designed by: M. Aladdin & H. Fathy

Friday, April 08, 2005

رحلها فرنسا يا خويا

حاتم فتحي..أهم واحد بيرسم في جيلنا علي حد رأيي المتواضع.. بتجمعني بيه صداقة عميقة، تقريباً متشابهين بطريقة مرعبة خاصة في فن الافيه، حتي لو كانت افيهاتنا-- أنا و هو و فردتنا التالته الروائي المهم جداً أحمد العايدي-- بتثير غالباً ردود فعل ابسطها علامات الاستفهام اللي بتلعب في وش اللي قاعدين معانا.. و ممكن كمان كام كلمة مالهاش لازمة زي "هو ايه الـ***** ده؟!!" ع العموم احنا ما بنزعلش خالص، لأن أرسطو كان بيشتغل شماشرجي عند الاسكندر، و لأن لا كرامة لنبي في وطنه، و لأن الخال والد.. و كده يعني
(كمثال علي افيهاتنا، رجاء متابعة كوميكس "بوكا و سكامونس" اللي بيكتبه العايدي في جريدة الدستور)بص على اسكتشات حاتم

عم حاتم معايا أون لاين دلوقتي، و وراني رسمه لبنت فرنساوية في موقع فني علي النت، و لما قلتله "بنت الهبلة سايبه الايميل بتاعها يا وله!" راح قايلي "رحلها فرنسا يا خويا!"
و الله اقتراح مهم--ألمعي علي رأي سيبويه-- ديتها بس كام ألف دولار لزوم السفر و الاقامة و الذي منه، إضافة لمبلغ اضافي لزوم الشاش لو البنت شاورت عقلها و لا حاجة
مش مشكلة خالص .. أخيراً الواحد ممكن يخلص من زنوبة و ست ابوها و موديلاتهم المتطورة زي رشا و هبة و دعاء.. و كمان يخلص بالمرة من كام كاراكتر بيحطوا بوزهم بالعافية ف حياته زي كمال الشاذلي و صفوت الشريف ..كنت فين يا حاتم أنت و افكارك النيرة!

5 comments:

NYchick said...

Hello :)
reading, writing and You've got mail?
I think we will be good friends ya Muhammad ;)
Thanks for visiting my blog, and you are welcome to comment on any post no matter how "local" it is.

Muhammad Aladdin said...

Thanks a bunch, NY chick! I wish to be freinds as well!

Alaa

Anonymous said...

Looking for information and found it at this great site...
Huis en tuin tuin bonsai Dvd camcorder review refinance mortgage boston bonsai in a box lord of the rings demo download Decks patios driveways fort laramie wyoming Sony dvd player region http://www.heartearrings.info/pikesvillejewelry.html freshwater pearl earrings 14k Gagging blowjob videos Kia sedona demo for sale Levitra shop com givenchy blue necklace

Anonymous said...

Wonderful and informative web site. I used information from that site its great. film editing classes

سالي محمد سالم said...

فرنسا دى حلمى بعيدا عن(المزز)-الولاد لانى بنت-هيا بلد جميله ابقى احجزلى معاك يابوعلاء