designed by: M. Aladdin & H. Fathy

Tuesday, April 26, 2005

و متاهة منصورة المتوحشة

منصورة عز الدين من احسن--إن لم تكن احسن-- الكتاب في مصر حالياً، و انا مسئول و مقتنع بكلمة قلتها لأحد قرائي و هو بيسألني عن ايه اللي يقراه، قلتله : متاهة مريم.. رواية الاستاذة منصورة عز الدين
و كنت كمان مسئول عن الجملة اللي بعدها، و مقتنع بيها لأبعد حد: منصورة فعلا بتكتب احسن مني




مش بقول كده لأني فاكر نفسي تشيكوف، بس لأن كل كاتب بيحس انه عنده شيء مختلف يقدمه، مش بيقول انه الاعظم، بس هو اكيد متأكد
جداً من انه مختلف، لولا كده مكنش كتب. بس فعلا منصورة رمتني ف دوامة من الابهار بروايتها الأولي، اللي هي فعلاً رواية كبيرة مش بمقياس الاعمال الأولي بس، لكن بالمقياس العام قبل كل شيء
حصل أن فيه ناس اشتكت من أن الوصلات ما بتشتغلش، علي العموم دي كانت فرصة ليا علشان اكتر اللينكات كمان
من موقع إيلاف
من موقع الشاعرة المصرية فاطمة ناعوت--مقال كتبته الشاعرة عن الرواية في الحياة اللندنية
من جريدة العربي القاهرية
حوار مع المؤلفة من جريدة الرأي العام الكويتية
و مقال الصديقة العزيزة القارئة علي منتدي خاص للأدب علي الشبكة العنكبوتية
اتمني أن تعمل الوصلات هذه المرة، و ثانية: تحياتي لمنصورة و لكل مبدع حقيقي في الدنيا

7 comments:

Lone Wolf said...

مش عارف,قريت الرواية في ساعتين بس,و كان دة في الاوتوبيس بس بصراحة ما عجبتنيش او بمعني ادق ما لقيتش كل الي انا مستنية ,كنت متوقع اكتر لان الحاجات الي بتغطيها منصورة عز الدين في اخبار الادب بتعجبني و بتبهرني جدا و خليتين اتوقع حاجة خارقة منها,معرفش الي حصل دة كان بسبب الطريقة و المكان الي قريت بية الرواية ولا لا

shoralka said...

هذه الروايه تحتاج لقدر كبير من تركيزك ومن والهدوء المحيط بك .. جرب مره اخرى فى محيط اخر ...
نصيحه اخرى لا تقراها مره واحده مخدوعا في قلة عدد الصفحات اعط نفسك استراحه بين كل بضعة صفحات واخرى

Peach said...

Hey Al, I would like to read something for you ;) What would u recomend for a first time read?

Muhammad Aladdin said...

Hey Peachy, I've published here a link to an interview with me, and they added there three stories from "The Other Bank" if ya wanna read.
Ummmmm....First Time read...First Time Read...Ummmmm.. Try "Unbearable Lightness of A Being" for Milan Kondera. It's heavy, I do admitt, but I think it may amuse ya very much. If ya are looking for something easier, try "Jonathan Livingston Seagull"--a book I've recommended before.

Love,
Al

maha said...

طريقة طرحك شدتني
لقراءة الروابط التي وضعتها

لكنها لا تعمل
!!

شكراً لك
=)

Muhammad Aladdin said...

الكلام لو شدك يبقي من جمال الرواية ليس إلا.. و إن شاء الله ح اعدل موضوع الروابط ده

تحياتي

علاء

Anonymous said...

طيب يا محمد منصورة بتكتب أحسن منك ده اعتراف نزيه ومحترم منك؛ بس السؤال هنا هو انت بتكتب إيه أصلاً وهل بتعرف تكتب فعلاَ؟ يعني مش فاهم المفروض منصورة تغضب من المقارنة ديه، لو منصورة بتكتب كويس لمجرد انها بتكتب أحسن منك فأفضل تبطل انت ومنصورة كتابة. إيه يا محمد المفروض انك كاتب وكلامك بيتقاس بالمسطرة بس الكلام ده تافه قوي، كمان فيه كتير من الكتاب أفضل منك ومن منصورة ومن حسن عبد الموجود ومن نائل الطوخي. فيه سعد القرش يا أخي أفضل من كل الأسامي اللي أنا قلتها كلها. فيه أحمد أبو خنيجر ومحمد إبراهيم طه، فيه أمينة زيدان وسحر الموجي، وأسماء عواد وأسماء ياسين وأسماء شهاب الدين ومحمد عبد النبي وعزت القمحاوي ومحمود الورداني وعلاء الأسواني ومحمد المخزنجي قبل كل الناس اللي فاتت ديه كلها. هي القوالب نامت والأنصاص قامت ولا إيه. إيه يا عم فين تجربتك ولا تجربة منصورة، يا عم خد نفسك شوية واهدى على نفسك. عجيبة والله التخاريف ديه!!! تقدر تنشر التعليق على مدونتك... لو جدع اعملها ياللي منصورة أحسن منك!!