designed by: M. Aladdin & H. Fathy

Wednesday, January 31, 2007


تحت فيه عداد. طبعا دي حقيقة علمية علي رأي د.نبيل فاروق و مش مبهرة اوي اكيد، و الرقم اللي في العداد حاليا انا بكتب هو 100090، و برضه ده مش شيء مبهر، و العداد ده بدأ في يوم 21 ديسمبر 2005، يعني قبل السنة الاولي للبلوج باربع شهور، و النهاردة، بيعدي حاجز الـ100000 ، قبل تلات شهور من السنة التانية.. ده برضه مش مبهر
حد ح يسألني ايه المبهر، ح اقوله ان مفيش شيء مبهر غير الناس اللي بتفوت و تعدي و تقول هاي او ما تقولش.. و طبعا مش كل الميت الف زوار للبلوج قصدًا.. يعني اللي جي في سيرش عن الطبيخ او القطط او حتي غطيان الحلل.. و م مشكلة لما يكون عدد المتابعين الحقيقي عشر الرقم ده، أو حتي عشر عشر الرقم ده. برضه ح يفضلوا مبهرين و مشكورين علي اللحظات اللي قضوها مع كلام اهبل من اللي انا بكتبه هنا. كل ميت ألف و انتوا طيبيبن
:)

15 comments:

To a friend said...

المبهر فعلا و الاكثر من رائع هي كتاباتك الرائعة و دي حقيقة علمية معروفة

حقيقة علمية تانيه ان العداد ما بيكدبش .. انا متأكدة ان كل كلمة و كل بوست في البلوج هنا
تستحق الوقوف عندها و التأمل

كل ميت الف و انت طيب و عقبال ميت مليون ان شاء الله

المسافر said...

بصراحة أنا لاأعرفك ولا تعرفني بس مش عارف ليه فرحت لما لقيت كتابك الأول نفذ من الأسواق وإنك بتحتفل بكتابك التاني وكمان كلامك بحس إنه بيعبر عن احاسيس ممكن تكون عندي برضه

فأسمحلي أقولك ألف لأ ميت ألف مبروك على الكتاب الأولاني والتاني والزوار وعقبال مايكون عدد الزوار هو عدد قراء الكتاب أو الكتب اللي بعد كده

مرة تانية مبروك

Muhammad Aladdin said...

نور
و انتي بصحة و سلامة.. اما بالنسبة لكلامك الرقيق فانا مش عارف ارد ازاي، و علشان كده ينفع اقولك شكرا بس؟
:)

المسافر
الله يبارك فيك، و بجد انت راجل ذوق و دي مش مجاملة.. و عايز اقولك انت من الناس اللي كومنتاتهم دايما فيها طريقة متمايزة كده و مختلفة.. و دي مش مجاملة لأننا--زي ما بتقول--لا اعرفك و لا تعرفني
نورت البلوج مجددا يا سيدي
و الله يبارك فيك
:)

Incomplete said...

هو والله المفروض احنا اللي نشكرك..يعني لأننا بنستمتع فعلاً واحنا بنقراسطور من حياتك واللي هي كأنها سطور من حياتنا
وأكيد انت عارف ان مدونتك بقت طقس شبه يومي عند ناس كتير .. عندي على الأقل
:)
تسلم ايديك
وعقبال كده ماتكمل سبعين مليون

Dananeer said...

كل سنه و انت طيب يا محمد
اعتقد ان كتير من الوقت كمان الناس بتكون مش تايهه
ممكن مفيش تعليق
ممكن مستعجلين
ممكن بيقروا من reader
لظروف المنع الظريفه

Anonymous said...

على فكرة يا محمد
البلوج بتاعك مميز
ويشد الواحد إنه يزوره
ف والنبي بلاش تواضع البلوج يستاهل
وانت كمان تستاهل العدد ده
والف طيب وانت بخير

Anonymous said...

you know what no body could say any thing after all these readers' commentts which is clear that they all love you even they dont know you just like me .. umm congratulations sir ,by the way can i ask you to take care of your self , i dont have to tell you that THEY are arresting bloggers and you are just a great one , i wish you the best of luck ...
sir,

zordeak said...

كل سنة وانت طيب يا لول


كل مييت الف زاير وانت طيب


كل سنة وانت مبهر يا جمييل


وكل سنة والتنين الاخضر اللى بشنب مووف ملياان ابداع

ومليان شقاوة

ومليان بدمك الخفيف يا لول

والحقيقة العلمية الاكيدة

ان بلوجك جميييل زيك بالظبط

وانى باجى هنا دايما

وبستمتع بكل خاطرة من خواطرك

مش لازم اسيب تعليق دايما

ساعات بحس ان تعليقى مش هيزود

بس بجد

انا بزيد حاجات كتيير اوى كل ماجى هنا

شكرا يا لول على كل حاجة


ويا رب دايما كده تكون رجليك عارفة طريق النجاح


يا عمهم

:D

:)

Anonymous said...

أنا عابرة متلصصةعلى خلق الله ولا تعلق عادة بس حبيت أقولك أنى لما قريت إنجيل أدم لقيت عندك تجربة مختلفة وثرية..مبروك على روايتك الجديدة وأكيد هكلمك لما أقراها .

Muhammad Aladdin said...

ورود
خطوة عزيزة و نورت البلوج يا جميل.. سبعين مليون يبارك فيكي
:)

دنانير
شكرا علي كلامك الرقيق، و كفاية مرورهم

عزو
الله يخليك يا عز

:)

المجهول
يا سيدي كلنا في سجن كبير.. ما فرقتش كتير يعني
:)
شكرا علي ذوقك و علي مرورك

زوردياك
طب ارد عليك اقولك ايه.. بجد مش عارف، و مهما رديت برضه مش ح اعرف اوقي كلامك حقه
شكرا شكرا شكرا
:)

سمر
هو ده التلصص الجميل، و شكرا علي كلامك، و في انتظار رأيك
:)

Anonymous said...

علاء حقيقى البلوج بتاعك اكتر بلوج الواحد ممكن يلاقى فية كل حاجة من ادب و ثقافة و معلومات وخفة دم حقيقية و على فكرة انا من الزبائن الدائمين يا مبدع و عقبال البليون زائر

Anonymous said...

كل ميت ألف وانت طيب
عقبال الخمسمئة ألف يا علاء :)
تستاهلها وتستاهل اكتر كمان .. بلوجك ده بقى إدمان لي ولناس كتير ، يا رب دايما تكتب وتمتعنا بكلامك .
:)

انجي

Muhammad Aladdin said...

د. راندة
زبونة ايه بس يا دكتورة انتي صاحبة بيت
:)
و بجد اشكرك جدا علي ذوقك

انجي هانم
كلام اكبر من مقاسي فخامتك
:P
شكرا يا انجي
:)

Shorom Borom said...

wallahi el blog dah mosally geddan

and btw i like the purply mustache thingie:D

tomy said...

هاى محمد انا فاطمة البودى رواياتك تباع بفرعى مكتبات الدار القاهرة 97 كورنيش النيل روض الفرج ت 24580360
24580955
الاسكندرية 7 ش ركن الدين الابراهيمية ت 03 5915247
انا سعيدة لاننى اول مرة اتعامل مع البلوجرز