designed by: M. Aladdin & H. Fathy

Wednesday, October 17, 2007

...حبيبي شغل كايرو


في وسط البلد

أول مرة أشوف بارات

أول مرة أشوف أجانب فقرا

أول مرة أشوف دكاكين خمرة

أول مرة أشوف عمارات عتيقة

أول مرة أشوف شواذ

أول مرة أشوف بنات ليل

أول مرة أشوف مظاهرة

أول مرة أشوف وسط البلد

غربة ولاد مدارس الحكومة

فـ وسط البلد

غربة مميزة جدا

و لحد دلوقتي

مش حافظ الشوارع

ولا مين شريف

ولا مين ثروت

بس هي دي فعلا وسط البلد

أنا حاسس كده


محمود عزت

..............................................

من ديوان: حبيبي شغل كايرو—دار ميريت.

الصورة: شارع سليمان باشا—تصوير: محمد علاء الدين.