designed by: M. Aladdin & H. Fathy

Tuesday, June 07, 2005

ايام زمان

زمان، من يجي اتناشر سنة، في يونيو من سنة 1993 بالظبط، كانت هي مليانة شوية، و انا كنت اقصر كتير. هي حبوب وشها خفت، و انا لبست نضارة
قضينا مع بعض اسبوع شغل متعب، بس كان شغل بطعم الفرحة. كنا بنمثل وطنا العربي في مؤتمر فيينا بتاع حقوق الأنسان. و بعدها--زي العادة--كل واحد فينا اختفي و راح ف حتة. انا كتبت كتب صغيرة، و هي بقت نجمة سينما و تليفزيون معروفة
بسمة


و لما كان واحد صاحبي رايح العرض الخاص بتاع فيلمها "النعامة و الطاووس"، قولتله يسلملي عليها. مكنتش متأكد--مع كده--انها ح تفضل فاكرة علاء من وسط السبعتاشر شاب من كل الوطن العربي، اللي كلوا عيش و ملح مع بعض من سنين طويلة
بس لما صاحبي كلمها، و علي حسب ما بيقول، قالها بس اسمي،راحت قالتله "علاء! ازيه؟! اديله نمرتي!" فعلا كلمتها، و كانت مكالمة لطيفة جدا، الحياة و العيشة و اللي عايشينها، و كعادة كل الحاجات اللي زي دي، اتفقنا نتقابل و محصلش. حصل بس بالصدفة لما كانت في بيتي الأول، دار الهلال، و كانت طالعة من عند محمود سعد. عرفتني ف لحظة
"علاء.. انت كبرت قوي"
و لما كتبت البوست بتاع امبارح، عن الفيلم و جيهان عبد الله، فكرت في ان بسمة هي حد مناسب جدا للدور النسائي، بس يا تري ده ممكن يحصل، و نرجع زمايل زي زمان؟
:)
سؤال بسيبه للزمن، و لغاية ما يجاوبه، انا فعلا نفسي اقولها أنها--زي ناس نادرة في حياة كل واحد فينا--بتفكرني بأجمل ايام حياتي

8 comments:

aMRALi said...

جيهان وبسمه
لااااااااااااااا
انت داخل على طمع

aMRALi said...

اخيرا ظبطت الوقت

Muhammad Aladdin said...

ههههههههههههههه.. انا ما اعرفش جيهان في الحقيقة فعلا.. و الموضوع ده مجرد تحية صغيرة لحد لطيف و جميل

و بره الموضوع
أنا فعلا طماع كبير
:P

Muhammad Aladdin said...

ايوة.. اخيرا اخيرا اخيرا
:)

أحمد said...

أيه
دنيا

Muhammad Aladdin said...

Biso
Yep..Life!

W.

Thanks dear
:)

Anonymous said...

I have been looking for sites like this for a long time. Thank you! eliminar adware gratis Dodge magnum 22 rims yantis ru sex foot teen Telephone call centers understanding emotional exhaustion Botox for sweat glands Book bags mary kate and ashley backpacks plan retirement well Used compaq laptops custom dodge ram 04 dodge ram after market parts 1957 ferrari Mesotherapy and cellulite colors dodge magnum Nevada state attorney general National association of independent insurers oil drain plug 2004 dodge dakota dodge shadow gasket change how-to Topical treatment for rosacea

Anonymous said...

Keep up the good work » »