designed by: M. Aladdin & H. Fathy

Friday, June 23, 2006

.. انا و اخويا علي ابن عمي



نشرت المصري اليوم في صدر صفحتها الاولي نبأ اعتذار غانا للجامعة العربية و لجمهورية مصر العربية علي حادثة إبراز لاعب غانا لعلم إسرائيل، و العبد لله لا يفهم سبب الاعتذار، كما لا يفهم سبب الاحتجاج--فلا اعتذار بلا احتجاج بالطبع
غانا ليست دولة عربية، و لا مشكلة لديها مع دولة إسرائيل فيما يتعدي (البُعد الاخلاقي) فيما افهم، و هذا البُعد الاخلاقي نسبي إلي اقصي درجة بالنسبة لإناس يسمعون حجة من هذا و حجة معاكسة من ذاك و لا ناقة لهم و لا جمل فيما حدث و يحدث في فلسطين، فلم افهم الاعتذار إلا علي اساس انه محاولة للدبلوماسية المهذبة و حسب، و هذا شأن غانا.. تعتذر لمن تعتذر له و تسيء لمن تسىء إليه
و لكن الامر الغرائبي حقًا هو موقف جامعة الدول العربية تجاه بلد لا يعد من اعضائها، و لا تعتبر الواقعة سابقة الذكر تعديا علي "العرب" سواء اعتداءً بالقول أو بالفعل أو بالقرارات السياسية، بل و أن الجامعة--رغم عدم وجود علاقة رسمية بينها و بين إسرائيل--قد تبنت مبادراتين "سعوديتين" للسلام هما "مبادرة فهد" و "مبادرة عبد الله" و بها استعداد للإعتراف الرسمي بإسرائيل في الظاهر، و اعتراف ضمني بها في الباطن
أما بالنسبة لحكومة جمهورية مصر العربية فإن علامات التعجب تتزايد، فجمهورية مصر العربية هي التي نقلت "تل ابيب" من عاصمة لـ"الكيان الصهيوني" لعاصمة لـ"دولة إسرائيل"، و هي ذات الدولة التي تحمي علم إسرائيل المرفرف فوق قلب القاهرة، و هي ذات الحكومة التي فرطت في نفوذها الإفريقي يومًا بعد يوم، و هي ذات الدولة التي اشتركت مخابراتها في عمليات قذرة في سبعينيات القرن الماضي في افريقيا--نادي السفاري
من أين إذا جاءت البجاحة العربية عامة و المصرية خاصة تجاه غانا، كيف و العرب منهم من وقع اتفاقيات مع إسرائيل، و منهم من هو متعاطف--أو متواطئ: سمه ما يحلو لك--مع الدولة العبرية مثل المغرب و قطر و تونس و نُخب معروفة في لبنان و ما خفي كان اعظم؟
متي سيكف العرب عن تلك البذاءة و الازدواجية و الضجيج بلا طحين؟
و لله في خلقه شئون

21 comments:

ayman_elgendy said...

بسم الله الرحمن الرحيم

كبر مقتا عند الله ان تقولوا ما لا تفعلون

صدق الله العظيم

وبشر الصابرين

:-)

SaSo said...

هو تقريبا-والله اعلم- اعتذروا عشان اثارو مشاعر العرب,لا بذمتك موش وانت بتتفرج ع الماتش كده حسيت ان مشاعرك اتثارت؟
عالم هبل اوى اول ماحد يقولهم اعتذروا يجروا يعتذروا على طول.
Viva Denemark

Muhammad Aladdin said...

ايمن
صدق الله العظيم

سروة
مش عاجباني طريقتك و انا و الله حر، و إذا كان اسلوب الفَسَحة ده (خصوصا موضوع تحيا الدنمارك و شغل العاطل ع الباطل)شيء لطيف بالنسبة لك انتي حرة تعمليه عندك
لكن رغم ذلك ح ارد
اولا: مشاعري ما اتثارتش و لا حاجة، شوية دهشة طفيفة بدافع المفاجأة ليس إلا .. لكن اكتر من كده لأ
ثانيًا: العرب لو بيزعلوا من شيء ما يزعلش فهما حرين.. الراجل غاني، لا عربي و لا يهودي، و حر يعجبه اللي يعجبه و ما يعجبوش اللي ما يعجبوش
الراجل بيحب اسرائيل و بيحييها.. حقه و هو حر، يعني لا شتم العرب و لا ابو خاشهم و لا جاب سيرتهم و لا اي حاجة.. و يا ست سروة حكومتك انتي اللي هما مصريين و عرب مش وارد تايوان يعني سمن علي عسل مع اسرائيل.. و الله روحي اتكلمي معاهم هما لو مش عاجبك، مش اسد ع الغريب و علي القريب نعامة.
من الاخر يعني الراجل حر فعلا و محدش ليه عنده اي حاجة.. انا و الله بحب التبت و انا حر.. الصين تزعل مني ليه؟؟؟ ليهم عندي ايه؟؟؟
و العالم الهبل فعلا هم العرب مش الغانيين. هبل علشان سايبين اللي بيحصل فيهم بيحصل فيهم من ولاد بلدهم
يعني يا ست سروة انتي و اللي زيك و برضه من الاخر: اتكسفي علي دمك. عيب

Anonymous said...

احم احم .... فينا من تهزيئ ...

على فكرة يا علاء ، على حد علمي المتواضع (وشكلي حاطلع مش عارفة حاجة من الأساس) الجامعة ما طالبتش أي اعتذار .. لكن بعض الدول العربية هي اللي استدعت سفراء غانا وطلبت منهم تفسير .. وغانا الله يكرمها عملت للجامعة منظر وبعتت لها الاعتزار ، مع إن وجهة نظري الخاصة إن الموضوع ما يخصناش فعلاً علشان تعتذر عنه .
بس ماحدش ينكر إن التصرف ده من اللاعب الغاني غريب جداً ومهين جداً جداً بالنسبة لغانا .. يعني إيه يكون لاعب من دولة وبيلعب باسمها وتحت رايتها ولما يكسب يرفع علم دولة تانية !!!! الموضوع أولاً وأخيرا يخص غانا فقط لا غير ، لكن ده ما يمنعش إنه موضوع غريب .. وتصرف ما حدش عارف له تفسير .

Muhammad Aladdin said...

تهزيق ايه بس يا إنجي.. انا اقدر برضه؟
:)
ممكن نختلف علي موضوع رفع العلم ده (لأني ممكن ارفع علم فلسطين في محفل دولي من باب اظهار المساندة و ما اظنش ده انتقاص من وطنيتي) بس انتي قلتي اللي فيه المفيد، يعني الكام حاج اللي عمل اقرالهم في مواقع مختلفة ينقطونا بسكاتهم و النبي!
(النكتة أن فيه صحفي كروي-- اي و الله صحفي كروي مش فيدل كاسترو--طالب بقطع العلاقات مع غانا و المقاطعة و بتاع.. علي كده نقطع العلاقات مع المغرب الاول اعتقد.. و لا نطرد الاردن من الجامعة العربية)
شكرا يا استاذة إنجي علي التوضيح.. انا عن نفسي ما اعرفش اي تفاضيل.. مجرد خبر في جريدة موثوق في مصداقيتها و استدلال منطقي
:)

Una said...

أنا رأيي أن الاحتجاج (يعني لو كان فيه) ديبلوماسيا منطقي وواضح أنه فقط من أجل الرأى العام، ودي حاجة للغاربة لسة مهمة ولسة الجامعة العربية ماتقدرش تفوتها، وليس له أى شأن في البيزنس ما بين الحكومات حاجة كدة زي عيل صغير عمل لصاحبه كدة هو مسدس وقاله طخ قام صاحبة عيل وساق له فيها وقاله أهله ده طخه طخ..
أنا لو كنت سفيرة في غانا، قول يارب ، كنت هابعت رسالة لنادي اللاعب ووزير الرياضة أقولهم، عيب لما تبقوا ضيوف في حتة وتصيعوا صياعة مالهاش لازمة في العلاقات الدولية، معروف أن اسرائيل هادرة دم شعوب ياما وواخدة منهم أسري ياما وعليها لغط مالوش لازمة بين الشعوب، اللي هما أصل جماهير الكورة مش الحكومات، ويطلع لاعب صايع بالمعني الأدبي مش البذئ. يرفع علمها في ملعب كورة في دولة هى الأخرى عندها مشاكلها معاها، حريتكم طبعا ع العين والراس، بس دي كورة،،ودي معتقدات،، ودي علاقات دولية،، واعتقد أنه تقاليد اللعب فعلا تمنع حكاية رفع أى علم في الملعب دي

أما حكومتنا (نيتها طلعا مختلفة) هى كالعادة بتتشطر على العيال اللي في آخر دكة في الفصل، وماتعرفش تتكلم مع شلة الصيع اللي ف أول دكة،

واللاعب، أنا رايي أنه واد صايع، مافيش مشكلة، وكان يصح الرد الشعبي عليه يبقى صياعة من مقامها، بس احنا بأة فين والصياعة دي فين، كفاية حكومتنا بتصيع.. (وبالمناسبة بتصيع دي أقل حاجة عايزة أقولها في السياق ده، احتراما لمقام البلوج وصاحب البلوج.

abderrahman said...

الكتابة عيبها إن فيها جانب (أكل العيش)، كل لما الناس تاخد بالها من المكتوب وتكرره يبقى الكاتب نجح، عشان كده زايد البعض في قصة لاعب غانا .

أنا عن نفسي بتساءل لو كان اللاعب رفع علم فلسطين أو مصر أو السعودية، كان حتحصل الضجة دي ...؟

أعتقد ان البعض غيران لإن اللاعب رفع علم اسرائيل، و محصلتش مع أي دولة عربية :)

Anonymous said...

مش قادر أفهمك يا علاء!
انت معانا ولا معاهم؟

الراجل غاني، لا عربي و لا يهودي، و حر يعجبه اللي يعجبه و ما يعجبوش اللي ما يعجبوش...؟
ده كلام جميل..
لكن أنا كمان من حقي أكرهه أو أتضايق منه لأنه ببساطة تعاطف مع عدوي..
أليس من حقي أن أكره عدوي، واللي يتشدد له؟

مسألة أن الحكومة سمن علي عسل مع اسرائيل..موضوع آخر ..مرفوض أيضا.. لكن لا داعي لخلط الأوراق.. فهذا لا يمنع أن يكون لك موقفك ..
من حقك طبعا أن تحب التبت.. ومن حق الصينيين أن يكرهوك..صح؟

Mohammad Aboul-wafa said...

lets simplify it...

wa7ed ma3refaa...we met7'ane2 ma3 berahim el gazzar...
ra7 we howa mashy fel share3 2aal.."ya3esh 3amm berahem wel la7ma beta3to"

momken ta7'od 3ala 7'atrak menno we te2ol fe nafsak yeshba3o be la7met el 7emer beta3too...
bas seems 3ashan el gada3 el me3refa da le masale7 aw "mostab3adan" 2a7'la2
ra7 2allak lamo2a7'za ya she2ee2

mesh lazem at7'ane2 ma3a el gada3 el ma3refa 3ashan yegey ye2olli lamo2a7'za "no a critical point is the objection from us"

we law haza el 2a7' elli beyshaga3 el gezarah maye3rafnesh aslan aw malosh masla7a mesh hay3abarny aslan.

i see it in this superficial way..

& i think this is the case here...


ma7shy :))))

Mohammad Aboul-wafa said...

ps:
i do not deal my enemy with democracy & liberality anyway...

& i was not happy from the player...yes just because it is israel..

but about the apology the case i see it like what in my 1st post

Muhammad Aladdin said...

ازميرالدا
نورتي البلوج يا ستي
:)

ابو باشا
يا بني ده لو كان رفع علم فلسطين كان نفس المعترضين هنا كانوا قالوا "يا سلام ع الشجاعة و ع الاخلاق".. انت جبت المفيد
:)

أم إي عبد العاطي

انتوا مين و هما مين مش فاهم؟ طب عرفنا هما مين.. علي الاقل اغلبهم ليه هدف واحد و متوحدين علي مبادئ مافيهاش خلاف "تقريبا"، بس إذا سمحت سعادتك يعني: انتوا مين؟
و انا يا سيدي اقتناعاتي ما تمنعنيش اقول الحق، أو اللي انا شايفه حق بصيغة ادق
و لو سمحت يا استاذ عبد العاطي تقرا البوست، و بعدين تقرا الكومنت اللي هنا بعناية قبل ما ترد بطريقة الكلمتين و بعديها نقطتين، اللي فكرتني بديسك (المراجع التحريري) الجمهورية ايام سمير رجب
(الرئيس مبارك.. ادي الامانة .. و خدم الشعب) أو (سمير كمونة.. خائف من الاصابة)

محشي
تعال نبسطها ايه بس يا راجل يا طيب.. انا تهت في وسط المثال (بهزر) .. نورت يا سيدي
:)

Unknown said...

كان فيه واحد قالى ان الفيفا هى اللى قالت ان مش المفروض أى لاعب يظهر أى اتجاه دينى أو سياسى (غير بلده طبعاً) فى الماتشات، الله أعلم ايه مدى صحة الموضوع ده، بس كان ده السبب ورا الإعتذار!!

أنا شخصياً ما إعتقدتش ان الموضوع ليه أهمية لأن كل واحد حر يساند إسرائيل، أمريكا، و كل واحد برضه حر يعتنق الديانة اللى هو عايزها.
الناس اما تصدق أى حاجة و تجرى عليها اهو تضييع وقت !!!!!

Since you provoked me enough to comment in ur blog, i hv to tell u: Extremely unique blog title:) although i would have preferred if the dragon was a "She" :D

Have a nice day.

Anonymous said...

قاله يابا علمني الغتاتة.. قاله يابني تعال في الهايفة واتصدر. يعني هو كان ينفع الجامعة العربية تعد كدة ساكتة؟ مش لازم برضه تعمل شويتين كدة يقولوا إنها لسة في المنطقة؟

littilemo said...

الكبير كبير برده

Unknown said...

يعني عرفت هما مين ومعرفتش احنا مين؟
إحنا أقصد العرب، لكن مش مهم؛ دي كانت "دعابة غير موفقة" كما يقول دأحمد خالد..
أقرا البوست؟ قريته وكتبت رأيي،لكن ده ميمنعش ان عندك حق في موضوع الكلمتين والنقطتين (ولو انه مش موضوعنا)أنا فعلا أسرفت في استخدام النقطتين دول كتير، لكن لاحظ ان دي علامات ترقيم.. مهمة طبعا، لكن مش أهم من قواعد اللغة والنحو..صح؟
فكرتك بسمير رجب؟.. أستغفر الله العظيم! ملقيتش إلا ده؟.. الله يسامحك!
ملحوظة خارج الموضوع: انت كمان عندك أخطاء يعني مثلا مفيش حاجة اسمها "اقتناعاتي" لكن جل من لا يسهو

Unknown said...

نسيت أقول إن أنا m.e.abdelaaty

Anonymous said...

النهارده كان سياده الريس معدي ف صلاح سالم .. و طبعا الشعب المسكون اللي غلط و قرر يروح الشغل ف لساعه المهببه دي لازم كان مزنوق زنقه الكلاب ... طب ما كان سياده الريس المبجل ياخد الهليكوبتر و يريحنا ... انتوا عارفين انه تكلفه تعديه سيادته ع ميدان التحرير بس 6 مليون جنيه بسبب الموظفين و الشركات اللي مصالحها بتتعطل .... يعني ده ميدان التحرير فما بالكوا بباقي الرحله الساميه ف بتكلف كام ....... و المفارقه الظريفه انه جميع الاخوه العساكر بقوا كتير ف امن الدوله و اختفوا من جميع المصالح اللي ممكن تفيد الناس ... المطار مثلا كان يضرب يقلب ماكنش فيه غير صول وحيد شريد و طبعا ما عرفش يلم الناس
.... و بتقولوا انهم عندهم ازدواجيه عشان بيكرهوا و يحبوا اسرائيل ف نفس الوقت ...... لا يغير الله ما بقوم حتي يغيروا ما يانفسهم
ام يحيي

Muhammad Aladdin said...

نيفيسيز
لا هو "هو" و زي الفل كمان
:)

المجهول
و الغتاتة بقت بالكليو صراحة.. عندك حق

ليتل
فعلا.. الكبير كبير
:)

فنان
مانا فاهم.. بس هو فيه حاجة واحدة علي بعضها اسمها العرب يعني؟ مش قصدي علي الثقافة او الفن، اقصد تحديدًا الموقف السياسي
و لسه بقولك اقرا البوست و الكومنتات كويس
اما بالنسبة "لإقتناعاتي" انا راجل باكتب عامي يا سيدي الفاضل حاليا.. و الكومنت اللي فات احتوي ملحوظة علي الاسلوب، مش الاخطاء اللغوية يا سيدي الفاضل.. خلي بالك من دي كويس علشان انت واضح انك مش واخد بالك اكتر الوقت. مثال تطبيقي: الفرق بين الاخطاء و الاسلوبية

أم يحي
عندك حق
:)

SaSo said...

واضح انك مفهمتش انا قصدى ايه
موش مهم
اه على فكره اسمى "ثروه" يا بتاع اللغه العربيه يامثقف

Muhammad Aladdin said...

"ثـ"ـروة
معلهش يا ست.. حقك علينا..افكارك اكيد اكبر من اننا نوصلها.. و اكيد برضه الحق علينا في موضوع ثروة باعتبارك نجمة مجتمع

Richard Fouad said...

instead of this fake argue
about an anonymous player whom you all didn't know even his name and wondering why???? he upraised isreali flag ...search first for arab countries to achieve success and raise their own flag...at least he raised a flag while ours raise their shoes against each other ...by the way ghana and isreal are not cousins...we are !!!!