اللي حصل في اسكندرية تم وقفه، بس مش معني كده أن اللي بيحصل في مصر كلها وقف
حادثة مؤسفة و شنيعة بكل المقاييس.. 15 ألف بني آدم بيحاولوا اقتحام دار عبادة علشان يكسروا و يقتلوا اللي فيها، و راهبة بتضرب بمطوة هي و حد كان عايز ينقذها كمان
حاجات لا يعرفها دين و لا تعرفها اخلاق
و انا بقول الكلام ده، و فعلا حاسس بالاسف للي عمله ناس بسطا من الشارع--و ارجوكم كفاية مسألة الفئة المندسة و أمام الجامع اللي طلع في التليفزيون و قال ان اللي حرض المتضاهرين "مش من الحتة"!!--و فعلا حاسس بالعار ان ده يحصل من مصريين مسلمين في مواقف تانية بيكونوا اطيب من الطيابة، بس الطيابة عميه في احيان كتير، بس أنا بودي اقول لقيادات الكنيسة المصرية : يعني هو كان لازم دم و مظاهرات و امن و ضرب و وقف حال و فوضي يومين قبل ما يعلن المجلس الملي و اقطاب الكنيسة احترامهم للدين الاسلامي و تبريراتهم الرسمية؟ و من قبل اليومين تم الاعتداء علي الراهبة--و انا اسف و حزين لده مرة تانية--و برضه رفضت الكنيسة التعبير عن النوايا الطيبة ، مش الاعتذار حتي.. يعني كان لازم يحصل كل ده علشان الكنيسة تقوم بواجبها نحو رعيتها و بلدها؟
نسمي ده ايه؟ سوء تقدير؟ و لا سوء فهم؟ و لا صلافة؟
انا معنديش اي نسخة من السي دي اللي عمل الازمة، و لا قريت ليه اي تفريغ، و ح افضل اني اركز علي اللي استرعي انتباهي في تبرير- او قولوا تفسير.. مش ح تفرق كتير- الكنيسة الرسمي اللي اتقال فيه ان المسرحية كانت عن مخاطر الارهاب و التوعية بيه علي غرار فيلم الارهابي... و بيني و بينكم انا سألت نفسي يعني ايه؟
المسيحيين في مصر ناس مسالمين و طيبين و معندهمش- و الحمد لله- اي تنظيم احمق و اسود و متطرف زي القاعدة، طيب ايه لزمة الحدوتة كلها؟
انا افهم أن وظيفة اي سلطة روحية بالمعني الحق هو هداية رعيتها و تقويمهم و وعظهم فيما يهم سلوكياتهم و دينهم.. طيب ايه الوعظ اللي ح تقدمه كنيسة مسيحية لناس مسيحين عن ظاهرة ليست مسيحية بالمعني المصري و الحمد لله؟
أما عن اللي بيتقال أن المسرحية بتتكلم عن شاب مسيحي اسلم و تطرف و بعدين عرف طريق الهداية بمعاشرته لشباب مسلم متطرف (أو تنظيم) فدي قصة في منتهي الخطورة، لأن ده من شأنه انتقاد الاديان التانية بما لا يحبه أو يرضاه ابناء الدين التاني ده ( و محدش من مواطني الشارع البسطا عنده وقت يفهم مسألة: اصل احنا بنتكلم عن التطرف مش عن الدين الحق!)، و دي مش شغلة الكنيسة و لا شغلة المسجد و لا شغلة اي حد.. الدعوة بالمعني الانساني الجميل و النقي هي الدعوة لدينك من غر سب أو تحقير أو اهانة اي دين تاني أو حتي الدخول في منهجياته أو طرقه و لو حتي بالتلميح، و لو سأل المدعو سؤال للداعي يبقي الرد بكياسة و فطنة و بالسان الطيب و الحسن
علشان كده كنت طول عمري ضد الله يرحمه الشيخ احمد ديدات لأنه "شيخ مسلم متخصص في الانجيل و التوراة" زي ما كانوا بيقدموه و ده شيء غريب جدا جدا! و كنت فعلا بحس بعبث لما كنت بسمع اسمه و حكاياته و قررت في يوم اشوف مناظرة ليه مع جيمي سواجارت و بصراحة اتضايقت من المنهجية اللي بتحصل بيها المناظرة...زي ما قلت، و علي حد فهمي المتواضع، وظيفة احمد ديدات هي التحدث في فضائل الاسلام لا في مناقب المسيحية
و إذا كان عند الاخوة المسيحيين انتقادات كتيرة-و هما للامانة ليهم حق في كتير منها-فده مش مبرر لمواجهة الانتقاد بالانتقاد، و قلة العقل بقلة العقل، و التشدد بالتشدد
لازم الكنيسة تعرف أن اتمرار ممارسات زي دي ح تخليها دايما في موقف تابع للنظام-اللي هو من طرف خفي مبسوط-، لأن اللي حصل بيأكد أنه هو الحامي الوحيد ليها، و بكده يحصل علي تأييدها و لو عن طريق الاجبار
الكنيسة مش مضطرة لمسرحيات زي دي، و مش مضطرة لأعلان أن جمال مبارك هو "الشاب الاول" في مصر
احترامي و تقديري للكنيسة الارثوذكسية المصرية، و اسفي الجزيل للي حصل في الاسكندرية
11 comments:
Let us feed you some TV Squad posts
Filed under: Site Announcements , Web Many of our dear readers access TV Squad posts via RSS feed readers such as Bloglines , Newsgator or Feedster .
Find out how to buy and sell anything, like things related to georgia highway construction on interest free credit and pay back whenever you want! Exchange FREE ads on any topic, like georgia highway construction!
That is so sad! and I thought what was happening here was bad! It's terrible what the arabic world with all it's religons is comming to!! Everytime I hear something like this another little part of my arabic & muslim self dies! Soon enough there won't be anything of me left! Allah Kareem.
I just realized this is all happening DURING Ramadan!!! Unbelievable!!! My Faith is aching!
يا محمد الانتقاد بقى قلة عقل؟ هيفضل المسيحيين شايفين فيه عيوب في دينا و كاتمينها في قلبهم و مش هيطلعوها برة السنتهم ناهيك عن انها تطلع من الكنيسة لا نها مش هتطلع, و هيفضل ردهم على طول على اللي بينتقدوا التثليث و ربنا مخلصنا يسوع انهم يقول حتى لو انتقدونا يا عينينا و نور قلوبنا الاسلام جميل, حتى لو شتمتونا لو هزأتونا لو ضربتونا بالمطاوي.. احنا بقى بنحب الاسلام و الرسول و شايفين التطرف الاسلامي حاجة حلوة و بديعة و إياكش يارب تخلصوا علينا كلنا, تخيل لو كل انتقاد للمسيحية حصل من جوا جماعة مسلمة في جامع مقفول عليها حصلت ضده مظاهرات زي دي و ضرب مطاوي؟ كانت الدنيا خربت بالتأكيد, للأسف يا محمد احنا مش عايشين مع مسيحيين, احنا عايشين مع نفسنا, بنشوف نفسنا في المراية و مبهورين بنفسنا و مش قادرين نتصور ان الحلال لينا هو كمان ممكن يبقى حلال لغيرنا.. انا نائل الطوخي يا محمد و دا اول توقيع ليا هناو يرب مايكونش الاخير و مساك عسل
رب اجعل هذا البلد آمناً
بيش
فعلا شيء محزن.. بس ح نعمل ايه؟
نائل
اولا منور في البلوج المتواضع و خدلك شلتة هنا و لا هنا لحد ما الشاي يجي
:)
اللي انت بتقوله ده يا نائل طبيعة بشرية، يعني لو انت في ايرلندا و شتمت الكاثوليك و انت سعادتك بروتستانت ح يطلع عين اللي جابوك.. المسائل دي اعتيادية يا نائل، في كل تجمع بشري الناس بتقول "اننا الصح".. كأمريكان.. كعرب.. كمسيحيين أو مسلمين أو يهود
و انا بصراحة مش شايف ان ده وضع شاذ أو معيب.. المعيب بس هو التعصب و الوحشية، يعني انا اكيد اقول اني صح--في حالة الايمان العقائدي بالدين أو العرق او النظريات--بس ده ما يعنيش اني اسحل الناس في الشارع ببساطة لأنهم مش زيي، أو زي جماعتي
و انا مش بتكلم عن راجل الشارع يا نائل--اللي بيفضل طيب و بسيط و مغيب مهما عمل من حركات غوغائية انفعالية--بس بتكلم عن مؤسسات دينية و رجال دين المفترض ان عليهم مسئولية كبيرة لازم يكونوا قدها
علاء
HI
انا معنديش اي نسخة من السي دي اللي عمل الازمة، و لا قريت ليه اي تفريغ،
مساء الفل يا علاء باشا
انت عايز تقول انك ماقرتش الدستور العدد اللى فات
ماقرتش التفريغ اللى عمله الدسوقى
يا راجل قول كلام غير ده
لا يا سيدي.. ما قريتوش
ح اكدب يعني؟
مساء العسل يا سيدنا
كل سنه وانت طيب يا محمد
احب اولا اوضح نقطه ان الدين الاسلامى مافيوش اى حاجه تنتقد
لكن اللى ممكن ينتقد المسلمين كاشخاص وتصرفات وفهم للدين وتطبيق ليه
وكمان فى القران ايه
كلام موجه من الله للرسول عليه الصلاة والسلام (وذكر انما انت مذكر , لست عليهم بمسيطر)
للاسف فى ناس بتحاول تسيطر على تفكير غيرهم وده اساسا حرام
لا اكراه فى الدين
بس موضوع المسرحيه فعلا خطا ومش المفروض ابدا ان كنيسه ترعاه
وللاسف ده مش اول خطا من كنيسه ولا اخر خطا
زى ما سبق وشفنا واحد قس عامل فيها عبقرى زمانو
وبيثبت الوهيه سيدنا عيسى(استغفر الله العظيم) من القران الكريم
وحاجات تانيه كتير مش هيكونلها نهايه
فالحرب الخفيه دى زى ما فى بعض اللى بيسموا انفسهم دعاه للدين الاسلامى بيغذوا عقول الشباب بيها
فى برضو قساوسه كتير بيملوا بيها ادمغة شباب فى الكنايس
والاتنين هما السبب الاساسى فى اللى بيحصل ده
وللاسف برضو الشعب المصرى كلو والعربى بمختلف دياناته ممكن بكلمة واحده للاسف برضو يتحول لمجرد ثور هائج ويتصرف تصرفات اقل ما يمكن ان توصف به انها تصرفات همجيه
وربنا يهدى الجميع
بس برضو احب اكرر ان الدين الاسلامى غير قابل لنقد
اللى قابل للنقد فهم الناس للدين او طرقة تطبيقهم ليه
وكل سنه وانتم طيبين
That's a great story. Waiting for more. »
Post a Comment