designed by: M. Aladdin & H. Fathy

Monday, September 29, 2008

...زمان يا حب






المملكة المصرية

(1922- 1953)

........................................

الصور من إعداد الصديق العزيز أشرف عبد العظيم

..‘إين .. إين.. إين


شفت حبة ناس متجمعين..

بربطة المعلم، عليا جايين..

انفزعت.. صرخت.. انتوا مين؟

ردوا وقالوا: احنا الحنين!

وعجبه...

........................

هع!

* مع الاعتذار لصلاح جاهين.

..ِشوية شوق على ميه بيضا


شوقنا اكتر.. شوقنا..

شوقنا أكتر ما اشتقنا..

واوعاك تفكر بحر الشوق..

مهما عليّ.. ح يغرقنا..

...

شوية شوق بقى.. شوية شوق.. الدنيا ما بقتش بتوحش...

Sunday, September 28, 2008

..... لا تسألوا عن أشياءً


كل شوية حاجة تتحرق..

المسافرخانة، محرقة بني سويف، مجلس الشورى، قطر الصعيد، وأخرهم المسرح القومي..

غير الحرايق الفكة، اللي هي حاجة ببلاش كده زي حريقة دلوعة ف دار القضاء العالي، ومن باب التغيير مطعم ف سيتي ستارز..

يعني هو كل شوية حد ينط من بلكونة، ولا مختل عقليا، ولا ماس كهربا؟!!

(من باب إحقاق الحق نقول إن موضوع الدويقة ده ما بيحصلش كتير)..

سألت نفسي زي العبيط من شوية: هي البلد دي فيها ايه؟!!

لاقيت نفسي بتقولي: فيها فيل...