبد المعطي اساسا. التفسير الوحيد قدامنا--في ضوء مكانة و شهرة الاستاذة عبد المعطي--انها تتعرض لحملة اضطهاد صليبية غاشمة من محركات الغرب لأنها عربية و مسلمة لا سمح الله
و معلهش يا استاذة عبد المعطي.. امسحيها فينا المرة دي

13 comments:

Anonymous said...

واضح من غضبك الشديد ان الكلام جه على الجرح..انت لو واثق من نفسك ما كنتش عملت كدة و هيصت بالطريقة دي..و حتى في ردك بتقول :أعرف كل المشهورين !!! في احساس بالدونية أكتر من كدة؟؟ أنا مادعيتش اني مشهورة أو معروفة و شكرا انك اديتني كل الوقت ده و نشرت الموضوع علشان تتسول من أصدقاءك كلمتين حلوين..أنا بسأل انت مين؟ يعني أنا فعلا أعرف أحمد العايدي و عارفة انه عامل رواية مسمعة و بيكتب في جرايد..و كذلك الرسام حاتم فتحي..وو الله العظيم سألت كذا حد من اللي بيكتبو يكون قرالك قالولي كلهم ::انتي بتسألي عن واحد نكرة....ياريت كفاية تماحيك في كتاب معروفين..أقولك: احلف كدة ان أحمد العايدي صاحبك! لو حلفت هصدق

Anonymous said...

سحر عبد المعطي

أبوعمر said...

واضح من رد الأستاذة سحر شاعرة العوالم الموازية إن عندها شد عضلي في نفسيتها..ده يمكن كمان مزق
يا أستاذة سحر بالله عليكي قولي لنا انتي متغاظة من الواد كده ليه
فيه إيه بينكم وبين بعض
وبعدين عمالة تسألي عن علاء كل اللي تعرفيهم طب ما تطلبي نمرة تليفونه وتخلصي
بجد بجد..إنتي اللي بتتلزقي وباين ان صحتك بتيجي على التجريح في الناس وهي سمة أعشار المواهب غير المتحققين مع ذواتهم
وعلى فكرة..العايدي اللي انتي بتقولي ان علاء بيتلزق فيه ما كانش بيكتب سطر من روايته إلا ولازم ياخد فيه راي علاء اللي مش محتاج يتسول من أصدقائه كلمتين حلوين لأنه أكبر من ناس كتيرة بتخش تجرح في الناس في البلوجات بتاعتها لمجرد إنها تتعرف أو يمكن لأن الشتيمة بتكيفها وتجعلها من المتزنين نفسياً
خلي بالك عشان المرة الجاية فيه حقن..،ويمكن لبوس وانتي وحظك بأه حاكم اللبوس اليومين دول من نوع أكيد حيوجعك
بالمناسبة ..إنتي كدابة..لأن اللي يعرف حاتم فتحي يبقى أكيد عارف باقي شغله وعارف كمان ان شغل علاء بينزل في نفس المجلة اللي حاتم بيشتغل فيها ..ده غير انهم مطلعين مع بعض كتاب عالمي مترجم للإنجليزية و الفرنسية وبالتأكيد حضرتك ما سمعتيش عنه لأسباب فسيولوجية بحتة

Nour said...

جامدة مووووووووووووووووت يا علاء

والله برافو عليك

و إسمحلي كمان أرفع القبعة لأبو عمر

بعدين ست سحر.. يعني أما انتي شايفة صاحب البلوج فيه العبر كده.. ما تبطلي تحرقي في دمك و تيجي هنا يعني

عجايب والله

Ahmed Alaidy | أحمد العايدي said...

.. أخي الحبيب علاء
ممكن استأذنك في طلب بايخ
.....
"متردش"
تحياتي وكل سنة واحنا بيك طيبين

..أبو عمر
خف ليدك ياعم، أمال لو عمر جه هتعمل ايه :)

نهار أبيض

AZ said...

مشعارفه ليه افتكرت اسكيتش كده بتاع ثلاثى اضواء المسرح
- معانا فى البرنامج النهارده الست ام عبدالمعطى اللى زعلانه اوى من ابنها عبدالمعطى عشان مابيسالش عليها فاحنا قررنا نكلم عبدالمعطى عشان نعرف هو مش بيسال على مامته ليه.. ودلوقتى معانا على الخط الست ام عبدالمعطى وبنكلم عبدالمعطى فى بلاد بره

-انا الطااااااااااااااالب عبمعطى عبحق جادالحق عطيه عضو البعثه التعليميه بادفينا الووووووو

Anonymous said...

محمد علاء الدين كاتب جميل ,و صاحبي و دي حاجة تسعدني فعلا يا أخت سحر...و نشر واحدة من أجمل المجموعات القصصية اسمها (ألضفة الأخرى ) في هيئة قصور الثقافة _طبعا ما تسمعيش عنها _وله تحت الطبع رواية في دار ميريت _طبعا م تعرفيهاش برضه! _أما عن قصصه و مقالاته اللي بتتنشر في كل الأماكن المحترمة فدي بالذات((بالذات دي جمع....))متعرفيهاش برضه..ربنا معاكي ,وتحياتي لعلاء و العايدي((على فكرة أنا كاتب مغمور و ممكن تعتبريني بتلزق فيهم (((طارق امام)))

Anonymous said...

آآآآسف..مبروك يا عايدي /مرشدي/ جميل..للأمام دائما يا بطل,و الرسم رائع طبعا مش عايزة كلام..

Anonymous said...

معلهش يا استاذ عبد المعطي كل الناس مسحت بكرامتك الاسفلت سواء مشهورين او زي حالتي بيتمحكوا لكن ارجع و اقولك ان الشجرة المثمرة الناس بترميها بالطوب و في حالتك انتي الناس غلطت و كان لازم ترميكي بالقباقيب يا شجرة الدر
امضاء : عز الدين ايبك

Amanie F. Habashi said...

جبتي لنفسك الكلام، هو يعني إذا كنت سيادتك متعرفيش حد معناها أنه مش معروف. طيب كلفي نفسك واتعبي شوية ودوري قبل ما تتهوري. فكرتيني بواحد كان بيعمل بحث عن كاتب معين وكتب اسماء الكتب اللي عنده في مكتبته بس من غير ما يتعب نفسه ويدور في أي حته تانية. بتحصل كتير في مصر. ولا يهمك يا علاء، كبرّ.

Anonymous said...

انا حاتم العراقي

Anonymous said...

Best regards from NY!
Buspar for obsessive behavior Fishing for spanish mackeral Illegal honda drag racing Body kit sc300 lexus Land rover freelander se passenger air bag Downloadable card games reading Rosacea information Contact lenses prescription without Discontinued bathroom faucets fitness Monitors and projectors by hewlett packard How does lung cancer affect people today veilside body kit s2000 europe http://www.drivewaysensor7.info/blitz-body-kit-style.html 1986 honda prelude body kit Fitness ball workouts loss pilates weight

ola salem said...

لا حول ولا قوة الا بالله ما كل واحد يخيله فى نفسه هو شايف نفسه كاتب حقه ماحدش يقدر يتكلم وانتى شايفاه بيتلزق فى المشاهير يا ستى سيبيه يتلزق انى مالك؟ لازم تكسفى نفسك؟ عارفه انتى كده عاملة زى اللى دخل بيت الاسد وخرج يقول اىىىىى الاسد عضنى معرفش ليه يعنى وبعبدن حتى لو هو مغرور و مغمور واسلوبه زفت ما الصغير بيكبر يا ستى ومغرور دى بقى حاجه تخصه ماحدش ليه فيها يووووووووو الواحد هيعد يرغى بس المفيد ان كل واحد يخيله فى نفسه