designed by: M. Aladdin & H. Fathy

Friday, May 27, 2005

سفن قديمة

داخل مكتية انيقة للغاية، نري يحيى، شاب عشريني، انيق بطريقة بسيطة،نراه يتحرك بهدوء--و لكنه ملئ بالتحفز--ليدلف إلي ركن في المكتبة
مع حركته، قطع
علي ريم، فتاة جميلة بشكل ملحوظ، نراها قادمة نحونا في انطباع يوحي بالتعجل، تنظر إلينا (وجه يحيى) ، تتألق عيناها قليلاً
قطع
علي يحيى و ريم، يتصافحا، يحيى متوتر و لكنه يحاول اخفاء ذلك، هي مبتسمة و مأخوذة قليلا بمفاجأة رؤيتها له
ريم
هاي!
يحيي
هاي
ريم
صدفة لطيفة اني اشوفك هنا
يحيي
فعلا.. ازيك؟
ريم
الحمد لله.. و انت؟
يحيي
كويس.. اخبارك ايه؟
ريم
مفيش جديد.. و انت؟
يحيى
برضه مفيش جديد
يبدو يحيى غير مرتاح، رغم انه يريد البقاء مع ريم اكثر، و لككن شيء ما يدفعه لتركها و شأنها، يكاد يحييها ، و لكنها تبادره
ريم
مدة طويلة من اخر مرة شفنا فيها بعض
يحيى
ايوة.. كان صدفة هنا برضه.. غريبة دي
تبتسم ريم بطريقة "الله يحضر لك خطة ما".. بينما يجد يحيى نفسه يقول
يحيى
قبل ما اكلمك اخر مكالمة و ابقي زي عبيط القرية
ريم
لا.. خالص
يهز يحيي دماغه بمعني "متشكر علي مجاملتك" و ينظر بعيدا
ريم
بس انت مكلمتنيش علشان نحضر حفلة عمر خيرت
يحيى
يعني.. انتي عارفة أن الأتصال دي عملية بين شخصين.. لما ما اتصلتيش، أنا ما اتصلتش.. مش طالبة اكون سخيف تاني
ريم
انا كنت مسافرة بقالي خمس شهور
يحيي--بابتسامة باهتة
بس ده كان من اكتر من خمس شهور
ريم --و هي تهز رأسها
صح
تنظر ريم جانبا للحظة ثم تعود ليحيى قائلة
ريم
بس انت تعرف؟ كل اصحابي بيشكوا من اختفاءاتي.. ساعات فعلا بكون فاضية و كل حاجة بس دماغي مشلولة.. ما بتصلش بحد
يحيى يحس بالحنق لأنه اصبح في مكان المتذمر. لا يريد هو أن يطالب احد بشيء..يتحرك للمضي بعيداً و هو يقول
يحيي
علي العموم مش مشكلة.. يالا
ريم--تبادره
فيه حفلة قريب لعمر خيرت.. هه.. تيجي؟
يتوقف يحيي للحظة، ينظر لها و هو في حالة من السعادة بالعرض، و الأحباط لأنه يعرف نفسه--هو غالبا لن يحضر. تابعت
ريم
لسه معاك تليفوني؟
يهز رأسه، و لم يتمالك نفسه من مط شفتيه بأسف ما و هو يرد باستسلام
يحيى
ايوة
يتوقف لحظة، قبل أن يقول
يحيي
انتي ممعاكيش رقم تليفوني الجديد.. معاكي ورقة و قلم؟
تتلفت ريم حولها، و هي تقول
ريم
ايوة.. في الشنطة هناك
قطع
ريم و يحيى يقفا عند منضدة في كافيتريا المكتبة، نري شاب آخر يجلس علي المنضدة و يحاول تلوين نظراته بالترحيب، ريم تقول للشاب
ريم
الأستاذ يحيي.. كاتب
الشاب--بحماسة مقتعلة
اهلا بيك أنا رمزي
يعتدل واقفا و يصافح يحيى بذات الحماسة، يحيى يجدث نفسه بأنه لا يليق أن يظهر الأنزعاج.. هو غير مرتبط بريم، كان يذكر نفسه بأنه لا
شيء يجعله يتضايق من هذا الشاب
رمزي
وشك مش غريب عليا.. احنا اتقابلنا قبل كده؟
يحيى--بفتور ما لا يملك أن يسيطر عليه جيدا
لا اظن
يشير رمزي إلي كرسيه و هو يقول
رمزي
تسمح لي؟
لم يفهم يحيى الأشارة.. يجلس رمزي و يوضح
رمزي
كنت بقول تسمحلي اقعد؟
يحيي--بحماسة ما
اتفضل طبعا
تناوله ريم ورقة، ينحتي بها جانبا ليكتب عليها نمرته
قطع
علي ريم و يحيي، يحي يناولها الورقة التي تحمل رقمه، يتأهب في محاولته الثالثة للمضي، يقول لها
يحيي
اتفضلي يا ستي
ريم--متناولة الورقة
متشكرة
يصافحها يحيي و يقول
يحيي
اتمني اشوفك قريب
تهز رأسها و هي تبتسم.. و قبل أن يمضي يقول فجأة
يحيي
يبقي شيء غريب لو قلتلك انك وحشتيني؟
تفاجأ ريم بالجملة ، تصمت للحظة قبل أن تقول بهدوء هامس
ريم
يعني.. غريبة شوية
تستجمع شجاعتها و تقول بنبرة اكثر قوة، بينما هي تنظر إلي عينيه
ريم
انت ما تعرفنيش علشان اوحشك
يمط يحيى شفتيه.. يصمت للحظة و هو ينظر لأسفل ، ثم اليها، و هو ينطق كلماته
يحيى
ما اظنش انك محتاج تعرف الحاجة علشان توحشك
يثبت المشهد عليهما هما الأثنان، في مواجهة بعضيهما
- تلاشي تدريجي-

10 comments:

نعناعة said...

أممممممممممممم ... ده مشهد من فيلم جديد ؟ ولا ..؟

في الحالتين المشهد جميل أوى

Muhammad Aladdin said...

لا.. ده مجرد تمرين بسيط كتبته هنا لما لاقيت نفسي فاضي
:)

شكرا جزيلا

worood said...

ياإبداعاتك..
بجد جميـــــل..
تسلم الأيادي يافندم..

Muhammad Aladdin said...

متشكر يا ورود
:)

Doaa Samir said...

خاطفة.. آه، لكنها جعلتني أفكر في دواخل كل واحد؛ يحيي وريم والتي من المحتمل أن يكون صاحبها غير متبصر بها.. المهم.. أنا صدقتها... لطيفة جدا لحظات التردد والإقدام كأنها المد والجزر

Muhammad Aladdin said...

شكرا يا دعاء.. ده فعلا اللي ورا كتابتها
:)

Anonymous said...

Very cool design! Useful information. Go on! Six person golf cart data lcd projector sony Lottery ny http://www.antidepressant-4.info/simplex-4001-fire-alarm.html Dreamcast game downloads U s merchant services Suzuki lt 4wd Free paris hilton pictures ford mustang Audi a4 sunroof won't close Effexor effect drug test

Anonymous said...

Keep up the good work » » »

Anonymous said...

Enjoyed a lot! ultrasonic liposuction and post operative Parental consent and birth control Sun dance kids Visa viagra prescription codeine online bextra wbr vs celebrex Missouri paxil attorneys how to use bextra mediciation Cybersitter 2002.3.1.6 Viox vs bextra Prices on volkswagen beetle red dirt shirts Discount on disney cruises levaquin tablet email translation software Best vacuum cleaner for bare floors Crisis in mitsubishi motors

سالي محمد سالم said...

:)