designed by: M. Aladdin & H. Fathy

Wednesday, December 07, 2005

...كمل جميلك


علاقة لا يمكن تفاديها، علي ما اظن، ما بين اغلب شباب جيلنا و عمرو دياب
اذكر انني كنت ادندن "ما بلاش نتكلم في الماضي" بينما كنت راكبًا اوتوبيسنا في فيينا، في مواجهة مبني الأمم المتحدة هناك منذ ما يقارب الثلاثة عشر عامًا، اذكر ذلك لأن زميلتي التي كانت بجواري--لعلها اسماء التنكونتر التونسية، عسي أن تكون بخير الآن--كانت تنظر لي في دهشة
استمعت منذ ساعات قليلة إلي ألبومه الجديد "كمل كلامك" ، و وجدت عمرو دياب المعتاد الذي يبيع الهواء في قوارير فعليًا، و فعليًا نحن نحبه رغم كل ذلك، فهو يمكنه أن يقول "كلامك حلو و مترتب"، و "قلبي حاسس (بحب جديد) مليني بالاحساس" و "كلمة بحبك.. كلمة حبيبي.. آه يا حبيبي" ، مثلما كان يقول "مش بخاطري مش لاقيلي حلول.. غصب عني عيوني عودتني اقول.. عودوني.. عودوني عليك احبك".. و بالطبع يمكن لعمرو أن يقول انهم "عودوه" دون أن نتساءل نحن عن ماهيتهم بالظبط لفترة طويلة
عمرو يعرف اللعبة جيدًا.. "اديها توزيع تديك طراوة" و بمعاونة عدد مهول من ترزية الكلام المنغوم --غير المعقول أو المفهوم مع ذلك--يصبح لدينا الفنكوش الذي يستمع إليه الشباب بسعادة مطلقة
عمرو دياب هو اروع اشتغلانجي عرفه شباب مصر منذ فترة طويلة، و يبدو عليه انه فخور بذلك، و يبدو علي الجميع انهم فخورين ايضًا، و لكن المسألة الرئيسية أن علي عمرو دياب ألا "يكمل كلامه"، بل أن "يكمل جميله"--و هو الان كهل محترم و هو اول من يعرف ذلك-- و يمنحنا ألبوم واحد فني حقيقي يمكننا سماع كلماته فعلًا.. و لكن يبدو أن المشكلة هي في كهولة عمرو ذاتها، او ربما كانت في عمرو نفسه، الذي احبه كثيرًا

8 comments:

Omar Mostafa said...

ميزة عمرو وعيبه في نفس الوقت إنه فاهم اللعبة كويس زي ما انت قلت.. انه وسطاني أكتر من اللازم لا هنا ولا هناك.. هي ظروفه كدة..

حد مزيكته تنفع تشتغل خلفية بدون إزعاج أو إنه يكون الموضوع الرئيسي ويرقص ويهجص ويبقى سلو ويبقى جنان.. لون من كل الألوان

مرة قال لمذيعة انه أجل ألبومه لإنه اكتشف ان المزيكا اللي فيه موضتها راحت، فواحد بيعمل مزيكا ع الموضة، مزيكته مش هتكون أكتر من سلعة بتستهلك، مع إنه مؤهل انه يعمل حاجة أقيم وأهم ومحدش هيقوله انت بتعمل حاجة محترمة ليه يا عمور..

جميل ايه اللي يكمله، هو آخره اللي هو فيه، والتاريخ بيفلتر قوي، (يومينهم وييجي غيرهم)، انت اللي جميل يا عم، قال جميل قال

Anonymous said...

و الله انا من رأى عمر , و احب اقول ان انا حاولت كتير و مقدرتش اكمل اغنية وا حدة من كتر الملل الملل الملل ز

Muhammad Aladdin said...

ههههههههههههههههههههههههههههههه
من رأيك تمام يا عمر، بس "جميلك" دي جت من باب الافيه.. و بيني وبينك، بشكل ما يعني، عمرو ليه جميل عليا اني حبيت و اتحبيت بأغانيه.. يعني اتعودت عليه و خلاص.. مش بقول الفن و الللوبيا و الذي منه، بس علاقة انسانية بين الانسان و "الرتم"، أو "الغنا"--عمرو مغني من غير كلام--مش بتكلم علي "الطرب"، و و الله العظيم انت اللي جميل و عسل.. ما تجيب بوسة
:)

أحمد said...

كلام جميل و منطقي

aMRALi said...

عمرو دياب عمره ما قال انو مطرب ولا اتوصفت اغانيه بالطربيه ابدا
وراى كل اساتذة الفن والطرب فيه انو ((مغنى ذكى))
بس للاسف ذكاؤه خانه فى الالبوم ده لانه بكل بساطه مقدمش اى جديد فيه
وبالرغم من كده الا ان اغانيه ليها طعم فيه شىء من التميز عن غيره من المغنيين

Muhammad Aladdin said...

ابليس
شكرا يا سيدي

عمرو
معاك بجد كان قلبي طيب..مقلتش انا غير حاضر و طيب.. (مش عارف ايه) ..كل سنة و انت طيب
كلام مش ممكن اسمعه (بمعني : ماشي) إلا من عمرو.. هو فعلا ليه امبلواظ كده مش مفهوم
:)

aMRALi said...

بعد سماع اغانى الالبوم لاقيت فعلا انسب اغنيه للتصوير هيه ومالو
واحلى 3 اغانى
اغيب اغيب
ومالو
ايام وبنعيشها

Anonymous said...

Enjoyed a lot! »