designed by: M. Aladdin & H. Fathy

Thursday, May 12, 2005

الركن البعيد من الدنيا

دلوقتي بقيت أحس أن اعظم انتصار الواحد ممكن يحققه هو أنه يستقل بركن صغير عن العالم. ركن صغير سهل عليك أنك تبث فيه الدفا.. سهل عليك أنك تنوره وصعب عليك أنك تحميه. ركن صغير يحضنك و تحضنه، تعلق عليه صور انتصاراتك و انهزاماتك و تبتسم.. تولع فيه لنفسك شمعتين و تشرب مج الشاي بالنعناع، و انت قدام الكومبيوتر بتاعك بتكتب و مشغل مزيكا و علبة السجاير المليانة جانبك
ركن صغير من الدنيا تكلمه و يكلمك، تهزر معاه فيقولك انت سخيف. يعاندك تضحك. تزعل يطبطب عليك
كفاية نظريات و كلام يوجع القلب.. الجنة الحقيقية ف ركنك، و الجحيم الحقيقي بره في فوضي الأبواب و الشبابيك و الضلمة و المفاتيح و الدموع و النعوش و السكاكين
الجحيم الحقيقي اللي بيحاول يقتحم ركنك الصغير في كل يوم بصفاقة أكتر
ركنك الصغير هو اعظم انتصار و اصعب انتصار، و كل يوم بتحاول تحميه في حرب بلا نهاية.. و بتدعي ربنا انك تنام و تصحي لاقي نفسك لسه نايم فيه
قولوا يا رب

14 comments:

Tara said...

شنو هالحلاوة اللي انتة فيها يا بني ؟
عاشت ايدك

AZ said...

اول مره اشوف حد مقدر قيمه ملكوت الافراد في الدنيا
ركني هو دنيتي
دنيا جوه الكون الواسع بلاقي فيها نفسي
في دنيتي بشخبطني علي الحيطان
برسمني وبكتبني ولا حد يقراني
دنيتي اللي ضمتني في حزني وفرحي
بكيت عليه حيطانها وانا عيانه
اسيبها وارجعلها الاقيها مستنياني
حتي الهوا في دنيتي مختلف بحسه حته مني .... نفس خرج مني ورجعلي تاني
وكل يوم الف يد تتمد تطرق بيبان دنيتي عايزين يخرجوني منها
شايفيني مكتئبه ولا يعرفوا اني ماببقاش نفسي الا في دنيتي
صعب عليهم اوي يفهموا الكلام ده
شايفينه عزله ولا يعرفوش انه قمه التوافق

Lasto-adri *Blue* said...

aaaah,,,
wallahi gt 3al mawag3 ya ostaz..

yemkn 3ashan keda.. ana admant el blogs wl radio.. w sebt el nas..

bala waga3 dema3'

akml akml

AZ said...

5oshy zakri :p

Lasto-adri *Blue* said...

ah wenabi ya az.. olili to azakr..

ana shkli maneshfal7a this year :(

moe said...

اللة عليك

Muhammad Aladdin said...

تارا
متشكر يا فندم.. تسلم عينك انتي
:)
آز
انا مقدرش اكتب الكلام الحلو ده، بس شكرا أنك خليتيني اقراه

لست ادري
خشي ذاكري يا بنت!
:P

لون وولف
مشتكر جدا يا سيدي
:)

علاء

Incomplete said...

ركني البعيد..
هو عالمي الخاص ..عالم يسع الكون.. بلا حيز مكاني!
ركني هوَ حريتي..شرودي..سكوني..حزني..انتمائي..ذكرياتي..أحلامي..صوري..رسوماتي..أوارقي..زجاجات عطري الفارغة..البحر..لحون الغروب..رائحة العشب المبتل..ووجوه الناس..قلوب الناس !
ركني في تفاهاتي الخاصة..مسلسل كارتوني.. ألعاب play station !..أغطية علب المياه الغازية..وكتابات في ركن ما من جانب جدار حجرتي الخفيّ..

تسلم إيديك ياجميل :)

Muhammad Aladdin said...

ورود
تسلميلي يا قمر
:)

yasmin said...

الجنة الحقيقية انك تلاقى حد تحس ان هو الوحيد فى العالم اللى يستاهل انك تتخلى عن الركن بتاعك عشان تنضم للعالم بتاعه و تلاقى الأركان كلها دابت و مبقاش فيه غير عالم واحد مافهوش غير انت و هو...بس هو فين بقى ؟

Muhammad Aladdin said...

هييييييييه! وجهة نظر مهمة جدا يا سمسم و الله
:)

Anonymous said...

Cool guestbook, interesting information... Keep it UP
»

Anonymous said...

Looking for information and found it at this great site... » »

سالي محمد said...

ماهو الركن ده هو العالم اللى كل واحد بيعيش ويموت وهوا بيعمله