designed by: M. Aladdin & H. Fathy

Saturday, October 09, 2010

7 اكتوبر..

النهاردة كان 8 اكتوبر، وفي الوقت اللي انا نشرت فيه البوست ده دلوقت ح يبقى 9 اكتوبر، وانا عيد ميلادي كان 7 اكتوبر، الميعاد اللي كنت باكتب فيه تدوينة ما في كل سنة، معاها صورة فاضلة لسعادتي.

المرة دي بما اني معنديش اي كلام، وبما اني ما اتصورتش من اصله، ويمكن علشان حابب ان ربنا يقطعلي العادات- لأن العادات ممكن تكون مملة للناس قبل ما تكون مملة بالنسبة لي- مش ح اكتب حاجة من اصله.

كل اللي ممكن اقوله أن السنة اللي فاتت كفاية عليها اني خطبت رسميا شريكة الحياة، وكمان تخليت عن عزوفي عن الجوايز.. دي الاخبار باختصار مش عارف ان كان مخل ولا لأ.

كل اللي ممكن اكتبه اني اتمنى لكل حد في عيد ميلاده انه يكون عنده شوية أمل.. يارب.. يارب جميعا.

3 comments:

dr.lecter said...

كل سنه وانت طيب ياستاذنا

مصطفى محمد said...

سلامو عليكو

أيوه كدا

ألف مبروك على عثورك على شريكة حياتك .. أطيب التمنيات بأن تستمتع بشقك القادم من حياتك مع نصفك الآخر

و كل سنة و انت طيب

:)

Muhammad Aladdin said...

ليكتر
كل سنة وانت اطيب
:)

مصطفى
الله يبارك فيك وانت برضه اطيب
:)